Berdelaedjes

[lucyin]

C' est Djôr k' el dimande (tecse passé al ricoridjrece)

Bondjoû a vozôtes!

Vola, dispoy lontins dji n' aveu pont dné d' segne di veye. Vo m' ricial!

Po dire li veur, dji so todi foirt prins. Dji m' saye di viker, la k' dji boute come ricepcionisse divins èn otel a Brussele, et toltins studyî, å Noû-Lovén, li teyolodjeye. L' ovraedje et li scole eshonne ni m' leynut nén bråmint do timp po viker adlé.

Dji boute todi so ç' brevåre walon, mins doûcetmint. Les ratournaedjes mi pudnut bråmint do tins, et dji n' sai bouter pus k' ene pitite eure totes les samwinnes.

Mins on soçon d' Djambe, ki scrît asteure si memwere di filozofeye so l' ewalisté des femes avou les omes, m' a dné ene idêye po fé ene ôte sacwè divant di rexhe li brevåre. On live so l' omoparintaedje, ou minme so l' omoparintaedje crustin, e walon. Come ça, dit-st i, li walon mousrè dins l' filozofeye et dins l' teyolodjeye; et co on pôreut cåzer des novelès modes di vicåreye des djins todi e walon.

Tot tuzant, dji m' dis k' i fåt trover des noveas mots po ça. Dedja dins l' timp les djins djåzént des «lepeuzes» et «ni bok ni gade», la k' on pinséve seulmint a comint ki les ôtes cougnént. Asteure i fåt cåzer di comint k' i vicnut. Dedja dji m' a toirtyî li cervea po trover on mot come «omoparintaedje», calké sol francès "homoparentalité" et so l' inglès "gay-parenting". Po des ôtes mots, la, dji n' sai pår. Dji pôreu prinde «gaiy» avou stindaedje di sinse (come "gai" å Kekek). Et l' ôte? «Lezbiene», calké sol francès? U «gwinne» (fr "gouine")? Et comint on direut? Famile... omoparintresse? omoparinteuze? omoparintene? omoparintåle?

Kçvvb,

[lucyin]

famile omoparintrece

avou l' cawete -rece (a vey avou l' omoparintreçté).

u, pus biesmint : ene famile omo; u ene famile d' omos.

po les djins :

èn omo, ene omotresse (cial, cawete -resse, ca c' est ene feme)

Mins dji di ça et dji n' di rén.

[Djor]

[Psychedelik Barakî]

Mi eto ! Pou les femes, dj' åreut pus rade dit lezbyinne, o 'ne sacwè insi...

[djozewal]

Nos tayons avîne :
bouxhèron èt lètcherèsse !
Lèsbos n 'èstéve nén è l' France.
Onk + yink = ène famille; one èt iène = ène famille : k' l' èfant rapwârté n' fuche nén catolike n' l' èspêtche nén d' è ièsse ène paurt èt d' ptète chwèzi pus tård s' prope rilidjon.

[Pablo Saratxaga]

Nén mezåjhe d' edvinter des mots; po les mots foutants, end a ddja; et po les ôtes, on pout bén prinde les mots eployîs tot avå: "omosecsouwel" (et n' nén l' rascourti a "omo", paski la c' est foutant).
Et nén mezåjhe di fé on mot special po ene famile avou des parints omesecsuels, on pout tot simplumint dire "famile avou des parints omosecsouwels".
Et si vormint ça dvént ene sacwè k' on ndè cåzreut tot l' tins, k' on nd åreut mezåjhe d' on mot speciå pol dire, et bén, ça vénreut bén tot seu (d' ayeurs, est çk' on n' dit nén ddja "pacsé"? djel a-st oyou do moens)

[djozewal]

Rén d' invanté, rén d' foutant !
Bouxheron : (XIIIe sieke) = sodomite
lètchérèsse : (XIIIe sieke) ( Chronique da St Denis : provièbe : "Ja feme lètcherèsse n'fra po espesse")