Vey sudjet di dvant :: Vey sudjet shuvant |
Oteur |
Messaedje |
Reptilien
Date d' arivêye: 2017-07-01 Messaedjes: 263
|
Date: mår 15 set, 2020 17:28:38 Sudjet: [OK] Codjowas avou -xh(e) |
|
|
Pocwè çk' on mete li ''e'' å suddjonctif (loukîz ci sudjet ci) : ki dj' finixhe, ki dj' ratinxhe, mins nén a l' indicatif prezintrece, po les viebes del 4inme sôre todi (vaici) : dji finixh , mins on l' mete å cmandeu : finixhe !
Oyi, po IP3s on comprind pocwè on n' mete nén li T, po n' nén scrire : i finixht, mins pocwè nén : i finixhe ?
On-z a do må a comprinde les ca et les ma. |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: dim 20 set, 2020 22:14:58 Sudjet: |
|
|
Dj' a lontins tchicté po sawè kimint k' ça aléve. Mins ça a l' air d' aveur sitî clawé come çoula. Pol 5inme troke, gn a eto sovint ene diferince inte l' indicatif et l' suddjonctif
dji doe / pou / vou <> ki dj' doeye, poye, voye
dji ratind / ds / d <> ki dj' ratinde, es, e.
Dandjreus prins des dujhances Feller d' après Lidje. Loukîz E170 p. 609. _________________ Li ci ki n' a k' on toû n' vike k' on djoû. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: sem 10 oct, 2020 15:18:13 Sudjet: Re: Codjowas avou -xh(e) |
|
|
Pol suddjonctif ont mete on "e" po tos ls ôtes codjowaedjes, do côp c' est lodjike del fé ossu.
Po l' imperatif, c' est todi l' minme cogne ki l' indificatif prezintrece, mins sins l' "s" al fén.
Po les troes djins do singulî prezintrece, i gn a po ces viebes la del 4inme sôre, deus codjowaedjes possibes, avou ou sins oyåve -xh al fén.
Li codjowadje sins c' est: dji fini, ti finis, i finit;
Pol codjowaedje avou, ça shuvou l' uzaedje lidjwès (e Feller lidjwès on n' mete nén d' nén oyåve "e" pa drî on "h" al fén d' on mot).
Mins c' est l' veur ki, asteure ki dj' î pinse, po l' imperatif, normålmint c' est todi l' minme cogne ki l' indificatif prezintrece, mins sins l' "s" al fén.
Ça fwait ki ça dvreut esse "fini!" et "finixh!" (purade ki "finixhe!")
Li "e" dins ç' cas la s' a winné pa analodjeye avou ls ôtes infinitifs ki zels end ont onk (mins ki, djustumint, c' est nén des cognes finixhant avou èn oyåve /h/)
On l' pôreut rcandjî ("finixh!") |
|
Rivni al copete |
|
|
lucyin
Date d' arivêye: 2005-07-07 Messaedjes: 3681 Eplaeçmint: Sidi Smayil, Marok
|
Date: dju 15 oct, 2020 20:08:00 Sudjet: |
|
|
kimandeu: dji n' aveu nén rlevé li cogne avou -e.
Oyi, c' est a coridjî.
Dji vén d' el fé so l' berteke:
https://lucyin.walon.org/codjowaedjes/fini.html _________________ Li ci ki n' a k' on toû n' vike k' on djoû. |
|
Rivni al copete |
|
|
Reptilien
Date d' arivêye: 2017-07-01 Messaedjes: 263
|
Date: vén 16 oct, 2020 7:27:41 Sudjet: |
|
|
C' est ddja pus lodjike. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: vén 16 oct, 2020 17:46:58 Sudjet: |
|
|
Dji vén d' m' abaiti ki c' esteut ddja djusse dins l' coridjrece;
C' est dins l' codjowoe k' i gn aveut l' aroke; eyet dins l' (grand) modele di codjowaedje so wiccionaire; coridjîs ambedeus |
|
Rivni al copete |
|
|
Djor
Date d' arivêye: 2005-07-02 Messaedjes: 240 Eplaeçmint: Sint-Serwai
|
Date: mår 01 djn, 2021 0:01:03 Sudjet: Re: [OK] Codjowas avou -xh(e) |
|
|
Reptilien scrijha: |
pocwè nén : i finixhe ?
On-z a do må a comprinde les ca et les ma. |
Vos avoz droet, et dj' el dit et rdire et l'radirès-tu dispoy pus d' cwénze ans!
Li latén "ego cresco" dene "dji crexhe", adon li latén "ego finisco" dene eto "dji finixhe".
D' alieur, c' est l' sudjontif ki rispite so l' indicatif: nosse "dji tchante" (indicatif) est, po dire li veur, li sudjontif. Li latén "ego canto" åreut dné è walon "dji tchant" sins "e" (come "illu- cantu-" -> "li tchant", nén "li **tchante"). C' est "ut ego cantam" k' a dné "dji tchante"
Adon, si nosse indicatif po "tchanter" vént foû do sudjontif, dji n' voe nén douvént k' on fwait des kakayes po scrire d' acromb "dji finixh". I fåt scrire d' adroet "dji finixhe"!
Haust et ses apurdices ont xhiné l' francès disk'a mete nosse walon a gngnos padvant l' francès. C' est l' seule raison, et c' est ene biestreye. Li lwès fonetikes do francès et do walon ni sont nén les minmes. _________________ Li walon n' est nén d' l' esperanto. |
|
Rivni al copete |
|
|
|