Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Motlî po les tchesteas (po ratourner Miket)

 
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 02 fev, 2022 19:17:10    Sudjet: Motlî po les tchesteas (po ratourner Miket) Responde tot citant

Citåcion:
Alban

Bondjoû Lucyin !

Sacwantès ptitès idêyes k’ i m’ ont vnou sol tins ki dj’ finixheu d’ bouter so « Noyé sol Mont ås Oûsses » (et ki dji kmincive ene deujhinme istwère avou les minmes boulomes, « Li Scret do Vî Tchestea ») :

1) Dji m’ a siervou do mot « villa » sacwants côps po dezigner l’ måjhon da Djeremeye, mins ça n’ est nén totafwait djusse. Li mot eployî dins l’ tecse oridjinå inglès, c’ est mansion (« manoir » e françès), mins dji n’ a rén trové dins l’ DTW, målawureuzmint. On pôreut ptete eployî l’ mot walon « dimanance », pusk’ il a l’ minme etymolodjeye ki « manoir » (latén : manere) ? Cwè ndè pinsoz ?


Oyi, mins dimanance = dimorance : por mi, tolinme kéne plaece la k' on dmeure. Dji rsintéve on "manoir" come on tchestea (nén del Mîtrinne Ådje, mins des ritches do 19inme 20inme sieke) ? por mi, "villa" (avou 2 L pask' i gn a bén ene djermalance sol L) va bén avou çou k' est dessiné p. 3, im. 4. Ci n' est nén on tchestea, veyanmint k' i gn a nol astaedje !
On pôreut mete ossu: dimorance / dimanance di vacances / di campagne; måjhon d' campagne / d' montagne / montinne... Vos avoz del tchuze !!!

Citåcion:

2) Veyanmint k’ nos avans ddja l’ mot "fî" = « fief », n’ pôréns nos nén creyer èn addjectif avou l’ cawète -rece ? Nos åréns "fivrece" po « féodal », et putete minme "fivreceté" po « féodalité » ?


boune idêye di sayî del parintêye pol mot "fî". Dj' aveu ddja fwait "fivî" tot rwalnijhant lino d' famile "Fievez" dins l' sinse di "ome do minme payis" fr = compatriote
https://wa.wiktionary.org/wiki/fiv%C3%AE
mins, po nd aler pus lon, gn a l' rujhe do mot "five" [fièvre] ki va awè l' minme bodje. E l' noûmotyince, on n' voet nén çoula voltî. Dj' eploye dedja "fivlote" po "pitite five" (fr. fébricule). Gn a ossu :

fivlete / fivlote
fivrer, fivreus, fivreuzmint

Insi dji comprindreu fivrece come "fébrile"; "fivreçté" comme "fébrilité".
S' i on n' trouve nén mî, on pout calker l' francès insi: li sistinme feyodå (= feyodålté).


Citåcion:

3) Gn a ene pådje wice ki l’ mot « échauguette » aparexhe dins l’ rashidaedje e francès. Dji m’ dimande s’ i gn a on mot walon po çoula. I dvreut tolminme end egzister onk, pusk' i gn a des tchesteas timpesse el Walonrêye, dowô ? En fwait, dji sayreu bén d’ compôzer on ptit motlî d’ årtchitecteure tchestrinne e walon... (Pol moumint, gn a nén grand tchoi a mete didins : basse-coû, contruskerpe, corotes, craeyes [dins les meurs], dondjon, ecinte, eskerpe, håjhe, poite, pont rlevrece, tchestea, tcheslet, tour, tourete.)


Ouxh ti ! "échauguette", c' est l' minme tcherpinte ki l' walon "scarwaitî" => scarwaitrece. La on vént d' wangnî l' gros lot !!!!!!!

Gn a ene dijhinne di motlîs d' årtchitecteure del Walonreye e walon. Mins po les tchesteas d' disfinse, nonna: ci motlî la n' s' a nén transmetou, ca l' walon n' a stî scrît k' APRèS l' tins des tchesteas feyodås (1î motî e 1792).

Po tos les motlîs d' årtchitecteure, ricweroz "Architecture rurale de Wallonie" dins l' djivêye:
https://lucyin.walon.org/diccionairaedje/djiveye400.html

Gn a eto: les airtchires divnowes des calonires. Å tchestea d' Bouyon, gn a des tripès airtchires. Sabaye kimint k' les airtchîs s' î metént.

Dj' a fwait cåve roveyrece po fr. oubliette.


Citåcion:
Come on-z a dit !


Oyi, disca l' pitite dicåce.
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li dim 09 oct, 2022 22:46:17; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 02 fev, 2022 20:54:40    Sudjet: Responde tot citant

Po "échauguette":
Espagnol : garita
Galicien : garita (gl) féminin
Italien : garritta (it)
Portugais : guarita (pt) féminin

+

catalan: garita (po les guerites di sôdård)

tos ces mots la vnèt do vî lingaedje d' oyi "garite", lu-minme do francike.

=> guerite
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Alban Leloup



Date d' arivêye: 2022-01-08
Messaedjes: 26
Eplaeçmint: Louvie-Juzon (Pirenêyes-Atlantikes)

MessaedjeDate: sem 05 fev, 2022 11:52:19    Sudjet: Responde tot citant

lucyin scrijha:
mins, po nd aler pus lon, gn a l' rujhe do mot "five" [fièvre] ki va awè l' minme bodje. E l' noûmotyince, on n' voet nén çoula voltî. Dj' eploye dedja "fivlote" po "pitite five" (fr. fébricule). Gn a ossu :

fivlete / fivlote
fivrer, fivreus, fivreuzmint

Insi dji comprindreu fivrece come "fébrile"; "fivreçté" comme "fébrilité".
S' i on n' trouve nén mî, on pout calker l' francès insi: li sistinme feyodå (= feyodålté).


Awè, bén seur... On n' pout nén candjî l' bodje, målureuzmint. Dji m' va tolminme fé ene ôte propôzucion : cwè pinsez di « fivrin » (sol piceure di « bovrin ») et « fivrinnté » (sol piceure di « sovrinnté ») ?
Rivni al copete
Vey li profil di l' uzeu Evoyî on messaedje privé
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group