|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: mie 17 awo, 2022 18:37:05 Sudjet: Joselyne Mostenne (bokets d' emiles) |
|
|
Èlle èst là !
Comint dèfini l’ boneûr ?
Èst-ce quéquefîye, èto, ci plève-là qu’on ratindéve dispôy si longtimps èt qui toume, audjoûrdu, à l’ piquète do djoû, timidemint…
Citåcion: |
On respondeu des setchs payis:
Bon plovaedje et bon ramouyaedje !
Nozôtes, ci n' est djamåy ki pol moes d' octôbe nôvimbe. Li ci ki ratind n' a nén håsse !
Mins kécfeye li rtrovrè dj' e l' Walonreye e moes d' setimbe... dabôrd ki dj' î vôreu do solea... |
MINS, li 26 août 2022
Volà qu’ lès feus arivèt en Bèljique asteûre. One dijin.ne tos lès djoûs, parèt : lès patures, lès-ûrèyes d’autoroute, lès bwès. Problème, c’èst qu’ lès pompiers n’ sont nin èquipès : pont d’omes assèz, vîyès ayèsses, manque di places èwoû ç’ qu’on pout poujè l’ êwe… Lès bwès d’Anlier sont clôs. Min.me po lès tchfaus à cause di leûs fiêrs (blawète possibe)… N’s-èstans mau èmantchès ! Li p’tite plève di l’ôte djoû ? C’èst come si on pichréve è Moûse.
À bin rade _________________ Li ci ki n' a k' on toû n' vike k' on djoû.
Candjî pol dierin côp pa lucyin, li dim 28 awo, 2022 11:46:29; candjî 1 feye |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: sem 20 awo, 2022 12:00:17 Sudjet: |
|
|
Ça m’ faît pinsè qui, mi èto, dj’aî one istware di ridant.
Dj’èstéve one pitite bauchèle èt, mon mès grands-parints — Djôsef Mostenne èt Clotile Frippiat — is causint sovint d’one Madame Leuridan qui c’èstéve leû camarâde. On bê djoû, en-ètindant s’ nom, dji satche su l’ djilèt d’ bon-popa èt lî dîre : « C’est Madame Tiroir ».
Tot sbarè, il uke boune-moman « Clotile, gn-a l’ gamine qui comprind l’ walon ! ». Tot l’ monde riyéve, mi èto, sins sèpe cu qui dj’éve dit d’ si drole…
Adon, à paurti di ç’ djoû-là, on n’a pus jamaîs causè d’ Madame Leuridan, maîs bin d’ « Madame Tiroir ». _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|