Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Des leus e l' Walonreye

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: lon 13 set, 2021 14:13:22    Sudjet: Des leus e l' Walonreye Responde tot citant

Citåcion:
on camaeråde

Bondjou, Lucien
Què pinse l'anrtisse èt l'ome dol nature què vs' estoz des leups èzès hautès fagnes ?
Djè n' sés nin qwè pinsser;
Nos èrîs fouront neûrs contints qwand l' dièré leup fout twé on pô avant l'an 1900.
Dèspô longtimps i gn'a one dèspite inte les tchèsseûrs qui vlèt bécôp do dgibier, èt les fwèstîs qui trovèt qu'i gn'a trop' des ''cervidés.''. Qwand qu'on rèvèya lè prèmî leup avan valà, les ''protecteûrs dol nature'' èstînent à l'fièsse ( '' prédateur naturel, équilibre... '' )
Mais dèspô lè cmince , ces leups sonnèt trover pu pratique dè s'ataquer à des bisteûs raclôs, què d' couri podrî l' dgibier.
I gn'a quéquès samin.nes: 24 motons twés so 2 djôrs ol comune dè Djalhai.
I gn' quéques djôrs: on' agnê djondant d'on manadge à Zôrbrôd, èt ci manadge n'est gote près des bwès.
Lè Région Wal. ( = les contribuables ) dèsdamadge les propriétaires. Djusqu'à qwand ?
C'est dèdjà lè deusime an.né qu'one leuve a anvou pusieurs djônes .
On dit qu'i gn'a ou dandgîr po l'ome. Mais si on s'aprèpe sins l'saveûr d'one mére qui a des ptits ?! Si lè rage rèvnéve come qwand dj'èsteûs djône?
Sè djè vséve co des grands tôrs tot seû èzès bwès come dj'a tant fèt dè pu twè, dj'avouwe què djè n'sèreus nin rassuré.

Djè m'rafie dè lîre vost' idé.

Qu'i v' vasse bé !


Merci po ci bea "biyet d' oumeur" la. Sayîz d' el fé mete ene sadju dins les gazetes (pol sudjet et pol walon).

La fok (seulmint) èn an u deus ki dj' a-st aprins k' i gnè raveut des leus e l' Walonreye (cas doteus dins l' grand bwès d' Sint Houbert e 2019, on moton stronné après Rotchfoirt 2020... ey e Limbork (ene leuve k' a yeu des djonnes e 2020, come dj' a lî dins ene gazete flaminde, ki dj' atchtéve di tenawete cwand dj' esteu "reclôs" e Transene).

Dji n' sai nén si dji vos l' sicrijha, mins dj' a stî ataké pa ene nûte (meute) di... tchéns l' anêye passêye so ene pitite pladje do Marok.
https://commons.wikimedia.org/wiki/File:Atake_meute_tch%C3%A9ns.jpg

Et vaici, gn a co l' må d' araedje !!!

Il avént rtrové tos les "reflekes" des leus: (1) moenneu del binde (ene lexhe malinnesse !!!, on tchén d' wåde d' on louweu d' pedalos), (2) shuveus ki retourèt li proye pol poleur hagnî di tos les costés (tins ki dj' afrontéve li "tchîftinne" del binde avou mi aparey foto come warokea).

Adon, cwand dji rpasse dins li ptit bwès inte mi clinike et m' måjhone, et rescontrer des wålants tchéns [chiens errants], dji rtuze a ces-la. Mins, dispu èn an, dj' a yeu djusse on cas la k' i vlént ataker ESHONNE. Dj' esteu avou m' tchén (c' est motoit a lu k' endè vlént). C' esteut co on côp troes tchéns d' wåde d' on depot d' brikes et d' mwelons k' estént vnous dé on cafè-restorant, po-z awè les oxheas ki les djins lzî hinèt cwand il ont yeu magnî leu tchå greyeye sol tocoe.

Adon, i m' shonne ki les leus frént parey, s' i plèt rifé des meutes, ey (*) udon awè fwin; (*) udon disfinde on teritwere. (*) come vos djhîz ene leuve disfinde si djîsse avou des djonnes (les deus côps di dvant ki dj' aveu stî hagnî, c' esteut pa ene lexhe avou des djonnes).

Mins l' Walonreye, ci n' est nén l' Sibereye. S' i gn a dtrop, dji supôze k' on les tchesrè åjheymint (et k' les priyîs a ene tchesse ås leus payront tchir et vilin, dipus ki l' pris di rpayaedje des motons stronnés).

D' èn ôte des costés, mi sour vént d' m' aprinde ki tos mes tchinnes riplantés (3000 € ?) après des sapéns a Transene, avént stî magnîs pa les bixhes et les tchivroûs. Gn a nou si grand må k' i gn a on ptit bén ki va avou.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group