Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Dimitri François
Potchî al pådje Di dvant  1, 2
 
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 04 dja, 2022 23:14:36    Sudjet: Responde tot citant

Djan d'Roumont , tchèsseû d'jâles à Sint yubert.

Tortos conuche lu floriconte (légende) du Sint Yubert è ko ku cè s't'on waerantîi po l'radje è lè dins.
Dins lè r'layadjes du l'istwère on côse todi du Plectrude, dè abés, du Yubert, du Don Spirlè è dè aradjis .
Mè, l'istwère do bourg è conuchi dè ontes floriconte don on nu côse wère !!
A vla ti one .
Dins totes lè èglijes è lè abayes, i gn'avév' on pitite plèce po sognè lè djins k'on djé avou l'djale dins l'cwar . On djé coula avou râjhon ou nin , mè pa dè kons, lè djins astin di macrea (sorcière ) jusse pa djalousie ou pa lè malignans.
Padzo lè abés Balla è De Masbourg, Djan d'Roumont asté on tchèsseu d'jale .
Il asté fwart inmé parè ti è succès vèné du sè pryires, du sè djous sin mougnè è du s'fwè.
Djan , n'avé pu k'on brè (lu drwè) po fé sè cayès pasku l'gôtche asté paralisè .
Comint li, gran sierveu do bon dju, avé pu aveur one paralysie ??
On no di k'il è oyu coula en 1606 , aprè aveur tchèssè lè djales Léviathan è Belzebuthe è Astaroth, padfu l'cwar d'one djonne feye d'on vintin.ne d'aneyes.
On di co k'il è boutè treû mwès ô lon , po z'i arivè .
On no di co todi , ku mwès, lè treûs djales l'en atrapè, è l'en misdrouyè , lu lèchan là po mwar.
Lu bon dju lè sôvè , mè dins l'istwère , il è piedu su bès gôtche .
Il è kan minme moru en 1619 à Sancy.(udange) .
Mè vola èsse vrè cu k'on di ?, bah on di ku cè vè !!

(d'après lè scridjades du André Neuberg din Wintergrün)
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li dim 01 may, 2022 15:46:48; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mie 05 dja, 2022 19:26:44    Sudjet: Responde tot citant

Floriconte do tchvô do Maieûr Casin du Bertrix (mwaisse sicrijhaedje)


Lu maieûr du Bertrix, lu pére Casin, avé lu tchvô qu'asté lu pu malin do cwin. S'asté s'trésor è i n'l'oré nin dné, minme po dè pîces d'or.

Lu maieûr asté tchèsseû. Il alé à l'tchèsse su.. su tchvô. Pa dè kons, avou lè calembedaines dol tchèsse , i dvé layi su tchvô in plan dins l'bwès .

Po n'nin piète lu cyinr, lu tchevreu,u bin l'singlé porsu pa lè tchins, il è d'n'alé à pîd po trouvu lu biesse catchée dins lè coches.

Lu tchvô, passé s'timps en mougnant lè iabes.

A l'fin dol batue, i schouflé on kon, lu tchvô choûté è vné r'trouvu s'maîsse .

Cès pajhire momints ont tchangé kan lu révolution francèse è kumincè. Lè djonnes sondars dol france en v'nu in ardène .

In bè djou, on topè d'sondars, avou à s'tièsse, on djènèra pwartant in bicorne, intra dins Bertrix.I d'mandève lu maieûr.

A c'momint là, Casin asté vîi, sètche è dreu. Lu djènèra volé absolumint dè tchèretes du four è do strin.

Fidèle à l'ideye autrichienne, Casin su r'dresso è dit : « lè fours astant dins lè cina (traveûres) è lè strins dins lè grègnes. Vo a vlé, alè lè ki vo minme. Mi, mu fonccion, m'apèdge du fé su sonrte d'ovraedje.

« Cè fwart bin « disti lu djènèra « Dju va sûre tè consiaedjes. Dju kumincrè pa m'siervu a ta maujon . Alant i . »

Casin bacha l'tièsse è moenna lu troupe dins sè stôles. Lè sondards prinrent to. Lu djènèra, lu, fèjo l'tour dol bâtisse è vè lu tchvô do maieûr . « on zè ossu dandji du cu tchvô là, dju ruprins avou « disti.

Cè môtîi do djènèra compant to don plin kon, lu schoffla du Casin. Cè hapeû (voleurs ) plin to prinre, mè nin su tchvô. One pitite lame vint s'mète ô kwin dè s'ouye.

To d'on kon, vla-ti ki s'rudrèsse è toûne lu tièsse po veye k'on sondard saye di mète li tchvô padrî on tchèrète.

Kwan cè sondards en oyu fini di to rapôchnè (ramasser), i s'leya cheûre din s'vîi fôteû .Veyant k'il asté fwart malureux, sè deux p'tit-fi du doze è quinze, li dèjan k'ils alins sure lu tropè è sayi del z'y ruprinre lu tchvô.

Lu maieûr voluz'en'n'alè avou zè. I n'asté nin fyôteû mè vlé co dire arveye on dèrin kon à su tchvô.

Lu troupe è n'alé din l'sens di Offagne. Lu maieûr sujé lè sondards, su catchant du hayes in hayes.

Lu troupe n'alé nin tro râde , pasku lè tchôrs astint bin tcherdjés è i ronlin din dè voyes plin d'bonche .Lu djènèra, lu, avou kéké atchvaleus asté, bin sur, voye, bin padvan lè ontes .

To l'monde aresta à Assenois, po moussè din on cafè (cabaret) è y beûre.

Veyant l'nutîie v'nu, lè p'tits fî en sti dustèlè lu tchvô fu dol tchèrète. Casin ruwèteuve to coulà d'ô lon, vu s'âdje.

To d'on kon, on kon d'coffla su fi ètinde ô mitant du non pôrt . Lu tchvô, li, atindant lu schofla, su mi à pètè ô djale è rucouru po r'trouvu su maîsse .

Lu maieûr monta d'su, z'arala juska sa maujon avu. I fi sè bagadje, fi sè adiès a s'famil è z'en'ala juska Cologne po z'y viké è y moru.

LU MORALE, no di ku on home, voci, Casin, è mî inmè to leyi teumè, su famile, su mestî, su ardjin è to l'rès', k'il è minme pètè à djale vikè din o onte pays, jusse po ôdu su bin lu pu mapmé por li, SU TCHVÔ.

(d'après lu scridjadje du G.Laport)

Citåcion:
Lucyin

ça c' est vormint istorike. On l' metrè motoit avou l' ôte. ça a ossu l' avantaedje di mostrer ene situwåcion ki bråmint des Walons n' kinoxhèt nén: les innmis, c' est les Francès; nosse payis, c' est l' Walonreye et l' Flande, et l' Almagne et l' Otriche et l' Hongreye.

_________________
Li ci ki n' a k' on toû n' vike k' on djoû.


Candjî pol dierin côp pa lucyin, li mie 13 mås, 2024 4:59:21; candjî 4 feyes
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: lon 23 may, 2022 15:08:24    Sudjet: Responde tot citant

FIESSE Ô WALONS LINGAEDJES
les AU sont fé pa ô) Sèmdi 14 di maye , 5H30 , come to lè djous , dji m'lève .
Ma in c'djou ci , dji n'mi lève nin po boûter à m'n'ovradje , ké neni . Djè volu prinde on djou d'condji, mi rapwaser on djou è fé one pitite escurcion.
Dji m'va al Fiesse ô walons lingaedjes à Môtche !!
Après aveûr tcherdjé lè bwasses avou lè lives a mète sol tôle di l'asociacion dol rantoele, dji beû treû cafè , pu dji m'mè in voyadje po 40 km.
A m'n'avnowe , dju duschin do l'vwèture è stin mè boyès. Fô ti co distcherger lè bwasses di lives avant di r'beûre on cafè , sinon ,bernike , pu ponj d'coradje .
Dju tape mè ouyes à l'ère , è kwè s'ku dju vè ô lon ?? Mu soçon Djan-luc , vo savé , l'ci ki fé to po sôvè lu Gomè.
Dji m'va li di bondjou (co 5 minutes di gangnée avan di distcherger ) è no côsan ason.ne co ci coula avé fé dije aneyes kon s'avé nin veyou .
Po fini , no rintrant no bwasse è no astan ascoyî par Djoel ki no mostère no tôle po mète no lives . Ké boneûr di r'trovu on pareye umin.ne tchaleur !!
A to momint, intrév' one saki , ome ou feume , ossu avou dè bwasses di lives . Estan naxhieus (curieux) , dj'alé dire bondjou è surtout veye po saveûr du ké kwin , i vnin è surtout cu ki z'avint come lives.
Bramint du cè djins là , on lè aveû nin ko veyou u bin rarmint !! MA cu ki m'a fé lu pu plèji, cè d'enfin rascontrè dè djins avou ki dju n'avo , seûlmint oyou atôtchîmint ki pa telefone u bin emiel . Enfin on plé ason.ne , mète on visadje so on no !! coula asti avou Djoelle u bin Djake , è co avou Omar è co d'z'ontes bin chûr .
Li matineye asté fwart pôjhire car i gnavé nolu .I gnè u on conférence , ma dji ni è nin stî , peû du mi adwarmu !!
Dol vesprée , coula è boudjè on pon d'pu avou dè djins ki poassint veye .
I gn'avé ossu on concours po gostè dè vôtions .4 feûmes astin là po mostré leû ricète !!Mmmmm ku c'asté bon po m'pitit vinte.
Après 4h dol vespré , i gnè oyu on spetak di marionètes , è là dj'asté ô andjes puskè cè m'dada .
Lu vinte du lives nè nin stî fwart bin , è no n'avan nin stî ritche avou coula , mè esku cè l'vreye ritchesse ??
Por mi, lu vreye ritchesse è du polu s'ritrovu ason.ne po fé lu fiesse è pôrti no lives , to en mètant in avan , nosse lingaedje do kwin.
Bramint dè gran waloneus n'astint nin là è mankin a bramint , come Lucyin, Djan, etc.. Ma on r'mètrè coula pol l'kon d'aprè .
Lu pu grande ritchesse por mi , cè du s'leûmè Walon, Picard , Gomè, Ch'ti ,Lidjeû, Namurwès, Borin, Champenois, Arelerler, u bin co d'zontes, Ma du fé parteye du l'minme grande famile ,
LU TOTE BELE FAMILE DE WALONEUS !!
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: lon 20 nôv, 2023 20:21:39    Sudjet: Responde tot citant

Floriconte do tchvô do Maieûr Casin du Bertrix

Lu tchvå do mayeûr Cazin d’ Bertrès (Feller)

Lu mayeûr du Bertrès, lu pére Cazin, avét lu tchvå qu'astét lu pus malin do payis. Ç'astét s' trézôr èt i n' l'årét nin co dné po des pîces d'ôr.

Lu mayeûr astét tchèsseû. Il alét à l' tchesse su su tchvå. Pa des conps, avou les atumances dol tchesse, i dvét layî su tchvå an plan dins l' bwès. Ca, po n' nin piède lu cyinr, lu tchèvreu, ûbin l' singlé porsût pa les tchins, il ènn' alét à pîd po trouvu lu biesse catchée dins les coches.

Lu tchvå, passét s' timps an mougnant lès yabes.

A l' fin dol batûe, i shoflét on côp. Lu tchvå, qui choûtét, quand il oyét l’ shoflaedje, i vnét rtrouvu s' maîsse.

Ces pâjîres momints là ont tchandjé quand lu rèvolucion francesse è cumincè. Èt, an 1795, les sondârs dol France ant vnu an-n Ârdène.

In bê djoû, on topet d' sondars, avou à s' tiesse on djènèrå pwartant in bicwane, intra dins Bertrès. Çu-t-ci dmandéve lu mayeûr.

A ç' momint là, Cazin astét ddja vî, sètch èt dreût. Lu djènèrå volét du tote fwace des tchèretes, du foûr èt do strin.

Fidèle à l'idêye otrichyinne, Cazin su rdressot èt i lzî djit : « Les foûrs astant so les cinas (qu’ à Bertrès, on dit les traveûres), èt les strins sont dins les grègnes. Vos a vléz ? Alèz les kî vos-minmes. Mi, mu fonccion m'aspêtche du fé çu sonrte d'ovraedje la. »
« C’est fwart bin, dit-st i lu djènèrå, dju va sûre tes consiaedjes. Dju kuminçrè pa m' sièrvu a ta maujon. Alans î. »

Cazin bacha l' tiesse èt moenna lu troupe dins ses ståles. Les sondârds prindint tot. Lu djènèrå, lu, fèjot l' toûr dol bâtisse èt la k’ i vèt lu tchvå do mayeûr.

« On-z est ossu dandjî du çu tchvå là. Dju l’ ruprins avou ! » dit-st i.

An-z oyant ces mots là do djènèrå, Cazin oyit lu shofla conpé tot d’on plin conp. One pitite lâme vinit s' mète al cwane dè su oûy. Ces hapeûs là plint tot prinre, mès nin su tchvå.
Tot d'on conp, vo l’ la qu’ i s' rudrèsse èt toûne lu tiesse po vey qu'on sondâr sayét di mète lu tchvå padrî one tchèrète.

Qwand ces sondards la ant oyu fini du tot rapåchnè, Cazin s' leya cheûre din s' vî fåteû. Veyant qu'il astét fwart malureûs, ses deûs p'tits-fis du doze èt quinze ans, lî dèjant k'il alint sûre lu trope èt sayî d’elzî ruprinre lu tchvå.

Lu mayeûr volut-z enn' alè avou zès. I n'astét nin fiôteû mès i vlét co dire arvey on dèrin conp à su tchvå.

Lu troupe è nn' alè après Ofagne. Lu maieûr sûjét les sondârs, su catchant padrî les hâyes.

Lu trope n'alét nin trop râde, pasku les tchårs astint bin tcherdjès èt i ronlint dins des voyes plinnes du bonje. Bin sûr, lu djènèrå, lu, avou kékes atchvaleûs, astét voye bin padvant les ontes.

Tot l' monde aresta å Asnès, po moussè dins on cabaret èt î beûre.

Veyant l' nutîe vnûye, les ptits-fis ant stî dustèlè lu tchvå fû dol tchèrète. Casin ruwêteûve tot çoulà d'å lon, vèyanmint su âdje.

Tot d'on conp, on oyit on conp d' shofla qui vnét come du none pårt. Lu tchvå, li, atindant lu shofla, su mètit à pètè å djâle èt racouru po rtrouvu su maîsse.

Lu mayeûr monta dsu, èt-z arala jusqu’à su maujon avu. I fjit ses bagadjes, dijit adiè a s' famile èt-z ènn' ala jusqu’à Cologne po-z î vikè l’ restant du s’ vîe èt-z î moru.

Lu morale nos dit quu on ome, voci Cazin, è mî inmè tot lèyî teumè : su famile, su mestî, su ârdjint èt tot l' resse, et minme pètè à djâle vikè dins on onte payis, jusse po årdu su bin lu pus mamé por li, su tchvå.

(d'après lu scrijaedje du G. Laport)

rapåchnè : ramasser ; fiôteû : ?
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: lon 20 nôv, 2023 21:50:41    Sudjet: Responde tot citant

LU MWART DO BOKION.

I.1. CAFE (pa and’din et do jour)

È lu kminc'mint dol sisse.Y gnè bramint des djins ô cafè du Houdemont. On beu, on rie. Lu patron è bin do mâ po siervu les ovrîis dol briqu'trie d'à costè et les forestîis seulant.

Champenois inture. On lègîi chuchotmint fé lu tour do cafè. On cose moins fwar.

Champenois va ô kontwar, sin rwètu nolu.

CHAMPENOIS : Bondjou Firmin

FIRMIN : bondjou. Cumint es c'qui va, l' roger ?

CHAMPENOIS : Ca va, ca va... Coula irè mi si djavé des novèles du m' fème.

FIRMIN : Ben, el nu tu scrîi nin ?

CHAMPENOIS : Siè, siè, mais...

A l' taule, deux beveus su fjant on clin d'ouye k’ on vèt bin.

ONE DES PRATIQUES : Mi, j'aim'ri mi zesse veuf ku cocu, nin vrai ?

Lu deuzime bèveu pète du rire. Champenois lu vè et do kon, ruwète ôte pôr.

FIRMIN :  Aye, nu t’ tracasse nin va. Si el tè dit qu'el ruvèrè ô printemps, cè qu'ele ruverè ; lèche li lu timp.

CHAMPENOIS :  Dju crois bin ku dumwin, dj'irè kan minme veye les djindares.

I.2. CAMPAGNE (pad'fu è do djou)

Champenois ronle din s' jeep so one pitite voye ô mitan des tchamps. I nè nin auji du tenu su calotte al mwin. Il è l'air d'esse ôte pôrt. I vè one ôte uche. I l’ drouve sins bouchè. Deux gendarmes beuvant l’ cafè. Onk è assis, è l'ote è d'meuru dressè. I rlèvant leu tchiesse, on pon sbarès.

I.3.GENDARMERIE (pa d'dins èt do djou ).

CHAMPENOIS :  Bondjou mes djins, euh…

GENDARME 1 :  Ah !! c’èst ti, Roger, dju n’ t'avé nin recnuchi. Inture.

Champenois mousse è su met so one tcheyire
.

GENDARME 1 : One jate du cafè, Roger ?

CHAMPENOIS : Bin ayie don !

GENDARME 1 : Kè s'ku tu vin fére voci ??

CHAMPENOIS :  Voula, cè m' feume... I gn a quinze djous, elle è sti opérée ô pi. Pu, el è voye su rapoisi amon su tante du Wâve. Dj’è sti la mète ô train à Ârlon. Dispouye, pu du tout d’ novales.

GENDARME 1 (mokeu) : T'atin coula Lucien ? Lu feume du Roger è voye ! è i s' fé do mouron ! to galoperi après la tin.ne, ti ?

GENDARME 2 :  Gn è des ci ki n’ cunochant nin leu chance, hein !

GENDARME 1 :  Intur no deus, Roger, si m' feume plé mu layi to seu quinze djous, coula mu f'ri brâmint do bin. (rires). Mè tin, tu feume, çu n'è nin lu prumi kon kel pète à djale insi ?

CHAMPENOIS : Dju n' di nin. Ayi, el è dja stî voye, ayi. deus ou treu djous insi… mè jamais ostant d’ timps.

GENDARME 1 :  El t’è dit qu'el ruvèro ?

CHAMPENOIS :  Ayi

GENDARME 1 :  Tè vè (mokeu avu s’ collègue ), tu pu l’ croire, el ruvèrè, çu n’è nin l’ prumi kon, alé. T’è vu ko, do cafè ?

I.4. VIADJE (padfu, do djou)

Do matin, addé on aret do bus. On tropè d'ovrîs ki ratindant. On n' su côse wère. Lu somaye è ko bin din les ouyes gonflès du cès ovrîs la k'èn' alant al sidérugie d'à costè, à l'intrée dol France, exactumint à Mont-Saint-Martin.

Lu bus arriv'. Sol carô du d'vant, i gn'è one pancarte avu « Lorraine-Escaut ».

Onke par onke, i moussant dins l’ bus. Inter to cè ovrîs la, on recnuchi Champenois. Lu bus a va. Les patures défilant. Champenois ruwète lu paysadje. Ses paupires su cloyant p'tit à p'tit. Il baûye.

I.5. CINSE CHAMPENOIS (dudin è dol nutie)

Elisabeth D è tchonkée ô d'zeu d'on escalier neur è streu. El è ses deux pîs rafistolè et poite one rosse pantoufe. On fusik du 22 li siève tan du canne ku d'ârme. El brake lu Roger avu, ki, li, su trouv' lôvô dins l’ mime escalier. Su air méchan, ses ouyes du macrales è ses tchvès amaccralè.

ELISABETH :  Dèd du èsku to vins ?

CHAMPENOIS :  Do l'usine.

ELISABETH :  T’è travaiyè jusk'asteûr, surmint ?

CHAMPENOIS :  Mè nèni. Ç'asteut l’ Saint-Èloi, è on zè û one tournée générale è...

ELISABETH :  (lu stopant). E mi, dju pu dmeuru voci, raclonse, en ratindant ku tu fich' lu fiesse. Dju sonrte a ponne d'one opération è to m’ lèch' tote seûle. (mèchante) To mériteri one bone roufe.

CHAMPENOIS :  Choûte Betty, rumè coula à plèce. Dje te l’ djeure, dju nu l’ rufrè pu. C'asté djusse on kon, insi, avu l’ Lèyon.

ELISABETH :  Tèje tu, tè n'è k'on minteû. Tè n'sondje kè dè n'alè t'amusè. Tè nn'è assè d' mi, dju l' sè bin. Ah ! si dj’avé seû kin dju t'è mariè, ku coula iri insi. Avou l'timps ku djè passè à sayè du t'aprinre à lire, du t'aprinre à bin tu t'nu. Tu n'y è djamè rin compri, biesse godi, T'è totsi biesse ki lès ontes do viadje. È beuveû avou ca.

CHAMPENOIS :  Betty, arètè asteur è mèté çoula là.

ELISABETH : (in avançant) Dju n'sè nin çu ki m' rutint...

Elisabeth è va vè Roger avou s' fusik al mwin. Sès pîs li fant mô è èle rote d'one manîre nin tro jusse. Ele su fé lède avou s' mô è s'astribouke.

I.6. BUS (and'din, do djou)

Champenois esto adwarmu. On atin on bèrouladje din l' montêye. Champenois asto rawayé d'on plin kon. L'otobuss vin d'arivè din l' fabrike.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon Totes les eures sont a GMT + 2 eures
Potchî al pådje Di dvant  1, 2
Pådje 2 so 2

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group