|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: sem 14 set, 2019 15:32:22 Sudjet: |
|
|
Dès vîs « camarådes » !
I-n-aveût dès an.nêyes èt dès razan.nêyes qu’is n’ s’ avît pus vèyou ; is avît stu è èscole èssonle, amon lès jèswites, èt is n’si polît trèssinti, come di djusse …
L’onk èsteût div’nou gènèral èt l’ôte èvèque.
Après tant d’an.nêyes, is avît fwért candji tos lès deûs, surtout l’èvèque qu’aveût-st-atraper ine bodène come on sètch di farène…
Mågré tot, is s’avît ric’nohou, mins l’hayîme ni prind måy boûf po vatche…
Sèrieûs come on påpe, l’èvèque va vè l’ gènèral fîr come ine påwe avou totes sès décoråcions :
- Dji v’dimande bin pardon, Moncheû l’chef di gåre, mins po l’ convwè di Paris, so-dju bin so l’ bone vôye ?
- Cèst l’vôye numèrô noûf, Madame, rèspond-i l’gènèral, mins èst-ce bin sûtî dè voleûr voyèdjî qwand on- z-èst an pozichon ? _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: sem 21 set, 2019 21:18:55 Sudjet: |
|
|
Tot passe… on djoû ou l’ôte !
One fréje [fraise] èt on stron d’ pourcha cåsînent èchone :
Lë frèje, grandëveûse, dijeûve al crotale :
« Mon Diu, qu’èst-ce qui të pous sinte måva, t’ès lêde, ti flaire lë bëgô [purin]…, tandës qu’më, dji so bèle, dji r’glâtiche, dj’a n’ boune odeûr, dji so-st-apétëhante… »
Là-sus arive one ome qui vwèt l’ fréje ; qui s’abache èt qu’èl sicrote [avaler] sins tchik’ter…èt on-z-ètind one crôsse vwès : « à torade… ». _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: lon 14 oct, 2019 11:40:44 Sudjet: |
|
|
Eune promèsse :
Eune promèsse :
An vacances è l’ Italîye, ine ome èt s’fème arivèt tot près d’on pous’ [puits] wèce qu’il èst marqué : « Jetez une pièce et faites un vœu. Résultats rapides ! ».
L’ome prind eune pèce è s’ boûsse, li tape å fond dè pous’ èt dit : « qu’èle våye å diåle ».
Is ratindèt èt, après on moumint, li fème dit : « done-mu eune pèce, ènocint ! »
Èle prind l’pèce èt vout l’ taper è pous’, mins volà qu’èle bascule èt qu’èle toume è fond dè pous’.
L’ome rissère si boursète :
- « Crénom, Djan ! … quéne rapidité ! » _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: dju 14 nôv, 2019 22:15:10 Sudjet: |
|
|
Tèrin d’foutbal’
Eune vîye fème arive al banque avou deûs gros sètches qu’èle hètche podri lèye.
Tot d’on côp, vola on sètche qui d’cheûre…èt dès billèts di 5 € qui vin’nèt foû.
Li tchampète, qui passeûve djustumint avår-là, li dit :
- Marîye, igna onk di vos sètches qu’èst trawé, vos pièrdoz dès bilèts…
- Nom di hu! Merci, savoz, Tchampète !
- N’èst rén !…Mins d’ouce vinèt-is don tos vos bilèts ? Vos n’ lès årîz nén hapé, par hazård ?
- Oh nèni, savoz. Dji vos èsplike : mi djårdin podri l’mohone èst djondant l’tèrègn di fotbal’…èt lès djins v’nèt pihî sus mès fleûrs triviè l’clotêure,…mins mi, dj’èlzès ratind avou m’sècateûr, èt si dj’ènnè veû onk avou s’quèwe foû dèl brayète, dji lî djoupe : « c’èst 5,- € ou bén, dj’èl côpe ! »
- Li Tchampète si mète à rîre : « Boune continuwåcion, Marîye ! »…mins i s’ritoûne po lî d’mander çou qu’i n’a divins l’ôte sètche.
- Oh bén ça, savoz,…i gna todi dès pice-crosse qui n’volèt nén payî… _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: dju 14 nôv, 2019 22:18:14 Sudjet: |
|
|
Al pèrmanence :
Ø Vos avez stu ataquèye, dihez ?
Ø Awè ! Par on grand neûr nègue ?
Ø Atincion à çou qui vos d’hez, èdon Madame…
Ø Poqwè don çoulà ? Dji dit çou qu’il èst !
Ø Awè, mins vos n’polez nén dèbiter dès mèsèdjes raciss’
Ø Binamé Bon-Diu, kimint fåt-i dîre adon ?
Ø D’après Wikipedia, nègre est un substantif masculin (négresse au féminin) à l'origine, synonyme de l'adjectif « noir » (du latin niger : noir) et qui a pris au fil des années en français standard un caractère péjoratif pour désigner les Noirs; en créole haitien, le mot « nèg » (nègre) veut simplement dire « homme».
Ø On caractére pèt-jôr-à-tif ?
Ø Awè, Madame, c’èst-st-insi, i fåt-st-évoluer èndon…
Ø Si dji v’ comprind bin, dji d’vreû ènnè raler è scole po-z-aprinde lès novèles nuwances dè mots è françès…
Ø Dji n’a nin dit çoulà…
Ø Hoûtez on pô, dj’a djustumint chal avou mi li dictionêre LAROUSSE 1955 qui dj’alève pwèrter à mi p’tit fî qui va bintôt rintrer à scole…èt il est marqué : « Nègre : personne appartenant à la race noire ». Donc dj’a stu ataquèye par ine ome raciss’ neûr.
Ø Nèni, Madame, on raciss’, c’èst qwand ine ome blanc ataque ine ome neûr, nin l’contråve !
Ø Binamé Bon-Diu, qui c’ ést compliqué…
Ø Ci n’èst nin mi qui fêt lès lwès, savez Madame.
Ø On s’èl dimand’reût bin !
Ø Èt pwis, vosse dictionêre èst trop vî : on-z-a asteûre li preûve qu’i n’a nole race divins lès omes. Lès scientifikes…
Ø Lès scientifikes ? tortos dès d’mèye-cougnîs ! Tot l’monde sè bin qu’i na dès races di minteurs, dès races di voleûrs, dès races di fainéants, dès races di grands, dès races di p’tits, dès races qu’ont dès grandès orèyes…
Ø Èt dès races qu’ont dès grandès bajawes…
Ø En tous lès cas, li grand neûr gneûgneû aveu ine grande…
Ø …ine grande ?
Ø Come çolà...
Ø Éy don, Madame, si c’est po v’ni raconter dès carabistouyes al pérmanence, vos polez roter vosse vôye, savez !
Ø Dring…alô…qwè ? Wikipedia..dit qwè ? Ah qui « La catégorie Noir ou Noire, est généralement employée en français pour distinguer un être humain ayant la peau foncée »….Vèyéve, Moncheû l’agent, qu’on pout dîre qu’on a stu ataquèye pa on neûr avou ine grande…
Ø A l’ouh !…à l’ouh, vis dis dj’ !!
Ø C’èst bon !…Mins, dji ’nnè rîrè [retourner] nin è scole po l’cåze. _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: mår 19 nôv, 2019 17:02:30 Sudjet: |
|
|
Å tribunål
Eune ome èst-st-acuzé d’oyu touwé s’fème, di l’oyu discôpé à boquèts, èt finål’mint di l’oyu magnî avou dèl moståde…
- Li djudje : n’avoz rèn èsprové tot f’zant tot ça ?
- Oh siya, dj’a bråmint tchoûlé…
- Èspliquéve eune miyète !
- Bén volà, dji m’aveût dit qu’èle åreût moutwè mèyeû goût avou dès rodjès èchalotes…
- Li djudje : C’est todi bon à soyu !...(à lu min.me : Mon-Diu, què raconte-dju là ? ). _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: vén 22 nôv, 2019 20:55:28 Sudjet: |
|
|
Con-fuzions :
- Quéne èpoque ! Wêtoz-m’ one miyète ça…
- Qwè ça ?
- Li djon.ne ome lôvô qui fét l’ quèwe al bolèdj’rîye…on diroz one crapôde !
- Bén oyî da, c’èst m’fèye !
- Oh, mande èscuse, dji n’ savoz nén qui vos èstoz s’ mouman…
- Oh mins, dji n’so nén s’mouman,…dji so s’poupa. _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: vén 22 nôv, 2019 20:56:05 Sudjet: |
|
|
Toûbak à cinq çans
Batisse rinteûre, plin come on Polonèt èt såye dè droviè l’ouh dèl mohone.
Arive li Tchampète qui lî dit :
- Eco on côp bèrzinge, Batisse ?
- Dji…dji n’ trouve nin…hic !...li trô dèl…dèl…hic…dèl sêre [serrure]
- Bin d’èl vou bin creûre, ti såye dè droviè l’ouh avou t’ cigåre !
- Crènom d’toutoute…hic…vousse-tu wadjî…hic…qui dj’a fumi m’clé !? _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: vén 22 nôv, 2019 21:09:13 Sudjet: |
|
|
Li docteûr qu’ èst-st-on grand tchèsseû, va veûye on malåde ; come il y va à pî, i tûze : « on n’sét måy » èt i prind s’fizik à deûs côps.
Li cinsî d’à costé » èl veût èt i lî d’mande wice qu’ i va.
- Dilé l’vî Batiste, rèspond-i l’docteur,…il ènn’a pus po longtimps, savez Djôzèf !
- Ah, èt vos avîz probåbe sogne di l’aveûr raté !? _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: vén 22 nôv, 2019 21:18:52 Sudjet: |
|
|
AL SÎSE [ à la soirée]
- Atincion, èle va sûr’mint v’ni drovu l’agayon qui fêt dè brut !
- Ti vous dîre li tèlèvizion ?
- Ayî..li tchim-tchim qui mëne eune arèdje di tos lès diâles !
- Tådje eune minute, ti vas veûye…
- Qu’èst-ce qui ti vas fé ?
- Hoûte-me bén : quond èle sèrè bén mètouwe è cülot [fauteuil], dj’irè m’mète divont l’ouche...po l ’oblidjî à s’rilèver…
- Èt pwis ?
- Èle vinrè drovu l’ouche…
- Oye, mins c’èst twè qui sèrè à l’ouche…
- Nén lontimps,…èle sérè a prume rassite come i fât è s’fôteûy..qui twè ti t’mètrè à råwer [hurler] come eune arèdjî po-z-oyu à magnî…
- Èt après ça, c’èst twè qu’årè fwin…
- Djustumint, quond dji rinteûr’rè, dj’irè dirèctument èl couhène èt dji wêt’rè dè basculer an-n-èsprès l’potiquèt å lèscia
- Mins, èle va s’måvler…
- N’èst rén, nos lî f’rons dès mamoûrs èt nos potch’rons èssonle so s’hôt [poitrine] po l’èstpêtchi dè wêtî l’ TV
- Èt si ça n’va nén, ti lî dôrè dès côps d’quèwe sus s’ narène èt mi, dji lî pècèl’rè [pétrir] sès gros nènès…
- Atincion, vol-la ! disti l’pus vî dès deûs tchèts dèl mohone. _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: vén 22 nôv, 2019 21:19:41 Sudjet: |
|
|
- Popa, eune boune eûre, c’èst qwè ?
- C’èst-st-eune eûre di 65 minutes, édon m’fi.
- Et eune pitite eûre, c’èst qwè ?
- C’èst-st-eune eûre di 55 minutes, édon m’fi.
- Et eune boune pitite eûre, c’èst qwè ?
- Ça èdon m’fi, i fåt l’ dimonder à vosse mame ! _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: sem 23 nôv, 2019 21:02:15 Sudjet: |
|
|
Savantissimum et Prudence
Lès vavants à l’univèrsité fizèt eune ètûde sus lès pouces.
Li prumî dit à eune pouce : « Potchîz on pô so l’tåve, po veûye » Èt l’pouce potche.
Li deûzème côpe lès pates dèl pouce èt dit : « Potchîz on pô so l’tåve, po veûye » Mins l’pouce ni potche nin.
Li treûzème marquèye è s’lîve : « Qwand on côpe lès pates à eune pouce, èle ni poche pus ».
Li quatrème dit : « Nin si vite, Houbèrt ; nin si vite ; i n’est nin cèrtain ; i fåreût contrôler l’èspériyince avou treûs ôtes pouces, po l’mons »
Li cinquème dit : « Mins nos n’avans pus qu’eune pouce… »
Li sihème rèspond : « Tans pîre ; mins nos polans tol’min.me dîre qui qwand on côpe lès pates à deûs pouces, il èst probåbe qu’èles ni polèt pus potchi, à mons qu’èle ni sèrît div’nowe èstornèye. _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|