Berdelaedjes

[lucyin]

https://wa.wiktionary.org/wiki/Copene:frinne
_________________
Li ci ki n' a k' on toû n' vike k' on djoû.

[lucyin]

Nén co decidé sol DTW.

I fåt conter les ponts so l' ALW.
_________________
Li ci ki n' a k' on toû n' vike k' on djoû.

[lucyin]

frâgne: 2 ponts
frågne : 9 ponts
fringne & frêgne : 3 ponts
fran.ne : 4 ponts walons et walipicårds
frâne : 2 ponts walons et walipicårds
frane : > 50 ponts walons et walipicårds
frinne : > 150 ponts
frêne : > 50 ponts
frène : 5 ponts

Sol mape, noûzome taetche di frinne <> grosse tatche Coûtchant walon (Nonne) + walipicård po "frane"; 11 ponts frågn, frâgne, fringne so Lidje et l' Basse Mouze.
_________________
Li ci ki n' a k' on toû n' vike k' on djoû.

[lucyin]

Dji n' a nén les pinses k' on poye fé passer ene sorwalonde avou ene pus lådje oyowe si foite. Copurade ki l' sorwalonde dinreut co dpus d' pwès a Lidje, k' est ddja "sorpezante" po beacôp.

Si on prindreut ene dobe rifondowe, ci sereut purade "frane", vormint on mot "idintitaire" do Coûtchant walon.
_________________
Li ci ki n' a k' on toû n' vike k' on djoû.

[lucyin]

Dins les motîs:

frinne [R13,S117]
frin.ne [C1,C13,C20,C62,C65,C99,C106,G206,S0,S24,S33,S109]
frînne [C9]
frin-ne [S25]
frêne [E34,E165,E200,FE1]
fréne [G206,S0]
frène [G206]
frâne [G206]
fran.ne [G100,G206]
frane [C8,FO92,G206,O2,O3,O4]
frågne [E1,G206]
frâgne [G206]
fringne [FE1,G206]
frêgne [G206]
_________________
Li ci ki n' a k' on toû n' vike k' on djoû.

[Pablo Saratxaga]

C' est nén l' seu mot avou on ridaedje /agn/ -> /inn/

sol DTW i gn a eto :

* bran / brin (schite)
* d(è)magne / d(i)mwin
* fangn / fwin
* magn / mwin
* pan / pwin (po ci-la on-z a fwait ene dobe rifondowe)
* plangn(e) / plin(ne)
* tchågne / tchinne (l' åbe)

Tos ces mots ont on "a" e latén; ça fwait ki les cognes avou an/å sont surmint pus viyes/tipikes; mins l' candjmint d' son est tot l' minme foirt vî;
et, pus impôrtant, li prononçaedje li pus corant asteure est clairmint avou -inn- .

Del minme manire k' on dit asteure "aplôdi" et "oto", et les scrire insi (et nén "aplawdi" et "awto"), i fåt rfonde "brin, d(i)mwin, frinne, fwin, mwin, plin(ne), tchinne."

[Djor]

I gn a bråmint des cas d' "dråwe et grin", ou "pexhon et chacal" e walon: 1. on mot k' a stî erité do latén; 2. on mot k' a vnou do francès; 3. et minmes des mots k' ont vnou do francès on deujhinme côp.

I m' shonne ki "frinne" ni pout esse ki do francès. Mins "frågn" est surmint do latén.

On n' POUT nén rfonde des mots qui n' sont nén l' minme.

Minme "wé" (omrin) et "waye" (femrin), c' est deus mots, nén onk, et i sont pår erités. Si on djoû vos tchairoz so "guè", ça serè on mot diferin, pask' i vént do francès.

Li rfondaedje, c' est d' sawè scrire des mots ki sont l' minme. Nén on deujhinme esperanto.

L' egzimpe "aplôdi" et "oto" n' a rén a vey: c' est des mots eprontés. Mins d' on ôte costé, vos avoz "lawe" et "louwanje", onk do latén, etl' ôte do francès.
_________________
Li walon n' est nén d' l' esperanto.

[Pablo Saratxaga]

Vos vôrîz fé des dobes disfondowes po tos ces mots la ?

Mins adon, pocwè nén eto tripe-disfonde anea => anea/enea/onea (ou dobe-disfonde ånea/enea); i gn a dins l' minme cas agnea, astaedje, araegne

Ou co les cawetes des viebes (viker/vikî, ...); les dobletes ou tripletes an/in/è; les k/tch; (coûkî/coûtchî),...

On piede l' idêye do rfondaedje (on seu scrijhaedje po on minme mot).

Oudonbén vos nel vôrîz fé k' po les deus nos d' åbe (del minme manire k' i gn a ddja "faw" et "få") ?
èn astoca po cisse tchuze la, c' est k' les viyès cognes si trovèt dans sacwants nos d' plaece.

[Djor]

Pablo, i vos fårîz etinde li diferince etur on mot vormint walon (erité) et onk epronté.

Li rfondou walon, c'est po des mots ki sont les minmes, ewou les modêyes di pronoçaedjes vont todi tot droet. Ene modêye, c'est ene sacwè ki s'ridit a bråmint des côps.

Cwand i n'mousnut nén dins les modêyes, i n'elsè fåt nén fé moussî d'foice. Li walon n'est nén l'esperanto.

"Fagu-", c'est "fåw", raptiti "fawet" etch.
"Clavu-", c'est "clåw", raptiti "clawet" etch.

"Coûtchî"="coûkî".
Clotche" = "clokî".
Oyi, e walon c'est "k" ou "tch"; les deus sont tipiks do walon. Li "ch" po l'tayon "c" n'est nén walon, mins il egzistêye dins les mots eprontés.
_________________
Li walon n' est nén d' l' esperanto.