Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Rîlêye des crakes del Blawete (Christian Thirion)
Potchî al pådje 1, 2  Shuvant
 
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 10 awo, 2019 21:30:08    Sudjet: Responde tot citant

Pol Rantoele 77

1) On gayârd tot-z-alant ovrer ..rèsconteûre eune crapôde avou dès  bèlès djambes...èt i tûze: ..
...: damadje qui m'fème n'a nin lès minmes !
on pô pus lon, i veût ine ôte avou on bê drî-min (1) ...
...: damadje qui m'fème n'a nin l'minme !
Tot riv'nant , i rèsconteûre co eune crapôde avou eune bèle pwètrène ..
...: damadje qui m'fème n'a nin l' minme !

Tot rintrant è s'mohone, i dit a s'fème : dj'a tûzé a twè tot dè long dè djou !

(1)drî-min = (croupe-derrière-fessier)

------------------------------
2) Lès fèmes vikèt pus vîles qui lès-omes ,c'èst çou qu'on dit !(sih annêyes po lès calculs),
...èt po rapiçî l'tins..c'èst po çoula qu'lès-omes  ni fèt nin l'manèdje... èt l'amagnî nin pus !
------------------------------

3) Madame li colonèl  è-st-a l'årtike dèl mwért !
Si-ome,(li colonèl),li d'mande : 
M'as-s' dèdja fé wiyinme (cwèrnou) !
Èle lî rèspond: Awè mamoûr ! Mins rin qu'deûs côps ..
Lu: Rin qu'deûs côps...dji tûzéve qui c'èsteut bin pus' qui ça..èt avou quî ?
Lèy: On côp avou l' jénéral ...
Lu: Ah..l'crapule !
Lèy: Èt on côp avou l'rèdjimint !
------------------------------

4) Ine cope di hanteûs  v'nèt di s'marier..

Lu,: Asteûre on n'rèye pus..c'èst mi qu'èst maîsse ! Hoûte bin ,vola k'mint ça va roter asteûre !
-li londi,dji m'va djouwer ås bèyes ...(1) 
si t'ès vola ,ça va..si t'ès nin la,..c'èst tot fî parèy !
-li mårdi,dji m'va djouwer å biyård !
si t'ès vola, ça va..si t'ès nin la,...c'èst tot fî parèy !
-li mèrcridi,dji m'va beûre on vêre,..
si t'ès vola,ca va..si t'ès nin la,...c'èst tot fî parèy !
Si fème lî rèspond: 
Avou mi ,n-a-st- eune règue,... dji fê l'amoûr a  tote eûre di nut'èt d'djoû.
si t'ès vola,ca va..si t'ès nin la,...c'èst tot fî parèy !

(1) bèyes =quilles)
------------------------------
(5) Deûs crapôdes buvèt on cafè al tèrasse d'eune cafétaria ! 

Eune dès deûs hoûke li chèrveû èt lî d'mande :
-Volez v'm'apwèrter on souke s'i v' plêt !
-Mins madame,dji v's-ènn'a d'dja apwèrter cinq' bokèts ...
-Bin awè,mins il ont turtos fondous !
------------------------------
6) Li cins'rèsse a toumé malåde ! Li cinsî èvoye Fèrnand,si valèt, cwèri l'docteûr ...

-Bin Fèrnand,dji v's-èvôye cwèri l'docteûr èt vos riv'nez avou l'årtisse (1)
-Bin ,vos m'avez dit qu'èlle aveût eune fîve di dj'vå !

Rantoele 78

1) On côrbiyård èt ine trulèye d'ôtos trécôpèt on p'tit viyèdje...
On brave vî ome 'lzès veût passer èt d'mande a on gamin :
-Quî ç qu'on ètère là m'fi ?
-Dji n'sé rin,mins c'èst l'ci qu'èst d'vins l'prumîre ôto .
______________________________
2) Pus rade qui l'vint dèl bîhe ,on curé pète èvôye foû dè kifèssionål èt rinteûre èl sacristèye tot brèyant :
Fèrnand, ! Savez ç'qui dj' vin d'aprinde a k'fèsse ?
-Vosse fème nos fêt pwèrter lès cwènes !
------------------------------
3) Djan, 19 ans,va vèy si p'tite crapôde ,Marèye
-Il èst priyî pa lès parints d'Marèye po soper .
Tot d'on côp Marèye si plind d'on må d'tièsse èt s'ènnè va s'ripwèser è s'tchambe..
-Bin sûr , li Djan l'sût...
-ine grosse eûre après,i rid'hind...
Li popa lî d'mande...-Est-ç qui ça lî va mîs m'fi ?
-Awè, asteûre ça va, dji lî a d'né ine bone drouke ! Ele va-st-ariver !
-Li popa ,tot vèyant s'brayète å lådje...Fwért bin Djan.... 
Mins si ça va mîs, sèrez vosse placård d'apotikère !
------------------------------
4) In-ome téléfone a s'fème po lî dîre qu'il èst rit'nou å burau èt qu'i n' rinteûr'rè  nin d'vant l'nut' !
I rabize vé treûs-eûres å matin, rinteûre è s'tchambe,èt k'mince a s'dismoussî ...
Èt s'fème lî dit :
-Bin Djôzèf, èt vosse caleçon,..w'è-st-i passé ?
-No di Dui d'no di Diu....on m'l'a hapé !!
------------------------------
(5) å cafè, deûs-omes buvèt l'apèro...
-Mi fème è-st-in andje..
-V's-avez dèl tchance,pace qui mi, li meûne èst todi bin vikante !
------------------------------
(6) Po-z-èsse ureûse ine fème a dandjî di qwate bièsses..
-ine "Jaguar" divins l'gårèdje
-on "Vison" su sès spales
-On Liyon è s' lét
-èt on bådèt po påyî lès factûres !
------------------------------
(7) å tribunål:
V's-avez spiyî eune tchèyîre so l'tièsse di voste-ome ?
-Oh mins, ç'nèst qu'on tèribe acsidint, savez !
-Vos n' volîz nin bouhî so voste-ome ??
-Oh siya,mins dji n'voléve nin spiyî l'tchèyîre !
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 10 awo, 2019 21:36:50    Sudjet: Responde tot citant

Rantoele 79

1) Deûs fèmes dèdja d'adje si prézintèt al kêsse  d'on cinéma ...
-Fez v' ine saqwè po lès vilès djins  ??
Awè, on 'lzès dispiète al fin dèl sèyance !

------------------------------
2) Deûs p'tites vilès  fèmes totes racafougnèyes divizèt ...
-Qwand nos-èstîz djônes, on voléve ravizer Brigitte Bardot ...
Awè, dji m'rapinse ...
-Et bin asteûre nos î èstans !
------------------------------
3) Li bus èst tådrou (en retard)..èt l'tins passe..
Eune dès deûs vîlès fèmes, si toûne èt dit:
-ça fêt si tèlmint lontins qu'on rawåde assiowe so l'ban, qui dj'a l'cou tot èdwèrmou !
- Et l'ôte rèspond : Ouais dji sé ..dji l'a oyou soyî ås plantches !
------------------------------
4) In-ome moûrt...
-I voléve si fé broûler !
Vola, qu'on l'mèt' divins on wahê, èt ..hop..on l'tape è feû...
-Li wahê broûle mins nin l'bouname...
On l'rimèt' divins in-ôte wahê èt on ratake...parèye...
li wahê broûle mins  nin l'bouname..
Li vève anonce...ça n'm'èware nin,ça fêt trinte ans qu'i prind dès- (anti-inflamåçions ! ) 
------------------------------
5) A on grand raploû, deus waloneûs d'vizèt,d'vant on vêre di bîre !
-Loukez près d'l'uch, li grande blonde avou eune neûre cote, c'èst m'fème,èt l'rossète qui djåse avou,c'èst m'comère...!
-A bin ..on-z-èst fêt po s'arindjî, pace qui mi, c'èst l'contrêre !!
------------------------------
6)D'vins l'trin, l'controleûr dit a eune bèle crapôde:
- Mam'zèle, v's-avez on biyèt po Brussèle, mins l'trin va-st-a Châlèrwè !...
-Mins dihez m', ça arive sovint å tchåfeû di s'brouyî d'vôye insi ?
------------------------------
7)Eune bèle mére dit a s'bê fi :
Vos m'f'rez morî d'ponne !
-Tint mîs ! Insi, on n' ritrov'rè måy l'arme dè crime !!
------------------------------
8) Deûs crapôdes d'vizèt a eune tèrasse dèl bate di Lîdje :
-Mi-ome, chake côp qu'il a fini di m'fé l'amoûr, i brêt come Tarzan...
-Wouah ! quéne santé !
-Awè....mins mi, ça m'dispiète !
------------------------------
9)_Docteûr, mi-ome m'amèt' (=m'accuse) di djåzer tot dwèrmant ! 
Qui m'fåt-i fé ?
-Prindez astème a ç' qui vos d'hez !
------------------------------
10) Deûs båcèles qui studièt a l'U.L.B d'vizèt d'vant eune djate di cafè...

-K'mint ça va, avou l'grand Djake ?
-Oh fwért bin, mins il èst trop tîmide...
Insi, îr al vèsprèye,nos-èstans so on banc a l'citadèle .
Tot mètant s'min so mi gn'no, i m'a dit :
Mi p'tite poyète, dji v's-inme !
Là-d'ssu dji lî rèspond:  " Pus hôt "...
Adon ,il a brêt come on vê :
"Dji v's-inme "!...
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 10 awo, 2019 21:37:44    Sudjet: Responde tot citant

Rantoele 80

1) Ine bone vîle grand-mère dimande a si p'tit fi di 12 ans :

-Quéne sôre di fème  inm'reûs-s'  d'avu pus tård mi p'tit fi ?

-Dji voreû trover ine crapôde come li leune..
- Ti vôreûs eune fème bèle come li leune ?

-Nèni, dji vôreu qu'èle vinse al vèsprèye èt qu'èle pète èvoye al pikète dè djoû !

------------------------------
2) Deûs fèmes qui n'arivèt nin a aveûr in-èfant ont sûvou on trêt'mint a l'ospitå...

In-an pus tård,èle si rescontrèt mins n-a eune des deûs qui ratind famile dispôy 7 meûs..
-L'ôte dit:
-V's avez dèl tchance, mi li trêt'mint n' m'a rin fêt..
-Bin, a mi nin pus, mais dj'a stu vèyî in-èssok'teû (hypnotiseur) !
-Mi avou,nos î avans stu sî côps avou mi-ome èt ça n'a nin stu ...
-Ah bin sûr ça ! I faléve z-î aler tote seûle don !!

------------------------------
3) In-ome prind on tacsi avou si p'tit gamin.

Li tacsi mousse divins eune rowe wice ç'qui lès  comères  tinèt botike dizos  leûs cotes ....
Li gamin d'mande :
-Qu'èst ç'qui c'èst totes cès fème là ?
Tot djinné , li popa rèspond:
- Dji n'sé nin. Dji n'èlzès kinohe nin ...
Li tchåfeû d'tacsi dit :
-C'èst turtotes dès poufiasses !
Li gamin : Qu'èst ç'qu'èle fèt là, lès poufiasses ?
Li tchåfeû: -Èle racolèt...
Li popa såye d'intèrvini... :-Èle ratindèt leûs-omes !
-Ah ! Èlle ont in-ome ?
Li tchåfeû: -Èlle ènn'ont minme saqwants par djoû...
Li gamin : - Mins si èlle ont saqwants-omes, èlle ont bråmint d'èfants ?
Mins popa, qu'èst ç qu'i fèt tot cès- èfants-là qwand i sont grands ? 
- I div'nèt tchåfeûs d'tacsi m'fi !!

------------------------------
4) Å burô d' l' « Etat civil », eune djône comère vint s'inscrîre po s'marier...
Èle dimande å buralise:
È-st-i vrèy qu'ça pwète måleûr di s'marier on vinr'di ?
- Bin sûr don ! Poqwè vôrez v' qui l'vinr'di seûye a pårt _

------------------------------
 
5) In-ome rinteûre pus timpe di s'ovrèdje èt troûve si fème è s'lét avou l'plonkî ...
Adon,i brêt:
-Mins nom di Diu, ...qui fez v' là ? Vos sèpez bin qu'ç'è-st-a l'élèctricyin qu'on deût dès çanses !

------------------------------
6) Å comissariåt d'Lîdje, eune fème vint dèpôzer plinte ...po viol .

-Racontez-m', kimint èstéve-t-i ç t'ome la ?
-Bin come i féve neûr, ci n'est nin fwért åhèye, mins dji pou dîre qu'il èsteût Corse  !
-Qu'èst ç qui v'pèrmèt d'dîre çoula ?
-Bin pace qui c'èst mi qu'a tot fêt ...!
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 10 awo, 2019 21:38:39    Sudjet: Responde tot citant

Rantoele 81

1) Eune djône crapôde dimande a si-ome...

-D'hez-m' poyon, quéne sôre di fème èst-ce qui vos vèyez  l'pus voltî, lès bèles ou lès malènes ?
-Nole dès deûs, vos sèpez bin qui dji n'inme qui vos don !

------------------------------
2) On p'tit cinsî sope avou s'fème qui lî d'mande ..
-Nosse gamin cause tos lès djoûs di "fèsse-bouc" avou ses camarådes å téléfone, 
dji voreû tot l'minme bin savu ç qui ça vout dîre...
-Vos polez èsse sûre qui c'èst co on novê truc èrotik di gad'lî !!

------------------------------
3) Vé deûs-eûre å matin, in-ome rinteure è s'mohone mwért-sô...
I r'sètche sès solés ås pîds dès montêyes, gripe sins brût ,..si dismousse sins drovi l'lampe,
si mèt' è lét, èt po gangnî s'plèce, qu'èst d'l'ôte costé..èt passe å-d-d'zeûr di s'fème,
A ç' moumint-là, èle droûve in-oûy èt lî dit ..

-Èspèce  di saligot ! Si dji  sèreû eune tutûte di cafè, ti n'pass'reûs nin oute !
------------------------------
4)Tot binåhe , in-ome vint d'fé s'båbe el sâle di bagn, èt brêt à s'fème ..

-Janète ! C'è-st-a n'nin creûre, qwand dji vin d'fé m' båbe come i fåt, dj'a 20 ans !!
-Èt bin adon, fê-l' tos lès djoûs d'vant di v'ni è lét !

------------------------------
5) ..È cafè
Vos prindez co bin dè Viagra vos, Jules...
...Bin, dès côps qu'i-n-a, qwand dji m'va coûkî avou deûs crapôdes..
A  coron dè contwèr,..on grand neûr nègue dè Katanga..
- (c'est qwè dè Viagra )
Podrî l'contwér li patrone lî dit ..
C'è-st-ine drouke po fé tinker lès-omes pus longtimps, !
-Avou çoula vos polez fé  l'amoûr 10 côps èn-è- rote !
Ah, bon !
- (Présentement), å katanga on loume çoulà  on  calmant .
------------------------------
6) Ine fème di qwarante ans prind l'trin a Lausanne po-z-aler à Paris.
Èle mousse divins on compartimint où ç'qui n-a on djône curé pwèrtant ine cote !
-Si vos pôriz mèt' mi bèle bwète di twèlète qui dji vin d'ach'ter pa-d'zos vosse cote,
ça m'pèrmètreût di n'nin payî eune taye !
-Bin sûr Mdame, mins dji deû vos fé rapinser qui si on m'pôze dès kèsses, dji n'pôrè nin minti !
-Ine miète pus tård, on gablou mousse è compartimint èt d'mande ..
-Vos n'avez rin a déklarer Mossieû l'Abé ?
-Dè l'tièsse al cingue, dji n'a rin !
-Ah bon, èt pa-d'zos ?
-Pa-d'zos dji n'a qu'on p'tit nècèssêre po lès comères qui n'a nin co chèrvou !
------------------------------
7) On carpê di 10-12 ans  è-st-èl vèye avou s'popa, qwant- i vèyèt passer on marièdje .

-Popa, poqwè ç' qui l'marièye èst blanc moussêye  ?
-Pace qu'elle èst fwért ureûse èt qu'èle vout l' mostrer à tot l'monde .
-Mins l'mårié, il èst tot neûr...
-C'èst bin m'gamin, t'as tot compris !
------------------------------
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 10 awo, 2019 21:39:21    Sudjet: Responde tot citant

Rantoele 82

1) -Come tos  lès dimègnes à 6 eûres å matin, Pôl si lîve sins fé pont d'brût po n'nin dispièrter s'fème.
- I tchèdje si VTT dins s' vwètûre èt s'ènnè va .

-Treûs qwârts d'eûre pus tård, vo-l'là-st-arivé è bwès èt i ploût qu'arèdje .

Come si matin là èst so s'cou, i décide di rintrer è s'mohone .

I s'dismousse sins fé dè brût èt doûcèt'mint si r'coûke à costé d'Babète ( si s'fème.)

Èle si r'toûne èt s'plake disconte di lu...

A ç'momint-là , Pôl lî dit: "C'èst tèribe come i ploût !...

Èt babète lu rèspond : "È l'inocint d'Pôl è-st-èvôye so s'vélo...!!

------------------------------
2)- In-ome di 60 ans si r'trove so l'tåve d'opèråcion tot ratindant d'èsse opèré .

-Il a d'mandé d'èsse opèré pa s'bê fi . Divant d'èsse èdwèrmou, i lî dit:

Ni sèyez nin so vos niérs mi fi, d'meûrez è pâye, èt fez po on mîs,...mins tûzez qu'si ça oûne må, 
v's-ârez vosse bèle-mère so lès rins !

..............................
3) In-ome a l'zapète d'èl télé d'vins sès mins èt i n'arèstêye nin di passer d'on film porno à on film so l'pèhe èl mèr...
Si fème n'è pout pus èt lî dit:

-Mins nom di Diu d'nom di Diu!
Lê l'film porno !.................. Pèhî , t'èl sés d'dj'a fé !

..............................
4)  A l'ospitô, in-ome è-st-a s'dièrinne  bâye....
L'docteûr mousse divins l'tchambe, lî  prind lès bouhèdjes di s'coûr, èt dit:

-Vost'ome èst  mwért, madame.
-D'vins ine tèribe fwèce, li pôvr'ome arive à dîre 

-Dji n'so nin mwért, dji so vikant ...
(Tès-s' tu Luçyin !...Monssieû èst docteûr...èl sét mîs qu'twè ! )

..............................
5) Après l'ovrèdje, eune fème rinteûre è s'mohone pus rade qui d'åbitude....

Come èle ôt dès brûts èl tchambe, èle rimonte, èt èle troûve si ome tot nou, tot rodje, e fwért djus d'alène.

I lî dit : Dj'a in- infractus...dj'a in- infractus !

Èle rid'hind po hoûkî lès s'coûrs, mins si p'tite båcèle lî dit:

-Moman, n-a l' vwèzine qu'èst catchêye tote nowe pa-d'zos dè lèt !

-Là-d'ssus, èle rimonte, mousse èl tchambe èt brêt :

Èt qwè, warbô, mi-ome fêt in-infractus èt vos djouwez à catchèye avou lès-èfants ? (à catchèye) ou  (ås rèspounètes)

..............................
6) On curé s'rind amon eune vève po d'vizer d'l'ètèr'mint di si-ome :

-Avou 20  tchandèles, li mèsse vos costèy'rè 100 euros, avou 10 tchandèles, 50 euros è avou 5 tchandèles, ça sèrè 30  euros .

-Èt bin d'abôrd, ni mètez qu'eune tchandèle !

-Dji vou bin, mins ça sèrè brâmint mons djoyeûs savez ....!

..............................
7) Deûs bons camarådes sont st-atåv'lés al tèrasse d'on cafè.

Tot d'on côp, on ôt l'hoûlå dès pompiers. 

-Ossi rade, onk dès deûs s'lîve è dit :     Escusez-m' savez, vî camarâde, mins dji deû 'nn'aler...

- Bin, t'ès pompier asteûre ?

-Mi nèni, mins l'ome di m'crapôde sîya !!..
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 10 awo, 2019 21:40:06    Sudjet: Responde tot citant

Rantoele 83

1)  lèy:  Allo, l' jandarm'rèye ! Dji vin di språtchî on polèt, dji fê qwè?

Lu : On n'a nin qu'çoula à foute,.mins bon......adon, tèrmostat 6, ine eûre å long, èt ça îrè...

Lèye:  Ok, èt po l'moto ?

------------------------------
2) Deûs brâves lidjwèses si rescontrèt èl vile .

-Et qué novèles Denise, ça va ?Et vosse fi k'mint va-t-i ?
-Bin il-è-st-a l'årmèye dispôy in-an èt d'mèye .
-C 'èst fwért bin çoula, et wice è-st-i ?
A l'aviacion à Florène. Il est bin savez. Bin payî, ..dès condjîs, on bê bleû costume .
-Et i vole ?
Bin come tos lès-ôtes,...tanawète on p'tit bidon !

------------------------------
3) On père di famile di 40 ans a morou d'on plin côp ...tot riv'nant d'l'ovrèdje,

Sès qwat' èfants tchoûlèt qu'arèdje .

Li curé, qui n'sét djåzer l'walon, n'arestèye nin d 'dîre dè bin di ç'tome-là .
(C'était un bien brave homme, un excellent mari, un bon chrétien, un homme exemplaire....

La d'ssus, l' fème dit a pus vî dès gamins  :
-Di m'fi, va disk'a l'wahê èt r'louke si c'èst bin t' père qu'on-z-a mètou d'vins .

______________________________
4) Pol (8 ans) rinteûre dèl sicole èt dit a s'popa :
- Li dame di scole nos-a-st-apris ine saqwè d'plèhant ...
- ?
-Li mot KAYAK 'pout s'lîre ossi bin dèl hintche al dreûte qui dèl dreûte a l hintche.(gôche)
On loume çoula on "palindrome".
-Tins come c'èst drole, dj'a todi tûzé qu'on louméve ça on batê mi ...!!
------------------------------
5) A Paris , rowe Sint Denis, eune bèle grande crapôde qui tint botike po-d'zos sès cotes  
tchoûle come eune mad'lène.
In-ome d'ine swèssantinne d'annêyes lî d'mande:
Mam'zèle, qu'avez v' à tchoûler insi ?
Bin mossieû, dji so d'Lidje èt dji fê l'pavèye dispôy dîj ans èt dji vin d'aprinde 
qui totes lès-ôtes si fèt payî !!
------------------------------
6) A Lîdje, eune bèle djône fème si rind compte qui dispôy on moumint,  on grand blond valet l' sût !
-Adon, èle si r'toûne èt lî dit :
-Mossieû, dji so-st-eune  comère fwért onièsse !
Vos n'alez nin m'sûre disk'a m'n-apartèmint, 26 rowe dès Vènnes å treûzinme plantchî,
deûzinme uch so dreûte tot moussant foû d'l'assenseûr ?
______________________________
7) Ine fwért bèle comère mousse divins on bar, èt k'mande eune bîre bin frisse ...
-Cinq' munutes pus tård, èle dit å "gârçon":
-Et qwè, vos n'avez måy vèyou eune fème mièrseûle ?
- Oh sîya madame, bin sovint...
-Et adon ?
- Bin dji voreû tot simplumint vèyî d'wice ç' qui v's-alez  hètchî foû lès çans' po m'payî ...!!
------------------------------
8) Ine fème rinteûre è s'mohone, djus d'alinne èt dit a s't-ome :

-M' binamé poyon, si v'såriz çou qui vint d'm'ariver è parking..
-Dji v'néve di garer l'ôto qwand on grand fwért ome avou on grand coutê m'a-st-apiçî èt m'a dit:
-Dji t'fôrcèye ou bin dji t'towe...!!
-Mon Dju ! èt adon ?
Adon? Bin mi v'la !!
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 10 awo, 2019 21:41:32    Sudjet: Responde tot citant

Rantoele 84

1°) On gayârd rinteûre è s'mohone èt dit à s'fème :
- Dj'a eune mâle novèle èt eune bonne .
-Li mâle c'èst qui dj'a-st- on tchampion so l'gland, èt l'bone,
.......c'èst qu' il èst bon po magnî
______________________________
2)- Lu:- Dj'a fê come t'as dit,...dji m'a fêt gây (bê), èt dj'a stu vèy ti popa po d'mander t'min .
-Lèy : èt qu'a-t-i rèspondou ?
-Lu :- Qui dji d'véve continuwer à m'chèrvi d'èl meune !
______________________________
3)Lu : - S'marier ?...mins qwand on-z-a djusse mèzâhe d'eune mosse, on n'atch'têye nin l'botike âs pèhons !
Lèy: -Ouaips', come di djusse,....mi parèy,
po  100 gr di sâcisse, dji n'mi va nin trik'baler l'pourcê tote djoû !
------------------------------
4) On gayârd rinteûre al nut', (ènn'a flûté eune trûlêye )

-Si fème : Ti rinteûres co sô nom di Dju ,...ti n'pinses don mây a t'fème ?

lu:-Siya, qui dè contrêre, dji pinse tofér à twè,...poqwè tûzes-tu qu'dji m'fê sô !
------------------------------
5) (Sèm'di)

Lu :- Ça fêt 30ans qu'on magne dès rècènes li sèm'di al nut' .
lèy: - Tant qu'ti f'rès l'amoûr come ine robète, ti magn'rès come ine robète !

------------------------------
6) Ine pitite bacèle, a s'mame................

- Mame, ti voléves on valèt ou ine bâcèle ?

L'mame : -Bin, heu,...dji voléve djusse ratèler mès solés !

------------------------------
7) Deûs crapôdes  div'zèt :

l'prumîre: - Dj'a trové ine capote d'zos l'véranda

l'ôte:..-C'èst qwè ine véranda ?
______________________________

8)-ine fème a si-ome, qu'èst d'vant l'glacîre (frigo) !

Si on beût trop' di lècê, c'èst mava po l'prostate.
...èt nin assez, on pout-st- apicî on krantche (cancer) dè crâs boyê !

Lu : C'èst bin d'mèl dîre, dji m'va prinde eune bîre, adon !

------------------------------
______________________________
9) Ine fwért bèle comère mousse divins on bar, èt k'mande eune bîre bin frisse ...
-Cinq' munutes pus tård, èle dit å "gârçon":
-Et qwè, vos n'avez måy vèyou eune fème mièrseûle ?
- Oh sîya madame, bin sovint...
-Et adon ?
- Bin dji voreû tot simplumint vèyî d'wice ç' qui v's-alez  hètchî foû lès çans' po m'payî ...!!
------------------------------
10) Ine fème rinteûre è s'mohone, djus d'alinne èt dit a s't-ome :

-M' binamé poyon, si v'såriz çou qui vint d'm'ariver è parking..
-Dji v'néve di garer l'ôto qwand on grand fwért ome avou on grand coutê m'a-st-apiçî èt m'a dit:
-Dji t'fôrcèye ou bin dji t'towe...!!
-Mon Dju ! èt adon ?
Adon? Bin mi v'la !!
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 10 awo, 2019 21:42:20    Sudjet: Responde tot citant

Rantoele 85

1)- Lu:- Dj'a fê come t'as dit,...dji m'a fêt gây (bê), èt dj'a stu vèy ti popa po d'mander t'min .
-Lèy : èt qu'a-t-i rèspondou ?
-Lu :- Qui dji d'véve continuwer à m'chèrvi d'èl meune !
______________________________
2)Lu : - S'marier ?...mins qwand on-z-a djusse mèzâhe d'eune mosse, on n'atch'têye nin l'botike âs pèhons !
Lèy: -Ouaips', come di djusse,....mi parèy,
po  100 gr di sâcisse, dji n'mi va nin trik'baler l'pourcê tote djoû !
------------------------------
3) On gayârd rinteûre al nut', (ènn'a flûté eune trûlêye )

-Si fème : Ti rinteûres co sô nom di Dju ,...ti n'pinses don mây a t'fème ?

lu:-Siya, qui dè contrêre, dji pinse tofér à twè,...poqwè tûzes-tu qu'dji m'fê sô !
------------------------------
4) (Sèm'di)

Lu :- Ça fêt 30ans qu'on magne dès rècènes li sèm'di al nut' .
lèy: - Tant qu'ti f'rès l'amoûr come ine robète, ti magn'rès come ine robète !

------------------------------
5) Ine pitite bacèle, a s'mame................

- Mame, ti voléves on valèt ou ine bâcèle ?

L'mame : -Bin, heu,...dji voléve djusse ratèler mès solés !

------------------------------
6) Deûs crapôdes  div'zèt :

l'prumîre: - Dj'a trové ine capote d'zos l'véranda

l'ôte:..-C'èst qwè ine véranda ?
______________________________

7)-ine fème a si-ome, qu'èst d'vant l'glacîre (frigo) !

Si on beût trop' di lècê, c'èst mava po l'prostate.
...èt nin assez, on pout-st- apicî on krantche (cancer) dè crâs boyê !

Lu : C'èst bin d'mèl dîre, dji m'va prinde eune bîre, adon !
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 10 awo, 2019 21:43:30    Sudjet: Responde tot citant

Rantoele 86

1°)                     D'vins on cafè a Sèrè, in-Afrikin rinteûre....
In-ome apôrcut qu'il a eune blanke orèye . i lî d'mande: Poqwè avez-v' eune blanke orèye ? 

                          l'Afrikin lî rèspond, :
( dji vin d'èl tribu dès Blankès-Orèyes !)

                         Quéke tins pus tård, rinteûre in-ôte Afrikin
avou eune banke narène , l'ome lî d'mande : 
                        Poqwè avez-v' eune  blanke narène ?
L'Afrikin rèspond: Pace qui dji vin d'èl tribu des Blankès Narènes !

                        On pô après rinteûre on neûr avou on blanc deût, 
adon l'ome si lîve èt dit:

Vos,...dji sé ,...v's-avez on blanc deût pace qui vos v'nez d'èl tribu des Blanc-Deûts...

Li neûr lî rèspond:  ...Nèni m'fi, dji so houyeû, èt dji vin d'raminer m'bèle soûr !

++++++++++++++++++++++++++++++

2°) Noce d'Or

                                      Djôzèf èt Marèye fièstèt leûs cinkante ans d'marièdje,
èt il ont stu è l'vèye atch'ter on p'tit mitchot onk po l'ôte .

                                     Djôzèf, on bê p'tit tchapè po Marèye, avou ine plome 
èt on rodje ruban; èt Marèye ine père di novès neûrs solés po si-ome.

                                   Ine fèye rintrés è leû mohone, i sont si tèl'mint binåhes, 
qu'i s'mètèt tot nou, lèy avou s'tchapè, lu avou sès solés .

                                   Et Djôzèf èst si fîr di sès solés qu'i lès r'louke tot l'tins 
èt qu'i dit a Marèye:

                                   Mon Diu Marèye,loukîz on pô come mès solés riglatihèt,
on veût minme mi p'tit fifi d'vins .

                                 -Awè,awè,såyîz on pô qu'al plèce di loukî après vos solés,
i tape on côp d'oûy après m'tchapè, alé ! dist-èle Marèye .


++++++++++++++++++++++++++++++

3° )                             Houbèrt èt Trinète fièstèt leûs cinkante ans d'marièdje, 
èt il ont dédja bèvou ine dimèye botèye di Pèkèt èt i sont on pt'it pô sôs 
cwand c'èst qu'i  s'mètèt al tåve.

                                   Et po fé eune friyole a s'vî ome, Trinète s'a mètou tote nowe
po s'achîr sins fé lès cwances di rin .

                                Adon, tot tûzant a totes lès-annèyes qu'il ont passé èssonle, 
èle lî dit :
                               - Mon Dui ,Houbert, rin qui d'tûzer å bon tins qu'nos-avans-st-avu 
tos les deûs, ça m'fêt tchôd å coûr .

Et lu: - Nèni édon Trinète, c'èst vosse tète qui pind èl sope !

++++++++++++++++++++++++++++++

4°  )                         
                                 Oûy, on tchèsse amon m'sieur l'Comte ! 

                                Et Djâke, li fî dè vî Houbèrt, qu'a tot djusse 18 ans, 
a stu tchûzi po fé l'batowe è grand bwès d'Vî Sâm .

                                 C'è-st-a moumint qu'lès tchèsseûs creûh'lèt lès trakeûs qu'Djâke
fêt on p'tit pihâ disconte in-âbe èt qu'i-n-a eune bèle djône tchèsseûse qui vint a passer por la .

                                 Elle a on bê p'tit tchapê avou eune longue plome di fêzan, dès grands neûrs-ouy 
èt sès poumons èt s'cou qui s'kitapèt qu'po-z-assoti.

                                Ça fêt qui  l'djône ome, qu'èst monté come on roncin, 
a si ustèye qui crèh d'on seûl côp .

                                El rapice a deûs mins èt l'hètche so l'costé tot lî d'hant: 
"Hô la, doûc'mint, vigreûse !" 
                               Et al tchèss'rèsse " Passez m'dame, dj'èl tin ! "

++++++++++++++++++++++++++++++

5)   ( C'èst le pus malin qu'apÏce l'ôte )

                               Houbèrt et Djôzèf si porminèt a cabasse so l'plèce Sint-Lambert di Lîdje .

                              I rèscontrèt Louwis a mitan d'èl plèce : 
Wice alez-v' don, vos deûs-agnes ? dist-i Louwis

-Cwèri dè foûr po nos treûs, lî ont-i rèspondou .

++++++++++++++++++++++++++++++
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 10 awo, 2019 21:44:41    Sudjet: Responde tot citant

Rantoele 87

1)  Al vèsprèye, Matcheû, qu'aveût tchèrwé tote li djoûrnêye è tchamp, rinteûre al cinse èt troûve 
      si fème tote cou-d'zeûr, cou-d'zos èl couhène.

-Mon Dju  Marèye, qu'avéve  po  on  vizèdje ? V's avez  plin d'foûr divins lès dj'vès ! Qui v's-a-t-i arivé ?
Vos sonlez n'pus t'ni so vos djambes !

-Matcheû,Matcheû, i-n-a in-ome qu'a v'nou chal qwand dj'èsteû tote seûle èt qu'a rintré èl couhène .
On grand fwért gayârd qui m'a fêt si tèl'mint sogne , qui dji n'poléve pus djazer .

Et lu ?

I n'a rin dit, il a magnî  lès tâtes  èt  bèvou  ine  djate  di  cafè  qui dj'aveû  fêt  por twè !

-Nom di Dju, ! Sins rin dîre ?

Sins rin dîre Matcheû ! Mon Diu, qu'dj'a-st-avu sogne !

-Et adon , pwis ?

                  I m'a-st-apougnî po lès deûs mins, i m'a strindou disconte di lu èt rabrèssî 
èt  tchoufté  si fwért, qui dji n'poléve pus rèspirer !

-Sins rin dîre ?

                    Nèni ! Et pwis adon, i m'a hètchî è stâ po lès dj'vès èt i m'a dismoussî !

-Et i n' dihéve todi rin ?

                   Rin ! I m'a coûkî  è  foûr èt i m'a cougnî trêus côps !

 -Nom di Dju! Tot çoula sin rin dîre ?

                 -Nonna, Matcheû ! Qwand c'èst qu'il a-st-oyou vos dj'vâs qui rintrît, il a corou èvôye
sins dîre a-r'vèy ni mèrci tot m'lèyant là, è foûr, come dj'èsteû,... tote nowe èt si tèl'mint nâhèye, 
qui dji so tote makèye !

                 -Bin nom di hu,vola sûr'mint on drole !  ....-On n'sarè mây çou qui voléve  adon !

------------------------------
2)  

Li vî Dj'han èt Louwis sont-st-assiou a costé onk di l'ôte è bus' po-z-aler Plèce Sint-Lambert a Lîdje .
et Louwis s'a mètou a lâdje, èt come si brayète èst drovowe, on lî veût on coyon .

Ça fêt qu'li bacèle divant  lu divint tote rodje
qwand  c'èst qu'èle veût çoula èt qu'ele dit tot doûc'mint:  "Monsieur,...votre testicule " !

Adon Louwis qui n'ôt pus fwért bin, d'mande a vî Dj'han: " Qui dist-èle, li bacèle ?"

Et Dj'han: "Dji n'sé nin, dji n'a nin fwért bin oyou nin pus !"

Mins l' bacèle ratake podrî s'min : " Monsieur, ...votre testicule ! "

Louwis n'a todi rin compris, èt on pô pus lon, vola l'bus' qui fêt in-arèt èt l'djône fèye qui mousse foû.

Adon Louwis d'mande a vî Dj'han: "Mins qu'a t-èle dit al fin dè comptes ? "

-Dji creû qu'èlle a djâzé d"testicule" dist-i Dj'han "Et qwè èst-ce po ine saqwè ? 

                  "Lèyî toumer don Louwis,c'èst sûr'mint ine coye ou l'ôte !"

______________________________

3)                   I fêt câzî  nut' qwand c'est qu'Djôzèf, qu'èst  mineû d'ours' èt qui rote è l'Ardène  avou s'bièsse 
dispôy  timpe a matin èt qu'il èst bin nâhi, veût ine pitite cinse so li d'zeûr d'on p'tit viyèdje.

                      Et come i s'dit qu'i n'arivrè nin pus lon  oûy i va toker a l'uch èt  d'mander po passer l'nut' al cinse .

                        Mins l'cinsî  n'èst  nin  fwért  d'acwérd  d'aveûr  in-ours'  è  s'mohone  èt  qwand  c'est  qu' Djôsèf  mèt èn-avant
d'lèyî  dwèrmi l'ours' è stâ, c'èst co pé, pace qui  l'cinsî a trop sogne po ses vatches . 

                         Adon, on s'mète d'acwérd po qu'Djôzèf èt l'ours' alèsse dwèrmi èl tchambe dèl mèskène .

                         Mins, l'cinsî lî dit:"Atincion don valèt, li tchèrvante dwèm' dèdja,  lèyî-l trankile 
pace qui dji fê lès foûrs dimin al pikète dè djoû, èt dj'ènn'a fwért mèzâhe. "
                                               " Ni l'alez nin potchî èt l'fé nahèye cisse nut'!"
 

Et vola qu'â matin,qwand l'cinsî veût ariver l'mèskène, qu'è-st-ine grande vigreûse bacèle di dîh-noûv ans, i comprind
                                  tot dreût qu'èle ni tint pus so ses djambes. 
Ça fêt qu'i s'mavèle so Djôzèf pace qu'i creût qu'il a potchî l'tchèrvante tote nut' .

Mins l'tchèrvante,lèy, lî dit : " Ci n'èst nin lu, savez maîsse, c'èst s'camarade avou s'grosse canadienne ! "

------------------------------
 4)
                       I-n-a fwét lontins qu'Houbèrt  hante  avou Trinète  èt  po passer l'cîsse, 
il ont dècider d'aler â cinéma .

                     Qwand  i sont  bin  assiou  èt qu'il ont tchoufté on pô , Houbèrt droûve si brayète tot douc'mint,
sins fé lès cwances di rin, èt mète li min di s'crapôde so si-ustèye .

                      Adon lèy ! "Houbèrt, vos n'avez nole pudeûr ?

                      Et lu : " O nèni Trinète, dji n'a k'cisse-chal ! "

------------------------------
5) 
                      Djâke aveût eune fème on pô bènète èt on djoû qu'il aveût monté so l'bus
 avou des trokes (raisins), qu'il aveût fini d'magnî èt qu'i d'manéve là, è coulwèr, tot èminné
       avou l'cawe èt l'sètchê d'vins sès deûs mins,
               ...i-n-a s' fème qui lî brêt dispoy li drî dè bus:     ..."Chou ! Mètez vosse cawe è sètchê ! "

                                                            Tot l'monde ènnè rèy' co  !
             
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 10 awo, 2019 21:45:51    Sudjet: Responde tot citant

Rantoele 88

1-
              Ôgusse qui va so sès nonante annêyes èt Simone qui vint d'ènn'aveûr 
ûtante-noûf ont stu trover leû notêre po lî dire qu'i s'volèt dimarier èt qu'i lî
faléve si dispètchî pace qu'ènnè polèt pus d'viker èssonle .

              Li notêre èst tot èwaré qwand il ôt çoula èt èlzî d'mande poqwè qu'il 
ont rawârdé tél'mint lontins po s'fé qwite onk di l'ôte èt si c'èsteût tofér margaye
inte di zèls .

             Adon Ôgusse lî rèspond qu'c'èst po n'nin displêre âs-èfants èt 'lzès troûbler .
" On-z-a rawârdé qu'i sèyèsse mwérts parèt mossieû l'notère" dist-èle Simone .

______________________________
2-
             Môssieu l'notêre è-st-in ome fwért come i fât , èt s'fème èt sès treûs bâcèles 
minèt grand trin èt n' riloukèt a rin po lî fé plêzîr.

             Ça fêt, po fièstî sès-annêyes, èlle ont stu al botike "Humblet" , a Lîdje po-z-atch'ter 
on bê mây pèrokèt avou 'ne grande cawe insi èt tot plin d'plomes di totes lès coleûrs .

             Et l'vindeû, qui saveût bin qui l'Coco aveût stu aclèvé d'vins on bordê,a bin rik'mandé
d'mète ine neûre clicote so l'gayoûle po l'fé d'mani keû so l'tins dè voyèdje.

             Ine fèye èl mohone,on mèt' li gayoûle avou l'pèrokèt è l'intrêye èt on bodje li clicote .

             Et vola l'pèrokèt qui veût l'mame èt qui brêt: 
Aha ! "On-z-a candjî l'patrone ."

             Et come les bacèles vinèt taper on côp d'oûy sor lu :
 Aha ! " Et on-z-a candjî lès pêlètes avou ? "

            Mins qwand c'èst qui veût ariver l'notêre qui rinteûre djustumint di si ovrèdje :
Aha ! Qwand minme, c'èst co todi lès minmes pratikes !

ps Sadpèlète = gourgandine / femme légère)

------------------------------
3-
          (1962)  Houbert fêt eune pitite porminâde qwand c'est qui toume so vî camarade Djôzèf 
qui n'a mây pus vèyou dispôy bin dès-annêyes .

            I s'rabrèssèt !     Mins di-m' on pô Djôzèf, dist-i Houbert, qui v's-a-t-i arivé dispôy si lontins ?

Dj'a stu ovré è Congo valèt, berdjî è l'Ardène , ci n'èsteût pus possibe .

             è Congo ! Et quéle sôr d'ovrèdje fez-v' là don twè ?

 Dj'èsteû côpeû, dji tchâtréve lès nègues po l'harem di m'maîsse!

             Vola on drole di mèstî ! Et k'mint fêt-on çoula ?

O ! C'est fwért âhèye Houbert, on fêt mète li nègue lès djambes â lâdje avou lès coyons 
            qui pindèt, on prind deûs brikes èt "tchac", on l'zî sprâtche d'on seûl côp .

             Waye valèt ! Ça deût fé dè mâ çoulà !

Ah, mins, i'n fât nin lèyî vos deûts d'vins parèt !

------------------------------
4-
             Hinri qui va so sès 20 ans n'èst nin fwért sûtî .

Et come i saveût stu pôrminer d'vins lès wêdes so li d'zeûr d'èl Citadelle, vola-t-i nin qu'i toume so l'grande Simone,
             ine fème qu'èst tofér à cwèri après in-ome .

Et lèy, tote binâhe èle lî prind s'brès',  èt vo 'lzès la a cabasse so ine pitite vôye qui mine tot-dreût d'vins on boskèdje
              la-wice qu'i s'vont hâyî .
Et ine fèye qu'i sont coûkî podrî on p'tit bouhon, èlle atake a l'tchoufter, èt a lî fé dès mamoûrs,
              a l'dismoussî on pô, a l'fé tingler.

Ele li mèt' podrî lèy, èt come i n'comprind nin, èle lî dit " Avance! Rèscoule ! Avance, Rèscoule " !

Et lu, après on moumint : "Awè mins Simone, si ti n sés nin çou qu'ti vous, dji n' djowe pus adon ! "

 ps: si hâyî = ( s'écarter )

------------------------------
5
Mây 45 à Lîdje .

Deûs pèlètes djâzèt d'tot èt d'rin po psser l'tins .

Li prumîre dit a l'ôte qu'èlle a stu avou on nègue américain .

Adon l'ôte lî d'mande kimint qui s'cawe  èsteût èt l'prumîre lî rèspond : " Come li bûze di stoûve "

"Kimint ! Si grosse ? "         " Nèni don ! Si neûre "

ps:  pèlète = (gourgandine / femme légère )
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 10 awo, 2019 21:47:39    Sudjet: Responde tot citant

Ratoele 89

1°/ Marèye, qu'èsteût-st-â martchî so l'bate, rèsconteûre si camarade Glawène .

-I-n-a tot plin dès teûtès avou dès-itålyins qui vindèt dès droles di légumes èt d'frûts .
Et vola qu'èl toume so onk qui vint dès neûh d'coco, ine saquè qu'èle n'a mây vèyou .

   - Qwè èst-ce çoula don Moncheû ? dist-èle Marèye .

  - C'èst dès-oûs d"éléfant, dist-i l'vindeû po fé 'ne friyole .
  - Vèyez-v' çoula, dès-oûs d'éléfant ! Et qui fêt-on avou çoula ?

 - I lès fât cover ût djoûs, nosse dame, vos-ârez on  bê  p'tit  èlèfant èt vos gangn'rez tot plin dès çans' avou,
 chal so l'bate ,parèt .

 - Abèye, dinez-m' onk, dj'èl mètrè cover a mi ome, qu'èst chômeûr .

I sèrè bin mî è lét qu'a lètchî lès bayes èt r'loukî après lès baçèles tot costé .

   -Ele pâye 2 euros èt rinteûre  bin vite al mohone po  fé cover l'oû a si-ome .
Et  vo l'la  è  s'lét po ût djoûS, avou  l'oû inte  sès  djambes .

Sî  djoûs pus târd, vola  Glawène  qui  vint  vèyî  çou  l'oû  d'vint .

       -Alez' vèyî mi-ome, dist-èle Marèye, vos veûrez vos minme .

      -Ça fêt qui Glawène monte a l'ostèdje èt qu'èle dimande po vèyî l'oû .

Mins Dj'han n'èl vout mostrer, parèt, pace qu'il èst tot nou è s'lét
 èt qu'i n'vout nin qu' l'oû apîce on freûd .

Adon, Glawène tchoûke si min è lét po sinti çou qu'l'oû a dim'nou .

ih, mon Diu, dji sin dèdja l'trompe ! dist-èle .

______________________________

2°/ Hinri, Marcèl èt Houbèrt sont-st-achous so on p'tit banc so l'bwérd di l'ôute .

I fêt solo, il ont bon, i djâzèt d'leûs mèhins .

• Mi , dist-i Hinri, dji n'veû pus fwért bin, c'è-st-anoyant,pace qui dji cwîr todi après mès bèrikes .

• Qui d'hez v' ?, dist-i Marcèl 

• Dji di qui dji n'veû pus gote, brêt-i Hinri .
      -   Vèyez v', dist-i Marcèl, dji n'ô pus fwért clér . 

• Et vos, Houbèrt, k'mint v'va,-t-i ?

• Mi dist-i Houbèrt, i m'a-st-arivé îr â matin ine saqwè qui m'fêt on pô sogne,

• - dj'èsteû è lét avou m'fème qwand c'èst qu'dj atake a lî fé dès mamoûrs èt qu'dji ramasse ine boufe al gueûye
• èt qu' èl mi dit:
• -Dihez don, pourcê qui v's-èstez, vos m'avez d'dja cougnî deûs côps cisse nut', adon, ni ratakez pus , s'i v'plêt !

• C'èst l'mémwère, vèyez v' mi !
------------------------------

3°/
 I-n-a fwért lontins qu'Matî hante avou Trinète èt po passer l'sîze, il ont dècidé d'aler â cinéma .

Qwand  i sont bin achous èt qu'il ont tchoufté on pô, Matî droûve si brayète tot douc'mint, sins fé lès cwances di rin,
èt mèt' li min di s'crapôde so si-ustèye .

-Adon, lèy :" Matî ! Vos n'avez nole pudeûr ?

Et lu : " ô nèni Trinète, dji n'a qu'cisse-chal !

------------------------------

4° / 
Djôzèf èt Marèye fièstèt leûs cinkante ans d'marièdje èt il ont stu è l'vêye atch'ter on p'tit mitchot onk po l'ôte .

Djôzèf, on bê p'tit tchapê po Marèye, avou ine plome èt on rodje ruban, èt Marèye ine père di novês neûrs solés po si-ome .

Et ine fèye rintrés è leû mohone, i sont si tèl'mint binâhe qu'i s"mètèt tot nous, lèy avou s'tchapê, lu avou sès solés .

 Et Djôzèf èst si fîr di sès solés qu'i lès r'louke tot l'tins èt dit a Marèye :

-Iye mon Diu Marèye, loukîz on pô come  mès solés r'glatihèt, on veût mi p'tit fifi d'vins !

--Awè, awè, sâyîz on pô qu'al plèce di loukî après vos solés, i tape on côp d'oûy après m'tchapê, alé ! dist-èle Marèye .
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon Totes les eures sont a GMT + 2 eures
Potchî al pådje 1, 2  Shuvant
Pådje 1 so 2

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group