Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Est ç' vormint utile ?

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 2910
Eplaeçmint: Sidi Smayil, Marok

MessaedjeDate: dim 05 set, 2021 0:04:39    Sudjet: Est ç' vormint utile ? Responde tot citant

Citåcion:
on soçon
Binamé Lucien
Après aveûr lî l'ôte djôr lè pandge ''copène'' so l'arganî,

https://wa.wikipedia.org/wiki/Argan%C3%AE
djè vés dè vèy' lè video è walon.
Tot come W.S., dj'admire dèspô lontin l'énergie què vs' av', èt l'masse d'ovradge què vos abatoz.

Mais, est-ce vran.y'mint ûtile èt urgent dè dèspliquer è w. on' anbe ''endémique'' d'one cwène do Maroc ? To tuzant què valà ol Walonie, des dgins qui ont calfî dèdjà 70 ans nè savèt minme pu çou qu' c'est one malé (1) ?!


Les moennes del Mîtrinne ådje (Moyinådje) s' el dimandént ossu: est ç' vormint utile di rcopyî tos ces lives la, dabôrd ki tos ces dmanants la ni savèt lére li latén.

Et portant...

L' astoca [argument] est da Jean-Pierre Dumont.

Tchaeconk boute a ene pårteye del bouye [boulot]; vos tot "enimådjant" [illustrant] li pus bea des walons, pa on motî et asteure des tecses; li RCWM tot fjhant viker l' lingaedje d' avår la dins l' foclore et tot fjhant des lives.

Nozôtes, so Wikipedia, nos mostrans ki l' walon (ki li livreye do Congrès amerikin a ricnoxhou come ene langue come ene ôte tot lyi dnant on code ISO "wa", so on dossî prezinté pa Pablo Sarachaga e 2002), ki l' walon, di dj', come vraiy lingaedje, pout djåzer di tolminme ké sudjet. Il atome ki ç' sudjet la (l' arganî), dj' el kinoxhe assez bén, voyaedjant sovint dins l' payis la k' on l' trouve, et metant di l' ôle d' argane so mes tåtes å matén et al nute tos les djoûs. Adon, i n' est ki dj' djusse ki dj' saye di dire les ca et les ma e walon so ç' sudjet la.

Èn ôte uzeu kinoxhe mî les metros. Il a fwait ene pådje sol metro d' Brussele (ki Karim pôreut recråxhî, avou vost aidance, metans).

https://wa.wikipedia.org/wiki/Metro_d%27_Brussele

Et pu, inte di nozôtes soeye-t i dit, ni våt i nén mî di scrire so les Wiki ki d' aler ås femes, u djouwer ås djeus videyos u å cazino ?
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li dim 05 set, 2021 0:34:23; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2910
Eplaeçmint: Sidi Smayil, Marok

MessaedjeDate: dim 05 set, 2021 0:33:48    Sudjet: Responde tot citant

(1) malé = melêye

https://wa.wiktionary.org/wiki/melêye
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 2910
Eplaeçmint: Sidi Smayil, Marok

MessaedjeDate: mår 21 set, 2021 23:21:02    Sudjet: Responde tot citant

Citåcion:
Minme camaeråde

Binamé Lucien,
Djè pinse què veus m'av' man compris, ou bé pu vite djè m'aveûs man dèspliqué !
Dj'a trové l'artic' so ces anbes fwèrt bé fait, avou bécôp des racsègnmints, des imandges dè quanlité .
çou qu' djè vléve dire: cisse pandge docu. convét po ces qui s'intèressèt al botanique ( come mi ), motè co des ethnologues, des nutritionnistes, ... p'on'tant qu'is sapèchent on pô léche lè r.w.
ou bé adon:
des ces qui inmèt lire lè r.w;, , s' is s'intèressait àl botanique des payis d'an lonsse.

D'on' aute costé, lè masse des dgins '' walonophones potentiels'' viquèt ol Walonie, èt n'cuènochèt
sovint pu lè nos walons des anbes antô d'zèle, minme lè pu comeûs..

Bé sûr, onc n'èspétche nin l'ôite.


_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group