Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Raploû des rfondeus
Potchî al pådje 1, 2  Shuvant
 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 05 dja, 2022 12:36:52    Sudjet: Raploû des rfondeus Responde tot citant

coirzenoxh: li vénrdi 7 di djanvî, di 9 eures å matén a 4 e. del vesprêye, 4 voye di Viyance a Transene.

éndjolicmint: metoz les sudjets ki vos vôrîz bén k' soeyexhe decidés so ç' fi cial.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 05 dja, 2022 13:05:12    Sudjet: Responde tot citant

Kesses k' on loucrè po decider cwè:
so ç' fi d' berdelaedje cial

sol Wiccionaire:
* https://wa.wiktionary.org/wiki/Uzeu_copene:Lucyin
* https://wa.wiktionary.org/wiki/Uzeu_copene:Srtxg
* https://wa.wiktionary.org/wiki/Sipeci%C3%A5s:Pages_li%C3%A9es/Modele:!Rif

sol DTW:mots metous inte åtchetes avou on pont di dmande dins l' tiestire (xxx?)

Les decidaedjes sont acertinés sol DTW (rifondaedje decidé li...). Adon, li Wikipedia, Wiccionaire et DTW eploynut li minme ortografeye.

Li Wikisourd dimeure avou l' ortografeye k' esteut eplaideye, cwand les tecses estént so papî.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: mie 05 dja, 2022 17:40:23    Sudjet: Responde tot citant

Bondjoû tertos yet tertotes,

Dji n' serè nén vni å raplou, veyånmint ki dji so e trexhe avou mes egzaméns.

Totfeye, dj' a deus propôzucions :

1) Diferinces etur veye (comene) eyet veye (vicance)

Come di djusse, dji n' sai nén pocwè, mins li rfondou ni fwait pont d' diferince etur zels. Totfeye, sacwants motîs, copuvite do Coûtchant eyet del Nonne el fijhnut bén.

Do côp, dj' acdine cisse rexhowe cial :
- veye = vicance (on n' candje rén po ci sinse ci)
- velhe = comene (on candje ci sinse ci + on wårde li [ɛ] levantrece k' on prononçreut purade [i] el Coûtchant + on candje li yod po on "lh", k' egziste dispoy 1250 eyet k' egziste eto dins d' ôtes lingaedjes d' oyi yet d' oc).

2) [l] ene sadju + [j] ene ôte sadju = "lh"

Li deujhinme n' est k' el shûte del prumire, po-z esse oniesse. Dji vs el rmete padzo :

- velhe = comene (on candje ci sinse ci + on wårde li [ɛ] levantrece k' on prononçreut purade [i] el Coûtchant + on candje li yod po on "lh", k' egziste dispoy 1250 eyet k' egziste eto dins d' ôtes lingaedjes d' oyi yet d' oc).

Asteme, k' i gn a bråmint d' ôtes mots ki vont dveur candjî eto : aiye, rantoele, toele, veye, et tchik et tchak.


Amiståvmint,

Èl-Gueuye-Noere
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: mie 05 dja, 2022 18:03:28    Sudjet: Responde tot citant

3) Trover des uzaedjes po des simpès lete di l' alfabet

Dj' a rimårké k' e rfondou walon, gn a des letes k' on n' uze nén voltî seule, ubén k' on n' uze måy (come li "q") :
- q : dj' a tuzé a l' uzer al plaece di "cw", tot wårdant l' minme dijhaedje <=> cwate => qate.
- j : po cisse lete ci, dj' a tuzé a rcandjî les grafemes "dj" pa "j", tot wårdant ossu l' minme prononçaedje <=> djonne => jonne
- x : po li dierinne, c' est ene miete come li "j". Come di djusse, ricandjî les "tch", tot wårdant todi l' minme son <=> tcherpinte = xerpinte. Çk' i nos fwait rpinser a l' uzaedje do "xh" ki pout awè l' minme son k' el "ch".
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Reptilien



Date d' arivêye: 2017-07-01
Messaedjes: 263

MessaedjeDate: dju 06 dja, 2022 9:24:06    Sudjet: Responde tot citant

Po les ponts 1 et 2 :

Èl-Gueuye-Noere scrijha:
dji n' sai nén pocwè, mins li rfondou ni fwait pont d' diferince etur zels.


I gn a nén k' e Rfondou ki c' est l' minme : vèye* (E1,E170), vèie (E203), vêye (E34), viye (S117) ; mins diferints po : vile / vîye (O0**, FO4, O90, C1). Dins S0 on trouve vîye (F. vie), mins gn a rén po F. ville, on n' trouve ki vièdje (viyaedje) et Vilé = Viyè (viye cogne) po F. Villers(-la-Bonne-Eau), ki vént d'on minme sourdant etimolodjike et ki mostere ki gn a (u ki gn a yeu) balzinaedje inte L et Y.

Si on candje po veye i fåreut candjî sacwants mots avou l' minme rujhe, come meye.

Il a stî decidé e 2000 (i gn a 20 ans) di n' nén prinde li betchfessî LH, fåt i vormint rivni e-n erî ? Dji sai k' Djôr el voreut bén (cf. Quaî rfondou walon po dmwin ?) mins ls ôtes ? @Èl-Gueuye-Noere : si on prind velhe, i m' shonne ki gn a todi on risse del prononcî [vɛl] ki n' egzistêye nén. Et po les (råles) mots k' on prononce [lh] et nén [l] u [j] come : Dèl(h)ale (S0), djalhê (R10), talhê (S0), comint ç' k' on fwait ?

Po l' pont 3 :

- qate = cwate : et cwand on prononce avou [w] : cwète (E1) et cwate (E1, S0) => qwate, come e Feller ?
- j = dj : et cwand c' est G etimolodjicmint => gin, come dins les ortografeyes di dvant Feller ?
- x = tch : dedja k' å tins d' Feller (1900), et minme avant, li XH pol shoflé H a Lidje n' esteut pus veyou voltî, sogne di prononcî X [ks] u [gz], al môde francesse, dji m' dimande bén çou k' Feller åreut sondjî d' sicrire xin po tchin.

Dji prin note ki, come Djôr, vos vôriz k' on-z eploye ene seule lete po les sons DJ et TCH. Po Djôr ça dvreut esse Ĝ (ĝint = djin, apus k' cwand etimolodjicmint DJ si djustifeye : djoû) et Ĉ (ĉein = tchén).

----
* C' est eto l' sicrijhaedje del femrinne cogne di .
** Dji n' a nén trové vile mins gn a vilâdje.


Candjî pol dierin côp pa Reptilien, li dju 06 dja, 2022 18:20:28; candjî 2 feyes
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 06 dja, 2022 18:07:25    Sudjet: Responde tot citant

cåzu betchfessî "lh".

Il aveut ddja stî atåvlé pa Jean-Pierre Hiernaux (k' aveut propôzé djusse divant "oe" et "oi", k' ont stî acceptés. Ci dveut esse diviè 2000.

https://wa.wikipedia.org/wiki/Jean-Pierre_Hiernaux

On n' l' a nén shuvou po ç' pont la.

https://wa.wikipedia.org/wiki/C%C3%A5zu-betchfess%C3%AE#li_c%C3%A5zu-betchfess%C3%AE_LH

Dji croe k' on aveut decidé di clôre li lisse des betchfessîs (avou sh) e 2000.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 06 dja, 2022 18:49:38    Sudjet: Responde tot citant

novea uzaedje di letes

Come pol cåzu betchfessî "lh" et li pordjet Djôr, ça candjreut ditrop li "gueuye" do rfondou. Dispu 2002, on n' fwait pus ki do "rassonraedje" di mots, onk a onk. Pupont d' grands rcandjmints come les cis atåvlés cial ådzeu.

L' uzaedje do "x" aveut stî ripropôzé pa Lorint Hendschel (1998-1999) po les mots eternåcionås (taxi). Il a dmoré d' uzaedje e Feller namurwès disk' å sistinme Feller-Léonard.
Dji n' s'rais nin bon prétcheû si dj' mostrais l' mwaîj-èximpe
(Cayés walons 1970)
https://wa.wikisource.org/wiki/Su_l%C3%A8s_s%C3%B4l%C3%A9yes
Mins i n' a nén passé (Lorint esteut co dins les raploûs rfondeus cwand on l' a rsaetchî, avou si acoird).

Li pordjet Djôr, c' est vormint èn ôte sistinme ortografike, ki lu, kimince. Des gros candjmints come ces-la (novea uzaedje di letes) pôrént esse atåvlés DINS ç' PORDJET LA, ki lu, a tot l' avni divant lu. Mins i fåt fé ene ôte tåvlotêye (commission Rfondou avancivøs) po çoula.

Il a falou 20 ans å rfondou "classike" (k' on pout dire clawé e 2000) po-z esse ene miete kinoxhou (loukîz li pordjet Alban Leloup:
https://lucyin.walon.org/guerni/Mikès_Lileu1.png

Il a stî accepté pa des djonnes ki n' ont pont d' walon etnike complet dins l' oraye. MÅY pa des cis ki scrijhént dedja e Feller. Kibén sont i ? Nén dpus d' 20-30 po li scrijhaedje, 200 a 500 pol lijhaedje ? Il est enimådjî sol Daegntoele pa des cåkêyes di tecses (dipus ki tos les tecses e Feller so les fyis metous eshonne).

I m' shonne ki c' est ene sitouwåcion ki rshonne ene miete a l' "Bibe di Gutenberg" pol rifondaedje di l' almand: on scrijha bén adjinçné k' est dvant les ouys di tertos. Li rcandjî pår (4 atåvlas Gueuye Noere, pordjet Djôr) m' avize ene mwaijhe idêye.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: dju 06 dja, 2022 21:52:06    Sudjet: Responde tot citant

Po çoula, dji saveu ddja ki Djôr ey èm-minme n' esténs nén les seus a li propôzer. Dji pinse k' ci cåzu betchfessî cial rinte bén dins l' adierça do rfondou. Come avou li "xh", u co li "jh". Dji sai eto k' ça va esse on grand candjmint, si måy i srè accepté. Savoz, dj' a léjhou ene miete les viyès edicions del Rantoele (1996-2003). Dj' a veyou k' i gn aveut bråmint des candjmints. Çki vout dire k' el rifondou sait bén candjî dins l' tins. C' est ene d' ses piceures, contråvmint åzès ortografeyes Feller.

Houte di çoula, on raploû adjinçné po nost ortografeye mostere, come di djusse, k' elle porshuve ses candjmints. Tot-z estant èn aprindisse do walon, dji trove k' el "lh" ns dinreut podbon on côp d' espale po mî comprinde mwintès nouwances do lingaedje da Defrêcheux. Ådzeu d' ça, ele sreut bén ahessante po fé l' diferince etur "veye" (vicance) eyet "veye" (comene). Åré dins li Levant eyet dins sacwants coins del Nonne, on-z el ritrove bén dins l' Coûtchant, el Mitan yet dins ene pårtêye del Nonne eto.

Dj' atåvle nou candjmint e parfondeur, come avou li "rfondou avancivøs". Totfeye, dji croe k' i gn a (co) des sacwès a-z amidrer. Pwis, pocwè nén uzer tos les simpès letes d' èn alfabet. Voeyoz, c' est, po mi, ene flotche ki rvént dins totplins d' lingaedjes :
- li francès : on "h" ki n' est k' etimolodjike, on "q" todi avou on shuvant "u" åré kékès foû-rîles, etet.
- l' itålyin : uzaedje di 23 simpès letes so les 26, såf po les mots etrindjirs.
- evnd.
Adon, i gn a des lingaedjes k' uznut èn alfabet ki n' leu vont nén. Metans l' inglès k' a rcandjî ès-n' alfabet runike po li ci d' asteure.

Asteme, dji vs dimande nén d' candjî l' alfabet. Tenawete, i sreut mia d' uzer totès les simpes letes. Copurade k' c' est possibe avou nosse lingaedje, aprume avou li rfondou. Yeyet, d' esse (motoit) li prumî sistinme ortografike a sawè bén uzer ès-n' alfabet. Li rfondaedje di l' escrit, virpus di tote el langue, ça n' si fwait nén ossu rade. Rwaitîz do costé des lingaedjes da Molière, Shakespeare eyet da Vondel.

Al fén des féns, dji vôdreu radjouté k' ene ortografeye, ci n' est nén l' ayèfi (dj' ô bén : l' Alfabet Fonetike Eternåcionå). Adon, "velhe" (ubén ene ôte prôpozucion po bén fé l' diferince etur les deus "veyes") n' divreut nén esse ene rujhe. Paski, si l' on dveut shuve l' ayèfi, on-z åreut bråmint d' arokes :
- Li prononçaedje zero-cnoxheu egziste (do moens, sol Wiccionaire) ; mins dj' a les pinses k' nolu l' uze voltî. Ça shonne esse pus èn egzimpe po les aprindisses, copuvite po les cis k' i n' ont måy oyou do walon.
- Li lete "e" k' est sovint prononcé /ɛ/, mins k' on-z ôt nén cwand on djåze.
- Li "ou" ki si prononce sovint /u/ do costé di Tchålerwè, mins kécfeye divne /y/. Yeyet c' est l' minme avou l' contråve : des "u" ki divne des /u/ al plaece di /y/. Sins conter ki Tchålerwè n' est nén l' seu coin a sey, ene miete, soyî avou mwints foû-rîles.
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dju 06 dja, 2022 23:29:34    Sudjet: Responde tot citant

Èl-Gueuye-Noere scrijha:
Savoz, dj' a léjhou ene miete les viyès edicions del Rantoele (1996-2003). Dj' a veyou k' i gn aveut bråmint des candjmints.


Oyi, mins dispu 2002, on s' a djoké di fé des grands candjmints. Pablo vos va dire li sinne.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Reptilien



Date d' arivêye: 2017-07-01
Messaedjes: 263

MessaedjeDate: vén 07 dja, 2022 0:04:03    Sudjet: Responde tot citant

Èl-Gueuye-Noere scrijha:
Dj' atåvle nou candjmint e parfondeur, come avou li "rfondou avancivøs".


Shocked vos propôzez tot l' minme k' on screye x li son tch, si ça çou n' est nén por vos on parfond candjmint...
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: vén 07 dja, 2022 0:04:48    Sudjet: Responde tot citant

lucyin scrijha:
Èl-Gueuye-Noere scrijha:
Savoz, dj' a léjhou ene miete les viyès edicions del Rantoele (1996-2003). Dj' a veyou k' i gn aveut bråmint des candjmints.


Oyi, mins dispu 2002, on s' a djoké di fé des grands candjmints. Pablo vos va dire li sinne.


Li raploû di dimwin, c' est bén po candjî bråmint des ptitès sacwès ki, pitchote a midjote, va fé on grand, virpus puzieurs grands candjmints ? Copuvite, i m' shonne, sorlon çki dj' a veyou, k' i gn a des afwaires k' avént stî ritnowes ; pinse-dju ? Mins k' vos daloz, motoit, candjî, dimwin ?
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: vén 07 dja, 2022 0:18:10    Sudjet: Responde tot citant

Bondjoû (ou bonswer purade)

Èl-Gueuye-Noere scrijha:

1) Diferinces etur veye (comene) eyet veye (vicance)


Des mots ki si scrijhèt ou prononcèt del minme manire, mins ki c' est des mots diferins, end a todi, dins tos les lingaedjes.

Metans "cour" (ki bate et fé aler l' sonk) et cour (on tribunå ou ene cour di rwè), "cours" (diner ene luçon).
Ou co "leu" (biesse come on tchén), "leu" (da zels), "leu" (vî mot ki vout dire plaece, metans "ni leu ni feu", les Sints Leus)

Citåcion:

- velhe


Notez k' i gn a eto l' diferince i/è; avou l' sicrijhaedje "ey", on dit e rfondou ki ça s' pout prononcî "èy" ou "îy".
Si on l' riscrît "elh", çou k' on wangne po rascovri l' diferince l/y on l' piede avou è/i.

L' idêye d' on betchfessî "LH" aveut stî atuzlêye (dji n' sai pus cwand egzactumint, eviè 2000 ou ene sacwè insi); mins ça n' a nén stî pris paski, a ç' moumint la, li rfondou cmincive a s' rapåjhter (les prumirès anêyes, eviè 1990, ça n' a waire candjî, mins nolu n' l' eployive; poy les anêyes shuvantes, eviè 1995-2000, i gn a yeu di pus a pus di djins a l' eployî, mins cåzu tchaeke djin a s' môde diferinne des ôtes...
ey adon, eviè 2000, les cis k' eployèt l' rifondou po d' bon s' ont rapoûlé et metou d' acoird di fé (ou d' sayî todi) tertos del minme manire.

Notez k' adon i gn a minme yeu l' idêye di discrexhe li nombe di betchfessîs (et n' pus wårder ki ae, xh, å, ey; et dji croe k' c' est tot.... mins come i gn aveut ddja adon tot plin d' tecses avou des oe, oi, jh,.... al fén çou k' a dmoré c' est çou k' on voet asteure.

Di 2000 disk' asteure (pus d' vint ans ddja!) i gn a yeu foirt waire di candjmints; çou k' i gn a yeu c' est :

* des mots k' on-z a trové ki l' rifondaedje esteut cron (metans "brouxhe"; li "xh" est cron, la k' les prononçaedjes k' egzistèt sont /ch/ et /s/, måy /h/; ça a don stî candjî a "broushe"
* sacwants mots ki n' avént måy sitî rfondous (paski ça n' aveut nén stî tuzé, ou foirt målåjhey); metans c' est l' cas di sacwants codjowaedjes.


Rivni so les mwaissès rîles do rfondou (radjouter on novea betchfessî "lh" par egzimpe) apoite pus d' arokes ki d' benefices.
C' est ene miete come taper l' påpåd avou l' aiwe do batch.
I n' åreut pus on rfondou walon, end åreut pol moens deus diferins. Minme si totes les djins si metrént a scrire avou "lh", i dmeurreut tot çou k' a stî scrît pa dvant so 20 ans ås long, ki sereut foû scwere....


Si l' ortografeye des lingaedjes est ene sacwè ki n' candje nén sovint, c' est nén po rén, c' est paski c' est ene sacwè d' målåjhey, k' apoite des rujhes.


L' ortografeye d' on lingaedje (di tot l' minme ké lingaedje) ni candje ki dins deus cas :

* candjmint politike et volté d' impôzer ene nouve moennance politike (tuzez a çou k' Kemal Atatürk a fwait metans)
* candjmint d' on lingaedje a té pont ki l' sicrijhaedje est si télmint erî do prononçaedje k' on fwait des candjmints (mins minme insi, c' est nén otomatike, i fåt eto ene volté politike pa drî, li tibetin metans, li volté politke/relidjeuse c' est d' esse wårdiveus, li dierin candjmint d' ortografeye do tibetin c' ersteut i gn a 18 SIEKES !)

Li rfondou a-st ahivé pask' i gn a-st avou on candjmint politike/sociolodjike (des djins ont cmincî a tuzer å walon come on lingaedje, et nén come sacwants patwès; et i gn a falou do tins, cåzu bén 100 ans, etur les prumîs a voleur ene comone ortografeye, et k' end åye ene eployeye po do bon)

Mins etur 2000 et 2022, i n' a nén yeu d' candjmint d' ene ou l' ôte sôre po djustifyî on candjmint d' ortografeye.

Citåcion:

Li prononçaedje zero-cnoxheu egziste


Dji direu purade ki neni, çoula n' egzistêye nén.

I gn a-st avou ene contrinte tecnike, cwand l' motî Embanner a stî eplaidî, di n' diner k' ON SEU prononçaedje po tchaeke mot (impôzé pa l' eplaideu : i faleut on prononçaedje e-n alfabet fonetike, mins endè faleut k' on seu).

Cou k' i gn a, c' est çou k' Reptilien lome des "prononçaedjes prototipikes" (on prononçaedje a pårti do scrijhaedje, sins tni conte des foû rîles); end a, po tchaeke mot, 1, 2 ou 3; dji n' croe nén k' i gn åye des mots avou pus ki 3 prononçaedjes prototipikes.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Potchî al pådje 1, 2  Shuvant
Pådje 1 so 2

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group