Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Scrijheu a rtrover

 
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 24 may, 2022 22:56:51    Sudjet: Scrijheu a rtrover Responde tot citant

tecses dandjreus prezintés a ene bate di tecses po ls efants des Walons scrijheus d' après l' Ban-bwès, dinés a Pire Otdjåke.

Li scrijheu uze d' èn accint do Coûtchant walon, avou «dji» rindou come «dè». Adon, i sereut puvite d' après L' Louvire.

Sereut ç' Raymond (?) Wyns ? C' esteut onk di ç'coine la ki vneut ås raploûs do Banbwès.
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li mie 25 may, 2022 0:07:13; candjî 5 feyes
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 24 may, 2022 22:57:41    Sudjet: Responde tot citant

In pansârd.

A pwène a-t-on l’ cu toûrnè,
Què m’ grand-pére chere au bufèt,
L’ drèsse ayu sont lès gatôs,
Lès boubounes au cacaô.
Râde, i ‘nnè mindje ène douzène,
R’vént s’achîre, l’ mine inocène.
Quand m’ grand-mére vout ‘nnè doner,
I prind s’n-ér l’ pus-èwaré :
« Ça, c’èst drole, di-st-i toudi,
seûremint qu’on-z-a dès soris ! »
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 24 may, 2022 22:58:13    Sudjet: Responde tot citant

L' bârbe a papa

Au grand jamés, nu bon-popa
N’aveût yeû ‘ne bârbe come èç’ tèle là !
Èle asteût rôse èt toute chouflèye,
Èle èrcheneut a ‘ne grosse nuwèye !
Nén l’ nuwèye qu’amwinne èl mwés timps,
L’cène qui danse padzeû lès djârdins.
S’on-agne dèdins,
I-gn-a qu’ du vint :
Cè n’èst qu’ çoula,
‘ne bârbe a papa !
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li mår 24 may, 2022 23:03:53; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 24 may, 2022 22:58:54    Sudjet: Responde tot citant

Ariére sézon

C’è-st-ène drole dè caboche,
Qu’èst bén moche !
Èle a ‘ne grande, léde, lôtche boutche
Qu’èst toute routche.
Sès-oûy’ bén adouvrus
Su l’plène gnut,
Mousseneut du feu qui danse
Dins s’ grosse panse.
N’eûchèz nén peû, mès djins,
C’èst l’ grigne-dints !

• in grigne-dints : betterave creusée dans laquelle on met une bougie.

----
tecse eplaidî dins l' Singluiers 3/2020, metou flotchreçmint å no da Lucyin Mahin
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li mår 24 may, 2022 23:51:59; candjî 3 feyes
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 24 may, 2022 22:59:23    Sudjet: Responde tot citant

« La grenouille qui veut se faire aussi grosse que le bœuf ».

Dins in djârdin ‘ne guèrnoûye
Vyeut grochi ‘ne bèle citroûye.
Lèye qui d’meureut si p’tite,
S’a mis a l’tièsse in djoû
Dè d’vèni come in chou !
Èle avala dès mites,
Dès mouches, dès papiyons ;
Èle âla meume, pa côp,
Qu’a mindjî dès lum’çons !
S’ drole dè côrps d’vèneut rond…mès…
Èle n’asteut nén contène
Dè s’ pètite, streute boudène !
Èle asproûve co ‘ne sakwè :
Èle mindje tout in porè…Asteûre…
A vous-ôtes d’ad’vinér
Ç’ qu’i va li ariver !
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li mår 24 may, 2022 23:04:57; candjî 1 feye
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 24 may, 2022 23:00:02    Sudjet: Responde tot citant

Lès p’titès fwins dès sèt nins

- Jwayeûs, qu’èst-ce qui vos f’reut pléji ?
D’mindjereûs voltîye dès pichoulis.
- Prof, vîye soçon, v’léz dèl salâde ?
D’émereûs bén mia dès pastènâdes !
- Atchoum, rén d’ trop pwèvrè, seûremint ?
Nènni, âââ….pwène in bouquèt d’ pwin.
- Timide, pour vous, dès vitoulèts ?
Bin, bin….ène târtine dè pwèrèt.
- Grincheûs, avéz fé vo menu ?
I n’mè fôt qu’dès-oûs dèsbatus.
- Dôrmeûr, a l’fin, avéz chwèsi ?
Wâââ…..dèl maquèye avou dès radis.
- Pour vous, Simplèt, m’ pètit colô ?
Dès vôtes avou du cacaô.

Bon-apétit, djintis p’tits nins,
Mindjèz, mindjèz djusqu’a pus fwin !
_________________
Li ci ki n' a k' on toû n' vike k' on djoû.


Candjî pol dierin côp pa lucyin, li mår 24 may, 2022 23:07:07; candjî 2 feyes
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: mår 24 may, 2022 23:00:26    Sudjet: Responde tot citant

Sôrcière

Alons, alons, sondje ène sôrcière :
An dèskindant djusqu’a su tère,
Si d’va m’ poser su in clotchî,
Dè m’va piquer l’ plante dè mès pis ;
Si jamés d’arive dins in trô,
C’èst seûr què dè va m’ casser l’ cô ;
Si d’véns a tchèye dins l’ pètit ru,
Crènon, c’èst m’ cu qui va yèsse cru –
Su m’fwè, c’èst vré, s’a dit l’ sôrcière,
C’èst bén mia què d’dèmeure an l’ér !

----
tecse eplaidî dins l' Singluiers 3/2020, metou flotchreçmint å no da Lucyin Mahin
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group