Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

mete on tecse otomaticmint e rfondou

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 02 oct, 2019 18:55:30    Sudjet: mete on tecse otomaticmint e rfondou Responde tot citant

Vola on tecse da Djåke Desmet ki dj' åreu bén volou rmete e rfondou otomaticmint avou "coridjî" (po k' il poye fé lu tot seu) mins ça n' a nén stî

Po t’ veûy volti !

Dins m’ tièsse, dj’èl savo,
Dins m’ song, dj’èl sintéve,
Paujêremint !
Djë savo qu’ c’èstot twè !
Djë t’ vèyéve dëdjà !

Dj’a courë tos lès bwès,
Dj’a su tès pissintes,
Dj’a sautelé dès basses d’aîwe,
Dj’a fwârci t’-y-ëch

Po t’ sèrer dins mès brès,
Paujêremint !
Po t’ veûy volti !
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: dim 06 oct, 2019 22:20:33    Sudjet: Responde tot citant

Dj' aveu sayî eto avou èç tecse ey avou mès messaedje davance sol forom, mins dj' arive nerén.

P.S. : Dj' a ène ledjire impression ki li Walon do Roman Payîs saetche foirt li ci do Coûtchant ?
- Djè (Coûtchant) / Djë (Roman Payîs) <=> Dji (Rifondou)
- Dj' èl (Coûtchant ey Roman Payîs) <=> Dji li (Rifondou)
- Et tchik et tchak
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: lon 07 oct, 2019 10:04:45    Sudjet: Responde tot citant

Èl-Gueuye-Noere scrijha:

Dj' èl (Coûtchant ey Roman Payîs) <=> Dji li (Rifondou)

- Dj' èl (Coûtchant ey Roman Payîs) <==> djè l' (Nameur, ki candje li voyale do prono divant èn ôte prono ki cmince pa "L") <=> djel = dj' el (Rifondou) (on n' pout nén aveur deus spotchåvès voyales dins deus ptits mots ki s' shuvnut)

https://wa.wikipedia.org/wiki/Sipotch%C3%A5ve_voyale

Gn a bråmint des djins do Roman Payis k' ont stî bouter so Tchålerwè. Metans "cachî" / "yèsse al cache dë" a dvou replaecî "cweri" / "yèsse al cwire dë".
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 11 oct, 2020 20:45:36    Sudjet: Responde tot citant

Li coridjrece do forom riva asteure
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: dim 27 dec, 2020 22:31:57    Sudjet: Responde tot citant

Dji vén d' mete a djoû (eviè l' modêye 0.4.22) li coridjrece;
eyet eto rimete d' adrame li pacaedje po Firefox (ki n' s' astaléve pus la k' i n' shuveut nén l' nouve manire di fé les pacaedjes).

alez s' vey so http://chanae.walon.org/walon/spell.php
(li pådje est foirt londjinne, dji doe co vey a çoula)


* avou Firefox : clitchîz sol loyén "XPI", i vs dirè ki c' est on sourdant nén ricnoxhou et si vos estoz bén seur di l' voleur astaler, dijhoz oyi, et vos dvrîz aveur "Walon" dins les tchuzes del coridjrece.

* avou Chrome/Edge : li walon est dins l' djivêye des lingaedjes k' on pout tchoezi; mins c' est nén co loyî avou ene coridjrece.
Tot ratindant, vos ploz fé çou k' est espliké sol pådje : astaler èn ôte lingaedje (metans catalan, "ca"); prinde li fitchî wa-BE-*.bdic eyet l' mete al plaece do fitchî bdic di cist ôte lingaedje la.

On sayrè di fé des pacaedjes tot shuvant les rîles, et k' ça soeye ossu simpe a-z astaler k' po les ôtes lingaedjes; mins tot ratindant, come bistoke di Noyé, vos l' poloz ddja eployî.

Li modêye di dvant esteut d' 2017 ; et i gn aveut :

* 14.906 intrêyes (bodjes), 8.450 etictêyes; 177.634 diferinnès cognes

asteure i gn a :

2020-12-25
* sacwants coridjaedjes: clawson, seurixh/v,
meurixh/v, famile di naedjî, djasmén,...
* catoirzinme -> catoizinme
* coridjaedje d' ene flotche avou les spotchåves k(i)sch-
* bråmint d' mots radjoutés
* candjî l' modêye a 0.4.22
* 15.812 intrêyes (bodjes), 9.734 etictêyes; 204.383 diferinnès cognes
2020-10-26
* coridjaedje des femrins di -ès/-eus (aspell & ispell)
* capåve -> capåbe (tos les motîs ont /b/)
2020-10-24
* filer, efiler, fåfiler,...
* ene hopêye di mots copyîs d' vîs diccionaires
* radjoutaedje di ricnoxhance di copes di mots (eg: «d' on»)
2019-07-29
* analize, analizer
2019-06-15
* coridjaedje d' on bug avou grep e môde cp1252
(i fåt eployî -a)
2018-10-27
* sacwants rfondaedjes do raploû, etur zels "broushe, brouxhire,
brishôder, beazet, oudonbén, dessén,
2018-05-17
* coridjî l' femrin d' "c(o)mon"
2018-03-17
* sacwants rfondaedjes: diåle (et s' famile); sinti (et s' famile)
* pårt. er. viebes 3inme sôre: -yî -> -ieye
* svierbas viebes -inde -> mot avou -inte
(eg: dischinde -> ene dischinte)
2017-08-05
* coridjaedje do codjowaedje di "moure" et famile ("dji moûs" et
nén "dji mous")
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group