Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Bernard Louis

 
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 13 dec, 2019 21:03:09    Sudjet: Bernard Louis Responde tot citant

Prumêre coûsse pa Bernard Louis, li 28 di fèvri 1997.

M'a-t-i agnî, li vint d' fèvrî ?
Dji m'ènondeus su m' biciclète ;
Racovissî po m' garanti,
Dji splosseus lès deurs kulomètes.

Quand dj'a trèvautchî lès tchèrwès,
Lès rukes suwint à dikèdaye ;
On cwârbau voleut à ikèts,
Pèsant, come onk qui n' sét pus aye.

L'ignêre a v'nu kèkyî mès-oûys
Foû d'on feu qu'on lèyeut 'nn' aler ;
On moncia d' coches èt d' mwatès fouyes,
Aflachî, quausu tchaforné.

Èt dj'a gripé au-wôt dès tiènes ;
Dj'ètindeus chileter lès richots :
L'êwe bèroleut su lès racènes
Dès-ôrnias, ètur lès cladjots.

Su lès tîdjes, vèt' riglatichant,
Lès prés frumejint d'zos one frisse aîr ;
Vélà dj'a sintu m' coeûr tokant
Qui bacheut, èt r'divnu paujêre.

Adon dj' m'a lèyî tchaîr j'qu'à Moûse,
-Li vint ç' côp-ci èsteut di d'néye-
Èt dj'a vèyu l' coron di m' coûsse,
Tot tchôkant sins mau, ...à l'idéye.

Malâjîs mots : racovissî : pelotonné - splossî : égrener - à dikèdaye : en quantité - ôrnia : aulne - cladjot : roseau - su lès tîdjes : sur les hauteurs - ièsse di d'néye : être charitable - à l'idéye : idéalement.


Dins l' Coutcouloudjoû 131? (emile da Louwis Baidjot do 18 d' octôbe 2012)
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 14 dja, 2022 19:01:01    Sudjet: Responde tot citant

On drole di complumint

L’iviêr a tchwèsi l’ nêt dè l’ novèl an po nos-ayèssî comufaut. Dè l’ djaléye, à blame ! Li wârglas avau lès vôyes. Mâria Dèyi ! Lès quénès rûses po riv’nu d’èwou qu’ nos-avans sîzelé matènes (passé le réveillon) !
Aviè lès onze eûres, Raymond d’tchind au bolèdjî. Pate à pate, sésˊ, valèt ! Faureut nin qu’ ti toumereus po strumer (ètrenner) l’anéye.
Pad’vant l’ botique, li Frasîye d’èmon l’ Blanc. One coriante (coriace) cit’lale. Ѐlle aurè sès quatrè-vingts au fènaumwès (mois de juin), si djè l’ tin bin. Ѐl faut veûy roter pontieûsemint (avec mille précautions) avou s’ satchîye (sac rempli) dins sès brès.
— ’Djoû. ’L’a d’dja faît pus tchôd qu’on n’aleut nin bagnî.
— Non, ô vos qu’on n’ va nin d’meurer sins mougnî.
Frasîye aureut dandjî di s’ fé ostèyî. Si fèye li tane tofêr avou ça. Mins on-aparèy padrî s’-t-orèye, vèyoz, èlle in.me ostant pont. On-z-èst frikète (coquette), là, one saquî.
Raymond a s’ song qui c’mince à boûre.
—Nom d’ tot-oute ! Todi l’ min.me djeu avou l’ vîye caramèl, qu’èle mi faît mau causer. Stornéye come one bwache.
— Dji veu qu’ vos-orèyes sont-st-èdjaléyes.
— Comint d’djoz ?
— Dji di : vos-orèyes sont-st-èdjaléyes.
— Mèrci m’ fi. Ѐt vos parèlièmint.

Bernard Louis
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group