Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

abana

 
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3209
Eplaeçmint: Sidi Smayil, Marok

MessaedjeDate: mie 10 awo, 2022 19:47:23    Sudjet: abana Responde tot citant

Citåcion:
Djowel Tiri

Bin l' bondjoû Lucyin,

Av' dja oyou djâzer è walon d' on abana? On mot rèscontré so Rindeû.
K' èst ce ki ça sèreût bin?

Frankès pougnèyes.



Li tcherpinte, ci sereut li viebe "abaner" + cawete -a (pitite usteye po fé l' accion, OU rizultat d' l' accion).
https://wa.wikipedia.org/wiki/Cawete_-a
* si c' est abaner = eplaidî les bans d' mariaedje => li papî des bans

* MINS puvite viebe abaner = ebaner (èbaner) = mete e ban = espaitchî les vatches et les berbis d' aler dins on bwès po l' leyî rcrexhe. Sovint, nozôtes, li betchete e- divént a-: atinde = ètinde (il atind dèr).

Li sinonime sereut "ebané" (lu, c' est l' pårticipe erirece do minme mot)

https://wa.wiktionary.org/wiki/eban%C3%A9

Li cotoû [contexte] est diferin assez por vos tchoezi.

Si vos ploz acertiner ki ça a-st a vey avou des bwès k' on a "reclôs" po les leyî crexhe (ou î planter ene sacwè), dijhoz mel, on l' metrè dins les motîs.

Ki ça vos våye bén.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
lucyin



Date d' arivêye: 2005-07-07
Messaedjes: 3209
Eplaeçmint: Sidi Smayil, Marok

MessaedjeDate: sem 13 awo, 2022 12:12:38    Sudjet: Responde tot citant

Citåcion:
Djowel

contact@museedelaparole.be

11 août 2022 20:47 (il y a 2 jours)

À moi

Traduire le message
Désactiver pour : anglais


On mot ki dj' tins di Michel Therer di Tchèyoux. Por lu, on abana, c' è-st-on bokèt d' bwès, one djinièsse ou ôte k' on plante è tère pomârker one limite. D' on tèrin par ègzampe. "Po rîre, nosse pére dhéve ossi k' i nn-è plantreû âtoû di s' fème èt d' sès bâcèles po k' i gn-êye nouk ki toûrnike âtoû d' zèles".

Seûlmint vola: Myriam, li fème da Michel, k' èst d' Tchèyoux avou, n' a mây oyou dîre ci mot la.

Cwè nn-è panser? Est ce on mot bin walon di ç' contrèye la? Ou djusse on-uzèdje dins l' famile Therer? Dji n' sé.


Nonna, c' est vormint l' sinse d' ebaner = mete des limotches po dire ki c' est vosse terén et nén on cminå (ene comogne, ene tere da tertos); minme tcherpinte ki dji vs a dit. Li sinse est PÅR li minme ki:

* rebana (minme mot avou ri-)
https://dtw.walon.org/index.php?id=32934

* banon
https://dtw.walon.org/index.php?id=16161

dj' el radjoute dins l' DTW & l' Wiccionaire.
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group