lucyin
Date d' arivêye: 2005-07-07 Messaedjes: 3664 Eplaeçmint: Sidi Smayil, Marok
|
Date: dju 30 dec, 2021 19:05:42 Sudjet: Charles Lizen |
|
|
Lorint d’ mon gade
C’èsteût on vî djonne ome
On simpe sins instrucsion,
In ome tot bon.
I vindéve dès lècètes,
Dèl linne èt dès filés.
E tos costés
On vèyéve si tchèrète
Et s’ vîye mame rafûlèye
Tote distchârnèye,
Arc’bout’rèye â tamon,
Tot s’ lèyant rimorquer
Po bin roter.
D’ â matin disqu’ al nut’,
Rik’nohous tot dè long,
Deûs vîs qui vont
Vinde leû linne, leûs filés.
Qui lès êdront viquer.
Sins d’veûr brîber.
Lorint bouhîve à ‘ne pwète
Et k’mincîve in pâtêr :
Li notru pére.
Tchoûlant come in èfant
Tot d’hant qui lès gamins
Ont stu calins.
“ ‘l –ont tape dès pîres,
‘l-ont gueûyî sor mi »
Dihéve-t-i.
Mayane hossîve si tièsse
Po dîre : » C’èst bin insi. » _________________ Li ci ki n' a k' on toû n' vike k' on djoû. |
|