Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Dimande di coridjaedje d' on tecse e rfondou

 
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3035
Eplaeçmint: Sidi Smayil, Marok

MessaedjeDate: mie 05 dja, 2022 19:15:08    Sudjet: Dimande di coridjaedje d' on tecse e rfondou Responde tot citant

Citåcion:
Alban Leloup

Monsieur Mahin,

Permettez-moi de me présenter, je m’appelle Alban Leloup et c’est votre comparse José Schoovaerts qui m’a suggéré d’entrer en contact avec vous, suite à un message que je lui ai envoyé. Il se trouve que j’ai un projet de traduction en wallon unifié qui était censé aboutir pour Noël 2021, mais qu’il faudra reporter aux festivités de l’année prochaine. Je vais maintenant tenter de vous en expliquer la teneur en wallon (défaillant), du mieux que je pourrai...

Dji vorais bén sayî di remete e walon el prumire istwere dins l’ binde d' imådjes « Uncle Scrooge », k’ a stî scrite par Carl Barks e 1947 (« Noyé sol Mont Oûsse »), mins dji n’ so nén co foirt assez avou nosse lingaedje pou fai çoula tot seu... Adon, dji m’ dimandève si vos (o on ôte soçon motoit !) ploz m’ diner on ptit côp d’ min, pou coridjî m’ fayé walon ? Dj’ a dedja ratourné les cénk prumirès padjes. Dji pôreu ptete bén vs les moustrer, kécfeye ?


Amiståvmint,

Alban Leloup


C' est foirt bén insi, vosse walon.
Pont d' rujhe po rcoridjî, mi u èn ôte, u puzieurs rifondeus eshonne (ci sereut pus clapant). Dji voe Pablo Sarachaga dimwin, dji nnî è cåzrè. dji lyi endè cåzrè.
Oyi, vos m' ploz evoyî les prumirès pådjes.
Mins vos dvoz awè l' åjhmince (permission) do dessineu (moirt e 2000) u des mwaisses tinants des abondroets [détenteurs du copyright] si vos l' vloz eplaidî publicmint.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3035
Eplaeçmint: Sidi Smayil, Marok

MessaedjeDate: mie 05 dja, 2022 20:05:57    Sudjet: Responde tot citant

Citåcion:
Alban Leloup

Je repasse en français pour répondre plus rapidement et plus clairement à votre dernier point ; mais n'hésitez pas à continuer en wallon, je suis bien meilleur en version qu'en thème (c'est d'ailleurs à cela que sert ce projet, à m'exercer au thème !)

En fait, à ce stade-ci, je ne souhaite pas diffuser publiquement le résultat, car je ne pense pas pouvoir en obtenir le droit. Le projet n’est destiné qu’à un cercle privé. Cependant, en fonction de la qualité du produit final, je pourrais tenter de négocier quelque chose avec Disney France, chez qui j’ai déjà un pied, en tant que pigiste au Picsou Magazine... Les chances de succès sont faibles, mais qui ne tente rien n'a rien !

Ci-joint, un lien vers le dossier contenant mes premiers essais : https://mega.nz/folder/cxtn0SSC#Bbz0rdKGoNTWmvhEfxg0ZQ


iva. On frè insi.
Oyi, c' est l' honteus ki l' pied [= c' est celui qui a honte de demander une faveur qui est le perdant quand le demandeur l'obtient]
Eyet: on rfuzé n' est nén batou !
Dji n' a sepou lére les mikès (i s' fåt elodjî sol waibe, et dji n' î tén nén).

Citåcion:
A.L.
Gn a pont d' problinme, dji v' les evoye directumint, adon. Målureuzmint, dj' a stî oblidjî d' les rastroeti, oudon-bén èles serént trop "pezantes".

_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1017
Eplaeçmint: Oûpêye

MessaedjeDate: vén 07 dja, 2022 13:49:50    Sudjet: Responde tot citant

Bondjoû Alban!

Proficiate po vosse ratournaedje, c' est clapant.

Po rcoridjî on tecse, vos ploz eployî l' boton "coridjî" tot scrijhant on tecse so ç' forom ci.

Si vos eployîz Firefox, vos ploz eto cweri après "Walloon dictionnary" et l' astaler.

Après, i n' a nén co di coridjrece di croejhete (grammaire), ça i fåt todi fé al mwin.

metans dins l' 5inme plantche, i gn a "di tote m' vicåreye";
mins "...T M V..." ni s' pout nén prononcî åjheymint, ça sereut purade "di tote mi vicåreye" ou "di tote èm vicåreye" (come vos vloz; dj' a veyou dins l' prumire plantche vos eployîz "el djoû", adon ça sreut "èm vicåreye" dabôrd)

eto, avou l' årtike "on"; po les mots omrins ki cminçnut avou ene voyale, l' årtike si prononce del minme manire ki l' årtike femrin (dj' ô bén, il est diferin d' l' årtike omrin pa dvant cossoune).
Do côp, ça n' est nén "on oûsse"... vos avoz eployî "ene sacwè", do ça dvént "èn oûsse" (on spirou (omrin cossoune), èn oûsse (omrin voyale), ene sacwè (femrin))

Mins a pårt des ptitès tchictêyes insi, on voet bén ki c' est ene sakî ki cnoxhe bén l' walon k' a fwait les tecses, c' est plaijhi di l' l' lére.
Dji m' rafeye di vey li shûte.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Alban Leloup



Date d' arivêye: 2022-01-08
Messaedjes: 1
Eplaeçmint: Louvie-Juzon (Pirenêyes-Atlantikes)

MessaedjeDate: dim 09 dja, 2022 11:11:15    Sudjet: Responde tot citant

Bondjoû Pablo, et gråces bråmint des côps po les complumints ! Fåt tolminme dire li vraiy, dji n' so nén co foirt a m'-n åjhe cwand dji doe scrire e walon. Comprinde çki les ôtes dijhnut, c’ est åjhey assez, mins scrire minme ene pitite fråze tot seu, c’ est ene veritåve wadjeure !

Termetant, vocial ene djivêye di mots et ratourneures k’ aparexhnut pus lon dins l’ istwere e francès, mins ki dj’ n’ a nén seu trover dins les motîs walons...

*"Puzzle"
*"Fricassée de caviar"
*"Homard à l'armoricaine" => "homard a l' armorikinne" ?
*"Filet mignon"
*"Traces (de pas)" / "Empreintes" => biesmint "traeces" ?
*"Inspecter (une pièce)" (po esse seur k' i gn a nolu ddins)
*"Descente de lit"
Rivni al copete
Vey li profil di l' uzeu Evoyî on messaedje privé
lucyin



Date d' arivêye: 2005-07-07
Messaedjes: 3035
Eplaeçmint: Sidi Smayil, Marok

MessaedjeDate: vén 14 dja, 2022 23:49:36    Sudjet: Responde tot citant

Citåcion:
Alban, dins èn emile
Po les viebes, dj’ aveuri todi çou ki dj’ a scrît e-n eployant vosse codjowoe sol Toele. Cwand dji lyi a dmandé l’ codjowaedje do viebe « toumer », i m’ a diné « toume, toumes, toume, toumans, toumez, toumèt ~ toumnut » a l’ indicatif prezintrece… C’ est ene aroke dins l’ programe, dabôrd ?


Codjowoe: oyi, po sacwants målåjheys viebes, gn a des diferinces. Dji va vey avou Pablo. Mins 98 åcint des viebes sont bén come decidé (on a co des kesses et des messes toltins; c' est nén del pixhote di canari, di trover li rfondowe [forme normalisée] po sacwants mots. On doet waitî les motîs, li spårdaedje des cognes [répartition des formes], les rîles des rîlêyes [règle des séries], l'etimolodjeye, pacô.

*"Puzzle": soeye-t i "puze" (vî prononçaedje), soeye-t i puzel (prononçaedje d' asteure). Dj' inme ostant l' viye manire (puze); nén dins FO105.

*"Fricassée de caviar": fricassêye di caviår (caviår dins Rantoele 99, ratournaedje d' on tecse gåmès; nén dins FO105

*"Homard à l'armoricaine" => ptete "homard a l' armorikinne" ? Oyi: dji n' metreu pont di H a "homard" (omâr dins l' novea franwal d' Ite, FO105, 2021), mins li A est clairmint long => "omår a l' armorikinne

*"Filet mignon": ) => [muscles dans la région lombaire] => tinre rosti

*"Traces (de pas)" / "Empreintes" => biesmint "traeces" ? neni: gn a troes beas mots walons: passêye, rote et waye (E1 = trace, empreinte de pas (dans la boue, la
neige, etc.)

https://wa.wikipedia.org/wiki/Pass%C3%AAye_di_biesse

*"Inspecter (une pièce)" (po esse seur k' i gn a nolu ddins): carwaitî pattavå; waitî dins totes les coines, loukî dins totes les naxhes

*"Descente de lit" : carpete (dji vén d' aprinde çou k' c' est ene "descente de lit", mins dj' a todi yeu des carpetes dilé m' lét.)
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Berdelaedjes Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group