Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

André Mottet
Potchî al pådje Di dvant  1, 2, 3, 4, 5, 6  Shuvant
 
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 10 awo, 2019 22:18:41    Sudjet: Responde tot citant

Eune lêde à raconter !

Li djon.ne n’èsteût å courant dès åbitudes dè viyadje di s’feume.

A l’sôrtîye di mèsse, i dit å curé :

Dja ètindu dîre qu’il li djon.ne marié deût doner eune pitite saqwè å curé qu’a fêt mèsse, mins dji n’sé nén çou qu’on done d’åbitude…

Li curé lî rèspond qu’on done çou qu’on vout,… mins (tot bas à l’orèye) c’èst sovint d’après l’biaté dèl mariéye !

L’ome rawête si feume, i va è s’potche èt donne eune pèce di 2 € å curé.

- Târdjîz, disti l’curé, dji va cwère li manoye.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 10 awo, 2019 22:44:31    Sudjet: Responde tot citant

È scole

Li mêsse : - si vosse popa va å botike po-z-ach’ter 6 botèyes di pèkèt à 13 € , po kibin ènn’ a-t-i ?

L’èfant : - oh !...il ènn’a bin po 3 ou 4 djoûs, savez Moncheû l’Mêsse , mins wêre di pus!
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 15 awo, 2019 22:13:36    Sudjet: Responde tot citant

Po lès intèlèctuwèls !

Li camion dèl comune rabroque å dèpot; mins l’èchevin dès travaux rawårdeûve.

- C’èst-st-asteûre qui vos riv’noz, w’èstoz co eune fîye dimoré à stoc ?

- Li mêsse nos aveût dit d’aller cwère li trô qui nos avons fêt ayîr.

- Èt adon ?

- Bé, quond on -z- a sti sus place, li tchåfeu a rèsculé eune miyète trop long…èt l’camion èst toumé è trô.

- Binde di bièsses !

- Adon, il a falu ètchî l’camion fou dè trô, èt pwis r’tapé l’ trô sus l’camion, èt pwis nos nos avons mètu en route…

- Èt pwis,…èt pwis…, vos avoz fêt tos lès cabarèts, po l’pus sûr…

- Nèni, nèni, mins å car’four, Louwis a freiné trop fwart, èt l’trô a toumé djus dè camion…, c’èst po ça qui l’camion èst vûde !

- Binde di bièsses ! …Alez rad’mint l’ricwère…i gna dès djins qui pourînent toumer d’dins.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 16 awo, 2019 20:49:12    Sudjet: Responde tot citant

On djon.ne ome aveût volou intrer amon lès Trappisses.

Li prûmî djoû, on lî dèrit :

- Châl, vos n’avez måy li drût dè cåser ; c’èst grand silince ; vos d’vez -t- èsse mouya come ine cåpe. Divins 10 ans, vos pôrez dîre 2 mots.

Dih ans passèt :

« amagnî freûd » disti. Li Mêsse ni rèspond nin.

Dih ans passèt :

« Bèdrèye deûre » disti. Li Mêsse ni rèspond nin.

Dih ans passèt :

- « Dji bague [déménager] » disti. Çoula n’aware nin, rèspond-i l’Mêsse, volà d’abôrd 30 ans qui vos n’arèstez nin di v’ plinde »
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 16 awo, 2019 22:56:45    Sudjet: Responde tot citant

Qwand on-z-a..invèye…èt qu’on-z-èst piscrosse…

On vî paltot 80 ans passés, èsteût-st-assis å comptwér tot près d’eune tåve wice qui v’nève d’ariver eune fwért bèle fème, ine fème avou avou eune divanteûre à fé dåner tos les Sints dè Paradis.

- Mam’zèle, lî disti, si vos m’lèyî kihagn’ter onk di vos tûturons, dji v’dôrè 1.000 euros.

- Di qwè ? Estève divnou sot ?....Ele si lîve èt sôrtihe. Mins, l’ome èl sût so l’vôye…

- Mam’zèle, lî disti, si vos m’lèyî kihagn’ter vos deus tûturons, dji v’dôrè 10.000 euros.

- Nèni, nèni, dji n’so nin ciss’ genre di fème-là, savez mi.

- Mam’zèle, à mi adje, dji n’a pus wère qui dès idèyes, savez…mins, dji pou co sucî on mamuron !...Houtez-m’ bin, dji mète li prix à 100.000 euros…

Ele tûze on moumint (timps dè veûye qu’èle a bin compris) :

- C’èst bon, d’acwérd po 100.000, distèl, min djusse on tot p’tit côp, låvå èl rouwalète…

Is î vont, èle ritrosse si bloûse èt volà lès deûs grossès matantes qui spitèt à l’êr…èt nosse vî paltot ataque à lès fièstî, lès lètchî, lès rabressî, lès kapougnî,…

- è dès qué novèles, don là vos, alève mi lès kihagn’ter, al fin dè compte ?

- Néni Mam’zèle, rèspond-i l’vî ome, c’èst bin trop tchîr !
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 22 awo, 2019 13:13:06    Sudjet: Responde tot citant

Lès ènocints !

Li Mêsse di scole dimande ås èfants :

- Dihez-me on pô quèn pårtèye dè cwérps mont’-èle å cîr po k’mincî ?

- Lès mins, rèspond-èle Térèse, pace qui èles bètchèt vè l’copète

- Mins nèni, sote qui t‘ès, disti Hinri, c’èst lès pîs !

- Kimint çoulà lès pîs, dimande-t-i l’Mêsse, èspliquève !

- Bin volà, îr al nut’, dj’a moussi èl tchambe di mès parints, èt m’mame qu’aveût lès pîs cåsîmint å plafond, brêhève : « Oh mon Diu, dj’arive, dj’arive… ». Co ine tchance qui m’mopa èsteût coûki sor lèye, ôt’mint, on ènn’ èsteût cwite !
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 22 awo, 2019 13:16:36    Sudjet: Responde tot citant

Citåcion:
Lucyin, respondant pa emile
foirt bele, ki nos dene do motlî sol seke (dj' arive), ene sacwè ki n' egzistêye nén dins les diccionaires. Si vos avoz ds ôtes mots insi, sicrijhoz les, ca i seront bénrade pierdou po todi.

Citåcion:
André
dji n'a nin compris "sol seke"

Citåcion:
Lucyin
= vocabulaire sexuel. seke = sekse (les 2 dierinnès letes di seKSe si simplifièt, dins l' "vî walon", todi, come MathiLDe => Matile, auTRe => ôte...

_________________
Li ci ki n' a k' on toû n' vike k' on djoû.


Candjî pol dierin côp pa lucyin, li vén 23 awo, 2019 12:40:08; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 23 awo, 2019 12:38:50    Sudjet: Responde tot citant

I n’a pus dès èfants !

(les gamins reviennent)

Ernest : portant, lès djins, c’èst come lès bièsses ! Tot l’monde deût -st- aler å cabinèt…

Popol : èt dîre qui qwand dj’èsteû p’tit, dji pinséve qui lès Mêsses n’alît nin å cabinèt, nè lès curés, nè lès dokteûrs…

Louwis : Mins mi, dj’èl saveû bin, mi parèt, qui lès Mêsses divèt aler å cabinèt come tot l’monde…

Ernest : Kimint èst-ce qui ti sé çoulà twè ?

Louwis : Bé, c’èst -st- assez dîre, come dihéve mi vi-popa, qui dj’a ètindou l’Mêsse qui d’héve l’ôte djoû å Mayeûr : i n’a dès djoûs qu’on -z- a målåhèye dè s’raktinre…

Popol: t’ès sûr qui li Mêsse a dit çolà ?

Louwis : sûr èt cèrtain, èt si ti n’ mi creû nin, ti n’as qu’à d’mander à l’soûr da Ernest ! (il s’encourt) [changer soûr en fré si Ernest est une fille]

Ernest : di qwè ? (il/elle court après Louwis qui s’enfuit par la droite ; Popol suit)

EINSTEIN : i n’a pus dès èfants !!

-----------------
Extrait de : « Li crèyôcion dè monde », acte I, scène 14, comédie en 3 actes de André MOTTET
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li sem 24 awo, 2019 14:36:35; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 24 awo, 2019 14:36:07    Sudjet: Responde tot citant

CORSICA

- Qué magnifique payî…one bèle têre…po fé dès këlos èt dès këlos… !

- Têjoz-vos, soçon, vêci i n’a rèn qui pousse…

- Portant, dji pinse qui si on vourot sèmer…

- Ah bén ça…si vos voloz sèmer…
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dim 25 awo, 2019 20:23:44    Sudjet: Responde tot citant

AL PERMANANCE…

- Docteûr, li djudje d’instruction m’ d’mandé dè controler l’afêre di l’ome qu’ a toumé èl machine à bate.

- Què voloz soyu ?

- Kibin d’ôtopsîye avoz dèdjà fêt so lès mwarts ?

- Tortotes.

- Avoz wêti s’i rèspireûve co ?

- Nèni

- Avoz choûté si s’cœur bateûve co ?

- Nèni

- Avoz pris l’tancion do mwart ?

- Nèni

- Avoz vèyu si sès ouyes èstînent ritournés ?

- Nèni

- Come dji vwè, il èst bén possib’ qui l’mwart vikeûve co…

- Nèni

- Poqwè don vos ?

- Pace si servia èsteût divins on bôcô sus m’ burô

- Ci n’èst nén one preûve qui l’mwart ni vikeûve pus !

- Nèni, ….èt on raconte qu’ asteûre i fêt on novia mèsti d’avocat adlé l’djuge d’instruction.

- Pont d’imbaras, dj’ irè veûye….
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: lon 02 set, 2019 12:34:57    Sudjet: Responde tot citant

PARADIS

Deûs fèmes ratindînent Saint- Pierre à l’ouche dè paradis.

« Qu’avoz oyu po moru ? « dimonde-t-èle li prumine.

« Dj’a moru d’freûd… reûde édjaléye ! ... èt vos ? »

« Dj’a fêt eune crise cardiaque… dj’a toumé reûd mwate al têre »

« Nén vrèye, va, sûr’mint ?! «

« Figurève qui dj’aveû diåle èl tièsse d’oyu dès cwanes [cocue] come li toria di mon Bardouche ! Adon, ayîr, dji lî a dit : dji m’ va dilè m’mame po ristinde si bouwéye [lessive]; èle m’a dit qu’on-z- ènn’ åreût po tote li djoûnéye diska l’ vièspréye, ….MINS dj’a riv’nu eune êure après po lî toumer d’sus s’dos.

« èt adon ? «

« i wêteûve li foutbal’ al tèlèvizion ! Adon, come eune sote, dj’a r’batu tote li mohone, dj’a sti veûye è garage, dj’a r’monté d’vins lès tchombes, dj’a coru al cabane dè djårdin, dj’a d’sciyindu’ [descendre] èl cåve, dj’a r’monté a galop è guèrnî èt là, fou d’alëne, dj’a toumé reûd mwate al têre. Volà !

« Bén…. asteûre, d’èl pou bin v’s èl dîre …. : si vos arîz wêtî è congèlateûr… nos viqu’rînent co totes les deûs.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 14 set, 2019 12:42:36    Sudjet: Responde tot citant

Tourner 7 côps s' linwe dins s' boke

- Dj’a dès vilès håres [vêtements] à doner èvôye, distèl.
- Vos f’rîz brâmint mia di lès taper å rikètes, disti.
- Mins, Lèyon, igna dès djins qui morèt d’fwin qui pourînent co lès mète…
- Mins anfin, Marîye, lès djins qui moussèt divins vos håres ni mour’nèt nén d’fwin…

Ås dèrin.nès novèles, Lèyon èst riv’nu d’ l’ospitå …èt il atake tot doûcèt’mint à s’rimètel
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon Totes les eures sont a GMT + 2 eures
Potchî al pådje Di dvant  1, 2, 3, 4, 5, 6  Shuvant
Pådje 2 so 6

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group