lucyin
Date d' arivêye: 2005-07-07 Messaedjes: 3678 Eplaeçmint: Sidi Smayil, Marok
|
Date: dju 21 nôv, 2019 20:53:14 Sudjet: Emile Jauquet |
|
|
Response a èn emile da Michele Herlin avou on tecse da Michel Feltin-Palas: "Oui", un petit mot moins simple qu'il n'en a l'air.
A stî rmetou e walon pa Emile Jaucquet dins l' gazete: Li Soverdea (Lë Sauvèrdia), l°368, moes d' octôbe 2019
Vo l' rici (dj' a rmetou des ptitès paltêyes cial et la)
Dj' a-st assayî di conter tot å long d' ene djournêye, mins dji n' î a nén arivé.
Dj' a radmint distelé. Ci n' esteut nén possibe. I gn aveut bråmint dtrop. Nos li djhans des cints et des cints côps.
On l' dit e soriyant; on l' dit tot bas; on l' dit sins î sondjî. On l' dir serieuzmint come on l' dit a s'-t åjhe.
On l' dit dins tos les lingaedjes, dins l' monde etir.
Simplumint ene sillabe; deus mwints côps, come si ci spågne la di letes lyi dinreut dpus d' foice.
On ptit mot ki pout esse grand.
C' est sovint l' prumî mot k' on påpåd dit cwand i cmince a cåzer.
Sovint, bén trop sovint, i s' bate conte si contråve, et leus bisbrouyes sont l' cåze di bretes, di batayes, di gueres, di berdouxhas et d' revolucions.
Cwand c' est lu ki prind li dzeu, il apoite li påye, li liberté, li djintiyesse, li binamêyisté, li consintmint, l' egadjmint et l' enaiwance dins des pordjets ki spådnut l' bén et l' awoureusté.
I dit ossu li håsse k' on a di fé plaijhi azès ôtes.
I pout, mwints côps, candjî l' veye, pår cwand il est moussî d' blanc.
Ci ptit mot la a sacwants cognes e walon, mins c' est totès toeles pareyes a m' sårot: OYI, ÅY, AWÈ, WAY.. _________________ Li ci ki n' a k' on toû n' vike k' on djoû. |
|