Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Algorithme

 
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots
Vey sudjet di dvant :: Vey sudjet shuvant  
Oteur Messaedje
Gaytan



Date d' arivêye: 2009-11-14
Messaedjes: 46
Eplaeçmint: Batice (Payis d' Heve)

MessaedjeDate: sem 08 may, 2010 18:02:33    Sudjet: Algorithme Responde tot citant

Bondjoû Lucyin,

dji cwir li mot algorithme e walon. Dj' a trové deus loyéns so Wiki.
On loyén po algorite : http://wa.wikipedia.org/w/index.php?title=Sipeci%C3%A5s%3ARecherche&search=algorite&go=Potch%C3%AE
On loyén po algorisse : http://wa.wikipedia.org/wiki/Algorisse . Mins po algorisse c'est come si on aveut pris l' årtike e francès et ratourné e walon sacwantès mots dins tchaeke fråze. Ké mot prinde algorite ou algorisse?
_________________
Gaytan
Rivni al copete
Vey li profil di l' uzeu Evoyî on messaedje privé Evoyî èn emile
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: vén 04 djn, 2010 15:26:53    Sudjet: Responde tot citant

bondjoû.

"algorite" ça sreut l' walonijhaedje modiene a pårti do mot français "algorithme", avou candjmint [-itm] viè [-it]

"algorisse" ça sreut on walonijhaedje pus vî; Djozé aveut dit k' il aveut veyou ç' mot la dins on vî tecse.

I gn a sovint on balzinaedje dins les simplifiaedjes des trokes di cossounes; avou pa côps des dobletes di mots, come *tierne > tiene/tier, *sôrte > sôre/sôte.

Li mot lu-minme vént d' on nom prôpe, li ci d' Mohamed al-Xhwârizmi (Mohamed li ci d' Xhwârezm, on no d' plaece e l' Iran).
li son xh+w estant surmint foirt mǎlǎjhey po les laténs, il a divnou "g", li â iranyin i shonne k' i soeye sovint cloyou, come li "å" walon (come dins Hayat-allah k' est prononcî hayatolla, ou co hizb-allah pronocî hezbolla); et pol "z" il esteut motoit åzès orayes des uropeyins d' adon pus près do son "s" ki do son k' i scrijhènt avou l' lete "z" (ki dveut esse adon pus près d' on /ts/, come en almand d' enute).
ça fwait ki "al-Xhwârizmi" (الخوارزمي) divna e latén ene sacwè come "algorismus".

Li transcrijhaedje avou "th" a motoit stî fwait po fé "pus sincieus" (la ki c' est do grek), ou motoit pa d' ôtès djins, a pårti do grek.
Mins, si asteure on prononce, dins les lingaedjes romans, ci /th/ la come /t/ (eyet l' sicrire inla dins sacwants di zels), a l' oridjene c' est on son bén pus près d' on /z/.

Tot ça po dire ki, des mots avou "s" (algorisme) eyet avou "th" (algorithme) ont egzisté, dins des lingaedjes k' i gn a end a co les deus (avou des sinses ene miete diferins.

On walonijhaedje avou /s/ sereut pus "otintike" (co pus si l' mot a po do bon stî eployî, dins l' tins); et onk avou /t/ est pus spontané, a pårti do francès.

PS: dj' a disfacé l' årtike so wikipedia, i n' est nén scrît e walon! ni dins nou lingaedje k' egzistreut po do bon.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
djozewal



Date d' arivêye: 2005-07-01
Messaedjes: 307
Eplaeçmint: bagué !

MessaedjeDate: vén 04 djn, 2010 15:45:29    Sudjet: Responde tot citant

"Estre chifre en algorisme" = n' ièsse ki rén, awè l' valeû di zèro.
(1220) d' après Al-Korismi, l' carculeû.

Dji l' avéve rèscontré ôte pau, mins dj' a roviyî èwou...
Algorisse èst por mi/nos l' pus djusse.

Mins volà, c' n' èst k' por mi...
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 09 nôv, 2010 21:31:25    Sudjet: Responde tot citant

Pablo Saratxaga scrijha:


PS: dj' a disfacé l' årtike so wikipedia, i n' est nén scrît e walon! ni dins nou lingaedje k' egzistreut po do bon.


Dji l' a rataké, sins grande apriyesse avou ç' dominne la.

http://wa.wikipedia.org/wiki/Algorisse

ey eto

http://wa.wikipedia.org/wiki/Algorite

(co ene dobe rifondowe !!!!)
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Reptilien



Date d' arivêye: 2017-07-01
Messaedjes: 263

MessaedjeDate: mie 13 avr, 2022 10:52:29    Sudjet: Responde tot citant

On preut minme aler pus long s' i fåreut shure les vî vî tecses, et dire/scrire ågorisse (algorisse), et minme ôgosisse s' on shureut l' minme voye ki ''alter'' > ôte, del minme manire k' on preut dire ådjebe (aldjebe), etch. Mins la, come c' est on mot arabe, on shut l' francès et prinde AL-. Dji trove ça damadje.

Po ls acertinances avou AU-, on trove
Citåcion:
Or ai tant fait par augorime
Que cifre ai fait de moi meisme
(Gautier de Coinci, ca. 1200)

Citåcion:
Quatre parties sont d’augorisme, assembler, abattre, dividier, multeplier.

Citåcion:
Arismetique est science de getter et compter par le nombre de augorisme et autre nombre commun.
(Eustache Deschamps, L’Art de dictier, 1392)


Candjî pol dierin côp pa Reptilien, li sem 07 may, 2022 10:47:50; candjî 2 feyes
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 07 may, 2022 0:27:12    Sudjet: Responde tot citant

Dji voe k' tos les lingaedjes wårdèt l' årtike arabe etimolodjike al- a l' atake. => nén ndaler pus lon, mi shonne-t i.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Reptilien



Date d' arivêye: 2017-07-01
Messaedjes: 263

MessaedjeDate: sem 07 may, 2022 11:21:12    Sudjet: Responde tot citant

lucyin scrijha:
Dji voe k' tos les lingaedjes wårdèt l' årtike arabe etimolodjike al- a l' atake. => nén ndaler pus lon, mi shonne-t i.


Nén po tos les mots : åbricot, årmonak. I nd a surmint ds ôtes.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group