lucyin
Date d' arivêye: 2005-07-07 Messaedjes: 3680 Eplaeçmint: Sidi Smayil, Marok
|
Date: mie 01 djn, 2022 11:15:10 Sudjet: scrijhaedje do son /œ/ |
|
|
Citåcion: |
Laurent Dabe
J’ai un petit problème pour écrire le même son que l’on retrouve dans « œuf » : pouvez-vous m’aider ?
Kè tot vache bin por vos.
Lorant d’Poupan |
Oyi, c' est l' fameus son /œ/ k' a ddja amoenné mo des margayes inte waloneus.
* Systinme Feller: eu; mins djusse adapté pol walon d' Lidje, la k' i gn a waire di ç' son la (dji v' va dîre li meune, li leune...).
* C' est parey po Årvaye (seulmint kékes mots); Willy Leroy les scrît finålmint "e" (temer, aver)
Dins l' Roman Payis [Brabant wallon] et après nozôtes so Bietris et li Smwès, li spotchåve voyale [voyelle instable]...
https://wa.wikipedia.org/wiki/Sipotch%C3%A5ve_voyale
...c' est djustumint ci son la. Adon, gn a ene peclêye di ç' lete la dins les scrijhaedjes. Kimint fé ?
1. les univiersitaires shuvèt li sistinme Feller => eu
1.1. S104 (Boulard, Tchonveye)
https://wa.wikipedia.org/wiki/Motl%C3%AE_d%27_Tchonveye
(mins vos rmarkêyroz ki, sol dessén, i scrît " e̊ " (ankle̊me)
1.2 S107: Anselme, Bertrix
https://wa.wikipedia.org/wiki/Motl%C3%AE_Anselme_so_les_cortis_a_Bietris
2. sacwants scrijheus d' Bietris (Henri Lepage) sicrijhèt djusse "e": dje n' ves pes (Transene dju n' vus pus); Mins ça rind des mots målåjheys a lére, a cåze do scrijhaedje do alcrosse E [E muet] e walon (come e francès): waitîz l' fråze "le tchet est desse la dresse" (Sint-Houbert: lu tchèt èst dussu l' drèsse).
3. Systinme ALW (Atlas Linguistique de Wallonie): i scrijhèt "e̊", mins i shonnèt co fé ene diferince inte deus prononçaedjes; loukîz li pont IV del notule 1.54 (article le)
https://alw.uliege.be/alw/?alw_volume=1&alw_page=181&alw
Li scrijha "e̊" est rprins dins tos les lives da Jean-Jacques Gaziaux (Djodogne).
4. Systinme Feller-Soverdias (scrijheus do Roman payis, come Jacques Desmet): scrijha ë. Waitîz li mot "dëscomèladje" k' on prononçreut insi a Pouphan:
https://wa.wikisource.org/wiki/D%C3%ABscom%C3%A8ladje_d%E2%80%99on_nw%C3%AAr_poyon,_fou_sqwaire
Pire Otdjåke riprind ci scrijha la dins "Singuliers" po les tecses di Bietris. MINS gn a des djins ki n' vlèt nén pask' i lijhèt "è" (paski ça s' prononce "è" dins l' francès "Noël" !!!)
C' est ossu li scrijha da Twisselman (S25)
https://wa.wikipedia.org/wiki/Mot%C3%AE_d%27_Bouyon
=> A vos d' tchoezi inte "eu", " e̊ " et "ë"; les troes sont "acceptåves" e sistinme Feller. _________________ Li ci ki n' a k' on toû n' vike k' on djoû. |
|