Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Jean-Pierre Vervier

 
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 14 dja, 2022 19:19:08    Sudjet: Jean-Pierre Vervier Responde tot citant

Rovyî

Rovyî
I fåt sayî do rovyî
Les sovnances nos fjhèt divni trop vite vîs
Nos fjhèt todi disbåtchîs ( ?)

Rovyî
I fåt tchoezi do rovyî
Les femes, les mehins, les låmes les displits
Et ça s’ ritoûne e tcheri (?)

Dj’ a seré mi ridant ås sovnances.
Pierdou l’ clé, ou awè, n’ a dj’ fwait k’ les cwanses.
Rovyî
C’ est dimwin k’ i fåt loukî
Ir, c’ est on bolet k’ on saetche a ses pîs.
Ki nos vôreut restårdjî

Rovyî !
Davance, ci n’ esteut nén mi
Les sovnis sont tchesteas ås lon-payis
D’ ene djonnesse k’ on vout ratni.

Dj’ a seré mi ridant ås sovnances.
Pierdou l’ clé, ou awè, n’ a dj’ fwait k’ les cwanses.

Rovyî
Les ceps ki dj’ a-st astoké (astohî)
Rametous so m’ voye pa mes sonks kixhiyîs (?)
Portant ki m’ voeyént voltî

Rovyî
Tot çou k’ vos m’ avîz-st apris
Bôrer m’ tiesse, båjhî m’ cane (?) et vs dire merci.
Ou dj’ a-st apris a hagnî

Dj’ a seré mi ridant ås sovnances.
Pierdou l’ clé, ou awè, n’ a dj’ fwait k’ les cwanses.

Jean-Pierre Vervier

divins l' plake "Sins antchous", 2009

Rimetou e rfondou walon po les scoles di Bive, 5 d' octôbe 2010

Mwaisse modêye :
Roûvî

Roûvî
I fåt sayî dè roûvî
Lès sov'nances nos fèt div'ni trop vite vî
Nos fèt dès vizèdjes pleûtîs

Roûvî
I fåt tchûzi dè roûvî
Lès ponnes, lès mèhins, lès låmes, lès displits
Èt sins s' ritoûrner, tchèrî

Dj'a sèré mi ridant ås sov'nances
Pièrdou l' clé
Ou ènn'a-dj' fê qu' lès cwanses?

Roûvî
C'èst dimin qui fåt loukî
Îr c'èst-st-on boulèt qu'on sètche a sès pîds
Qui nos vôreût rastårdji

Roûvî
D'avance ci n'èsteût nin mîs
Lès sov'nis sont tchèstês ås lons payîs
Djônèsse qu'on såye dè rat'ni

Roûvî
Lès cèp’ qui dj'a st-ascohî
Hames mètous so m' vôye par dès cis qui d'hît
Portant qu’i m' vèyî vol’tî

Roûvî
Tot çou qu' vos m'avîz-st-apris
Bahî m' tièsse, bodjî m' canote, dîre mèrci
Oûy dj'a-st-apris a hagnî
Dj'a sèré mi ridant ås sov'nances
Pièrdou l' clé
Ou ènn'a dj' fê qu' lès cwanses?
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 14 dja, 2022 19:21:16    Sudjet: Responde tot citant

Tot fêt farène a m' molin

Dispôy qui dj' so reûd gamin
Tot fêt farène a m' molin:
Breune, blankète, neûre come gayète;
Dj' a minme sov'nance d' ine rossète,
Tote plinte di tètches di laton
Et qui r'magnîve sès nopions:
Tot fêt farène a m’ molin.

Dj'a håbité dès bigotes
Qu' avît l' diâle divins leûs cotes;
Dès qui bodjèt leûs fås dints
Mins qui hagnèt pé qu’ dès tchins;
Dj’ a-st-ossi hanté 'ne luskète
Qu' aveût-st-in-oûy so Mérmwète:
Tot fêt farène a m’ molin

Cisses qui brokèt so l’ amwèce
Et qui v' lèyèt la sins fwèce;
Lès cwate-pèces qui fèt li streûte
Lès radoblêyes qu'ont l' blanc feûte;
Cisses qu'on s' dit k’ c’ èst l' côp ås djaeyes
Mins qui v' fèt payî l' intrêye:
Tot fêt farène m’ molin.

Lès qui wåkèt sinte Catrène
Et qui v' fèt pwèrter des cwènes;
Cisses qui rotèt-st-è hîfèsse
Ou lès deûs djambes èl minme fesse;
Lès totes souwêyes come dès catches
Lès poyowes avou 'ne mustatche:
Tot fêt farène a m’ molin

On bê djoû, dji m' a mètou-st-al cole
Avou ine Espagnole
Qui voléve qui dj' fêsse li torê
- o-ho o !-
So l' timps qu' ley brèyève : "o l’ lêd, o l’ lêd "
Dji m’ a d'vou såver å pus-abèye
Èle mi voléve côper li cowe et lès-orèyes.
Mès-orèyes,
Dj’ ènn' a dandjî po hoûter lès paskêyes.

Dj a trossî des fas d' ohês
Ossi cwahants qu' dès tèstês;
Lès grandes qui cakèt des gngnos
Mi mètet cou d'zeû cou d'zo;
Eune qui djowéve dèl trompete
M'èwalpéve di ses bouflètes:
Tot fêt farène a m' molin.

Lès-èdwèrmowes, lès cånôyes,
Lès nawes, lès lôyeminôyes;
Cisses qu’ ont-st-apris a ovrer
So 'ne machine a balziner,
Qui s' fèt nåhèyes a båyî,
Qui n' polèt lever leûs pîs:
Tot fêt farène a m' molin.

Lès totes fîres di leû stoumac',
Cisses qui n' ont qui leûs nicnaks;
Lès fahêyes so on tonê
Qu' ènnè vont-st-a cou bêbê;
Les moussêyes a trôs a trawes
Avou on minton gawgaw:
Tot fêt farène a m’ molin.

Totes cisses qui l' vûde, è leû tièsse,
Rimplih lès treûs cwårts dèl plèce;
Lès qu'a si télmint ploû d’sus
Qu'on vint avou s' paraplu;
Dj' a minme rescontré 'ne sûtèye,
A d' çoula des razannêyes:
Tot fêt farène a m' molin.

--------------
Jean-Pierre Vervier
http://wa.wikipedia.org/wiki/J.P._Vervier
Plake "foû voye" l° 7
riscrîte e rfondou pol Rantoele 62 (esté 2012)
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 14 dja, 2022 19:21:51    Sudjet: Responde tot citant

Li rôbaleû

Dj'a k'hirî m' salopète dj'ènn'årè pus dandjî
Dj'a tapé ås riquètes mès-ustèyes l'ôte londi
Èt dimin al vèsprêye dji m'ènn'îrè tot fî seû
Po fé l' rôbaleû

Dji lêrè mi-ouh å lådje po lès tchins dè quårtî
A dès léts, dès cofteûs s'i n' savèt wice lodjî
Dj'årè lès bwès, lès wêdes, lès tchamps èt l' cîr come teût
Come lès rôbaleûs

M'èdwèrmi to hoûtant lès rèspleûs
Qu'on råskignoû tchante di s' pus reû
Por mi l' rôbaleû

Dji n' vou pus dîre Diè-wåde a tos cis qu'ènn'alèt
Oûy si dji di Diè-wåde c'è-st-ås cis qui d'monèt
Dji troûv'rè çou qui s' catche di l'ôte dè costé dè mureû
Por mi l' rôbaleû

Dj'a tchûzi dè viker m' vèye al plèce dèl wangnî
Ci n' sèrè nin åhêye di lèyî tot po-drî mi
Èt di n' pus èsse so cisse tére rin d'ôte qu'on pôrmineû
Div'nou rôbaleû

Èt al nut' åtoû d'on feû so l' muzique qui dj'a-st-èle tièsse
Dji danse tot seû

Dj'a k'hirî m' salopète dj'ènn'årè pus dandjî
Dji n' lé pus nole gazète èle ni fèt qui d' minti
Dji n' vou pus èsse so cisse tére rin d'ôte qu'on pôrmineû
Rin qu'on rôbaleû
--------------------------------------------------------------------------------------------
Diè-wåde
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group