|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Èl-Gueuye-Noere
Date d' arivêye: 2019-05-13 Messaedjes: 187 Eplaeçmint: Tchålerwè
|
Date: mår 18 fev, 2020 0:55:53 Sudjet: [FR] Porte-parole |
|
|
Bondjoû tertos,
Djè scrit on årtike so Raoul Hedebouw sol Wikipedia. Mins nérén, djè n' sé nén cmint dire "porte-parole" e walon. Ç' est pocwè djè vos boute ene propôzucion :
- Spikeur (o.) // Spikeure (f.)
Vinant d' èl mo inglès : speaker.
Keski vos e pinsez ?
Dank po voste aidaedje. _________________ El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns. |
|
Rivni al copete |
|
|
Èl-Gueuye-Noere
Date d' arivêye: 2019-05-13 Messaedjes: 187 Eplaeçmint: Tchålerwè
|
Date: mår 18 fev, 2020 1:07:44 Sudjet: |
|
|
P.S. :
Djè sai ki "porte-parole" en inglès, n' si dit nén "speaker" : https://www.wordreference.com/fren/porte-parole
Mins po on calcaedje del inglès, il est ene mitan pus åjhey di s' raspoyî so "speaker" ki so "spokesperson" obén "representative". _________________ El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns. |
|
Rivni al copete |
|
|
Reptilien
Date d' arivêye: 2017-07-01 Messaedjes: 263
|
Date: vén 21 fev, 2020 21:52:56 Sudjet: |
|
|
Pocwè on calcaedje di l' inglès, adon k' on-z a ddja : poite-bagaedje, poite-bouneur, poite-drapea, poite-manoye, poite-plome, poite-vwès,... adon pocwè nén poite-parole u co messaedjî ? |
|
Rivni al copete |
|
|
Èl-Gueuye-Noere
Date d' arivêye: 2019-05-13 Messaedjes: 187 Eplaeçmint: Tchålerwè
|
Date: sem 22 fev, 2020 21:01:39 Sudjet: |
|
|
Dj' a tchoezî 'l calcaedje di l' inglès (spikeur), pask' en inglès "speak" (do côp, dins 'm propôzucion : speak => spik) vout dire "cåzer" eyet cwand vos rwaitîz on spikeur, vos veyoz d' aboird on djin ki djåze å no d' es eterprijhe/organizåcion/...
Èl cawete "-eur" po dire ki fwait l' accion. On "spikeur" est on djin ki djåze ([EN] To speak). Mins, po 'l cawete djè so, asteure, ene mitan moens seur k' "-eur" vout dire çoula.
Mins nerén, dji trove ki "messaedjî" est ene boune idêye, contråvmint a "poite-parole". Pask' e francès (eyet motoit e walon eto, i fåt ki djè verifeye), on poite nén vraiymint ene "parole". Åré si vos pretchîz
https://dictionnaire.reverso.net/francais-synonymes/porter+la+parole _________________ El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns. |
|
Rivni al copete |
|
|
Reptilien
Date d' arivêye: 2017-07-01 Messaedjes: 263
|
Date: dim 23 fev, 2020 10:17:38 Sudjet: |
|
|
Èl-Gueuye-Noere scrijha: |
on poite nén vraiymint ene "parole" |
Imådjreçmint bén seur, come on « poite-vwès » et « poite-bouneur», acertinés ezès motis, ni poitnut nén ene vwès ni on bouneur.
I n' fåt nén prinde les ratourneures mot a mot (å pî del lete).
Dji n' comprin todi nén pocwè on calcaedje di l' inglès. On mot bén da nozôtes sereut bén pus plaijhant. On poreut eployî l' viebe spåde (come spårdeu) : on spårdeu d' parole, u d' messaedje (ça soune ene miete rillidjeus),... u co avou l' viebe cåzer u djåzer : on cåze-po-ds-ôtes,... |
|
Rivni al copete |
|
|
Èl-Gueuye-Noere
Date d' arivêye: 2019-05-13 Messaedjes: 187 Eplaeçmint: Tchålerwè
|
Date: lon 24 fev, 2020 19:09:04 Sudjet: |
|
|
Djè comprind ki tos les ratourneures n' doevnut nén oblidjeymint esse å pî del lete. D' ayeur, "spikeur" est lon d' esse ene mot a mot ratourneure.
Po dire li veur, kesk' i vos n' comprindoz nén avou 'l calcaedje di l' inglès ?
C' est 'l pocwè ki dj' aveu tchoezî on calcaedje di l' inglès eyet nén d' on ôte lingaedje ? U c' est ôte tchôze ? _________________ El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns. |
|
Rivni al copete |
|
|
Reptilien
Date d' arivêye: 2017-07-01 Messaedjes: 263
|
Date: mår 25 fev, 2020 23:15:52 Sudjet: |
|
|
C' est bén çoula, dji n' comprin nén pocwè atåvler on noûmot ki s' aspoye so on mot inglès po ratourner e walon on mot ki vént do francès (vosse prumî message dit bén « cmint dire "porte-parole" e walon », nén « cmint dire "spokesperson" e walon »).
Si to speak e-n inglès, parler e francès, si ratoûne sins målåjhîsté djåzer u cåzer e walon, sayîz aprume d' atåvler on noûmot basti avou onk di ces mots la, k' on walon natif poreut comprinde.
Si vos m' dijhoz poite-parole, dji vos comprin sins rujhe ; si vos m' dijhoz messaedjî dji vos comprin sins rujhe ; si vos m' dijhoz : c' est l' djåze-po-ds-ôtes del Rantoele, çou n'est nén foirt bea mins dji comprin çou k' vos vloz m' dire ; si vos m' dijhoz : c' est l' cåzeu del Rantoele, iva por mi, dji vos comprin ene miete. Asteur si vos m' dijhoz c' est li spikeu(*) del Rantoele... dji vos dmande tot biesse : c' est cwè on spikeu ?
Dji n' a nén co rwaitî ezès motîs si ''poite-parole'' egzistêye dedja.
Ene ôte idêye ki spikeu a-z atåvler ?
(*) sins r come tchanteu, roteu,... |
|
Rivni al copete |
|
|
Èl-Gueuye-Noere
Date d' arivêye: 2019-05-13 Messaedjes: 187 Eplaeçmint: Tchålerwè
|
Date: dju 27 fev, 2020 23:40:44 Sudjet: |
|
|
Dj' a reflechi eyet dji pinse k' on pout askepyî on aparinté noûmot s' schåyant d' "messaedjî" => "messaedjeu". Bén seur, e 'l cas wice 'l cawete "-eu" pout daler avou 'l bodje "messaedj-" ?
"Messaedjeu" n' egziste nén core (obén il egziste mins il est nén dins l' DTW, ni dins 'l Wiccionaire).
On pout eto, si vos vloz, askepyî on aparinté d' cåzeu/djåzeu, ledjirmint moens lon ki *cåzeu/djåzeu-po-ds-ôtes.
Ké novele rwaitant "poite-parole" ? _________________ El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns. |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: mie 08 avr, 2020 17:02:04 Sudjet: |
|
|
messaedjeu mi shonne on bon trova; on l' pout spåde sol Wikipedia a costé do calcaedje setch "poite-parole".
Po "spikeur", gn a ddja 3 calcaedjes di l' inglès avou ç' bodje la: spitch, spiker et spicrene (al radio); li prumî a passé dins les motîs, les deus ôtes coranmint dins l' walon d' tos les djoûs (spikêr, spicrine).
Li cawete -eur n' est prijhe, disk' asteure, ki po des calcaedjes setchs do francès:
* mestîs (indjenieur, docteur, facteur); li femrin est avou -oresse (doctoresse, factoresse, indjenioresse)
* machines (tracteur)
Tén, po fé pus modiene, et mete del varyisté dins les cawetes, pocwè nén "messaedjisse" (come fotbalisse). Po les instrumints d' muzike, li cawete -eu est rabaxhante (violoneu < violonisse).
On "messaedjeu" pôreut esse onk ki dit des boignes messaedjes. _________________ Li ci ki n' a k' on toû n' vike k' on djoû. |
|
Rivni al copete |
|
|
Èl-Gueuye-Noere
Date d' arivêye: 2019-05-13 Messaedjes: 187 Eplaeçmint: Tchålerwè
|
Date: mie 08 avr, 2020 23:35:26 Sudjet: |
|
|
Don, si dj' a bén comprindou,
Nos avans po "poite-parole" :
- Spitch (Calcaedje del inglès) ?
- Spiker/Spikêr/Spicrine (Spikeur avou des meyeures ortografeyes : les deus prumîs sont omrins eyet 'l dierin est femrin) ?
- Spicrene (Soûlmint al radio) ?
- Messaedjisse (calcaedje nén-setch do francès) ?
(Si dj' a bén comprindou eto), tertos sreut diferin d' messaedjeu ki vôreut dire: "(...) onk ki dit des boignes messaedjes" come dins les rilidjons ? _________________ El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns. |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: vén 10 avr, 2020 16:14:05 Sudjet: |
|
|
nonna, "spitch", c' est po on discours.
"spiker" et "spicrene" po des djins ki cåznut dins l' posse (di radio).
Po "porte-parole", dj' aveur tuzé "messaedjisse", mins dji m' a co rapinsé ene idêye ki m' shonne meyeuse: "poite-messaedje", ca 1) on cmince come li mot francès; 2) pus près do contnou ki "poite-parole"; cist ome / cisse kimere la ni poite nén totes les paroles do govienmint (si onk come Dehousse åreut yeu dit a Bart De Wever: "li ci k' est rogneus, k' i s' grete" u "va s' ti fé cori araedjî", li poite-messaedje nel repetrè nén (mins, å pårlumint, i serè riscrît dins l' "conte-rindou etir"). Li poite-messaedje ni poite ki l' messaedje di cloyaedje do govienmint.
=> poite-messaedje (si vos estoz d' acoird). _________________ Li ci ki n' a k' on toû n' vike k' on djoû. |
|
Rivni al copete |
|
|
Èl-Gueuye-Noere
Date d' arivêye: 2019-05-13 Messaedjes: 187 Eplaeçmint: Tchålerwè
|
Date: vén 10 avr, 2020 16:29:56 Sudjet: |
|
|
Boune idêye !
Dj' åreu dvou pinsé a çoula.
Asteure, i dmeure k' a ratinde l' advize da Reptilien ? _________________ El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|