Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

anti- / contru-

 
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots
Vey sudjet di dvant :: Vey sudjet shuvant  
Oteur Messaedje
Reptilien



Date d' arivêye: 2017-07-01
Messaedjes: 263

MessaedjeDate: dju 01 set, 2022 18:53:26    Sudjet: anti- / contru- Responde tot citant

C' est deus betchetes les minmes, mins end a ene k' est pus sincieuse ki l' ôte.

E francès i gn a ene peclêye di sincieus mots avou anti-, metans antibiotique ; on trouve eto anté- : antéchrist ; ou co ant- divant voyale : antarctique.

I gn a eto sacwants mots avou contre- : contre-exemple, contremaître, contretemps, etc.

E walon, on shût sovint l' francès et dire antibiyotike, antécri(sse), antartike, contrutins, contrumwaisse, cont(r)egzimpe... mins gn a des côps k' on nel shût nén : F. antonyme => contråve (pocwè nén contrumot ?)

Adon, dji m' dimande comint çk' on direut : antiphrase (antifråze/contrufråze/fråze contråve/fråze å rvier [1]), antalgique (antaldjike/antidoleur/contrudoleur), anti-inflammatoire (ant(iy)efouwoe/cont(r)efouwoe), antimatière (antimatire/contrumatire).

Oyi, dji sai, on pôreut eto eployî ene perifråze (la co on sincieus mot) et dire : ene pilule conte el doleur, conte l' efouwaedje, etc, mins on preut dire el minme po antibiyotike : ene pilule conte les bactereyes (ou microbes).

----
[1] Sol Wiccionaire, Lucyin eploye « tot cåzant å rvier », mins por mi cåzer å rvier c' est l' verlan.


Candjî pol dierin côp pa Reptilien, li sem 03 set, 2022 15:27:35; candjî 1 feye
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: sem 03 set, 2022 11:42:16    Sudjet: Responde tot citant

Dins l' DTW, on a-st erîlé les contru- insi (avou U, et sins loyeure).

Les anti-, avou, sins loyeure (antifachisse, Rantoele 103)

Po les dmandes, dji prindreu:
* antifråze (contRufRåze n' est nén bén-djhant)
* fr. antalgique = noûmot atåvlé al bate del fiesse di Walonreye : tchesse-må (ci n' est nén sincieuzmint vraiy, mins ça va bén avou l'uzaedje corant di "må" come dins "dj' a må m' tiesse".
* fr. anti-inflammatoire; noûmot Wiki: disfouwant; parint di inflammation = efouwaedje
https://wa.wikipedia.org/wiki/Disfouwant
* contrumatire (antImatIre ni soune nén bén, avou 2 I di diferinne longueur; dins ces cas la, sovint onk assaeche l' ôte : cwite et lidje = /kwitèlitch/ po /kwitèlîtch/); est ç' li Noere Matire Dirîtrinne ?
https://wa.wikipedia.org/wiki/Matire
https://rifondou.walon.org/astronomeye.html#univier

A-t i rpassé dins l' Rantoele ? (dji n' sai fé des rcweraedjes so les mwaisses fitchîs avou m' ricwirrece divintrinne "Dolphin"?
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: mie 17 may, 2023 2:01:08    Sudjet: Responde tot citant

Po "contrumatire", ça n' pasrè nén, li mot, foirt spepieus (dj' ô bén, i n' a k' on seu sinse, bén precis), est avou anti- dins tos les lingaedjes. Li fwait k' i gn åye deus "i" n' a waire di pwès pa dvant ene sfwaite analodjeye daegnrece (et des mots walons avou deus "i"... end a des banslêyes, tchimijhe, fizik, ridire, ... )


Di pus, contru- si pout må comprinde cial (la ki li betchete a-st eto l' sinse di "astok di l' ôte costé")
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group