Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

noûmots avou l' cawete -ijhî <> cawete -i
Potchî al pådje Di dvant  1, 2
 
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots
Vey sudjet di dvant :: Vey sudjet shuvant  
Oteur Messaedje
Djor



Date d' arivêye: 2005-07-02
Messaedjes: 233
Eplaeçmint: Sint-Serwai

MessaedjeDate: lon 07 djn, 2021 9:49:47    Sudjet: Responde tot citant

Nén tos les lingaedjes romans sont pareys. Li francès a todi fwait avou l'hôt-latén. I gn a des epronts latén e francès viè 1100, di sôre ki sovént ons a do må a dire l'adire etur on mot erité et onk epronté. C'est po ça eto ki l' francès pout pretinde di replaecî l'latén. Et c'est l'minme po l'sipagnou. Mins nén po l'walon. I gn a yeu waire di mots eprontés do latén, et c'estént cåzu tertos do latén d'eglijhe.

Vos avoz padrî l'tiesse l'idêye ki les lingaedjes vont todi mea. Ç'n'est nén l'vraiy. Cwand on n'fwait nén asteme (et c'est l'cas po bråmint des lingaedjes, po l'pus grande pårteye did zels), tchaeke lingaedje toûne a cou d' poyon.

Li roumin, po cmincî. Li vraiy roumin va co pé ki l'walon. Foirt avant so l'trevén des redjimes do 20e siéke, ces-ci ont spotchî l'lingaedje. I faleut TODI sayî d'awè des mots francès, dedja nén metou a djin, mins a poenne riscrîts avou l'ortografeye di Bucaresse. Li dame di scole nos tapeut so les doets avou ene regue di bos, s'on cåzeut avou des mots "populaires". Il ont fwait des monses: des viebes francès k'i faleut codjower come si c'ere des viebes roumins, et insi, di 4-5 codjowaedjes, il ont avnou a pus d'50. Poy li francès a stî replaecî på inglès. Mi neveuze ki dmeure co la, ele ni vout pus cåzer "roumin": ele si rtape so l'inglès. Les profs d'univ ni savnut dire ene fråze foû e "roumin": al mitan del fråze i s'tapnut so l'inglès.

Dins l' timp, li scole transylvanyinne a sayî d'foirdjî les noûmots foû des raecenes do roumin, et foû do patwès latin. Mins Bucaresse n'a nén inmé ça.

Li dalmate a cmincî pa prinde tos les noûmots do crowate, poy on n'a pus fwait asteme al croejhete. A cwè bon d'aprinde ås efants on ptit lingaedje neyî dins l'grand? Li roumåre d'Istreye: i gn a co 50 (?) djins ki l'cåzént. Dj' a léjhou les papîs d'voyaedje do mwaisse di scole roumin k'a passé do timp avou les roumåres: les djonnes omes n'avént pus k'les mots "di smele" di leu lingaedje, et les ôtes do crowates; les båsheles si tapént todi so l'crowate.

Li roumantche, mågré d'oficir, il est ouy co pus mancî k'e 1982. Divins l'timp, i purdént les mots foû d'l'almantche; a pårti del difént do 20e s., c'esteut foû do francès et d'l'inglès. Asteure il ont on programe po les efants aprinde, ki s'lome "kids" (sic!). Tot ça, sins rovyî di leus vijhnåves, onk après l'ôte, tapnut å batch li RG, po rivni in erî å dialeke. (Li grosse biestreye do RG - eureuzmint k'on n'a nén ça e walon - c'ere d'wårder seulmint les mots ki sont la dins tos les dialekes, et di taper l'restant å diale.)

Dins 15 ans, li tålyin serè replaecî på inglès come lingaedje oficir di l'Italeye. (E Flande, et motoit tot avå l'Beldjike ça serè l'minme.) Dj' a eto waitî des videyos d'djonnes ki cåznut e "lombård". Mins c'est purade do "lombinglès" leu lingaedje.

Li francès n'sorvicrè k'å Kébek al difén di nosse siéke.

Li walon n'est nén do hongrès? Dji so d'acoird avou vos. Dji n'vos a nén dmandé d'prinde des mots hongrès e walon, nerén d'clawer å walon ene croejhete hongresse. Mins l'hongrès et tos les ôtes lingaedjes k'ont sorviké, i sont tchaeke ripaxhant po lu minme.

Do timp d'Ceauşescu, e Roumaneye, tos les ptits lingaedjes do payîs estént cotchessîs, et ons a tot fwait po "roumani" les djins des ôtes lingaedjes. Dj'esteu sbaré comint, minme dins les familes k'i gn aveut 3 grands-parints roumins et 1 di grand-parint hongrès, les efants cåzént todi foirt voltî li hongrès, et i dmandént a-z aler a scole divins les hongrès. C'est des anêyes pus tård ki dj'a etindou d'ewou k'ça vneut.

http://users.skynet.be/sllw/balises.html#Quelle%20langue%20pour%20demain

Pablo, i m'shonne ki por vos, l' walon, c'est come les cortilreyes por mi. On m'dit k'dj'a ene viete mwin. Dj'inme bén mes batchs a verdeus, mes åbes e pot. Dj'atchete bråmint des tomates å botike po fé del såce, mins dj' so fir di mete mes tomates da mi dins ene salåde. Et dji so fir d'èm' "royinne del nute" k'est todi evike dispoy 13 ans, adon k'ele n'aveut a viker k'ene anêye. Ça m'ahåsse. Min dji n'acsegnrè nén ça a mes efants, et m'passion crevrè avou mi. Dji n'irè måy diner des conseys a des djins ki cotnut po viker d'ça.
_________________
Li walon n' est nén d' l' esperanto.
Rivni al copete
Vey li profil di l' uzeu Evoyî on messaedje privé
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots Totes les eures sont a GMT + 2 eures
Potchî al pådje Di dvant  1, 2
Pådje 2 so 2

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group