Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Ampoule (électrique)

 
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots
Vey sudjet di dvant :: Vey sudjet shuvant  
Oteur Messaedje
Alban Leloup



Date d' arivêye: 2022-01-08
Messaedjes: 26
Eplaeçmint: Louvie-Juzon (Pirenêyes-Atlantikes)

MessaedjeDate: lon 21 nôv, 2022 17:59:27    Sudjet: Ampoule (électrique) Responde tot citant

Bondjoû mes djins ! Savoz m' dire kimint çk' on lome ene "ampoule (électrique)" e walon, kécfeye ?
Rivni al copete
Vey li profil di l' uzeu Evoyî on messaedje privé
Èl-Gueuye-Noere



Date d' arivêye: 2019-05-13
Messaedjes: 184
Eplaeçmint: Tchålerwè

MessaedjeDate: mår 22 nôv, 2022 0:15:40    Sudjet: Responde tot citant

Bonswer Monsieu Leloup,

I shonne k' on pout uzer l' minme mot k' e francès : https://www.beljike.be/djw-fw-francais-wallon-frances-walon-a/ .

Ci motî ci est kécfeye bon po trover des mots ki n' sont nén co dins l' DTW ubén l' Wiccionaire. Asteme ki l' ortografeye di drola n' est nén e rfondou, mins e Feller : å pus sovint l' ci do costé d' Nameur.

Tolminme, dji pinse nén mi brouyî k' el mot « ampoule » (scrît e Feller) dene li minme sacwè e rfondou.

Ki ça vos våye bén,
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Reptilien



Date d' arivêye: 2017-07-01
Messaedjes: 263

MessaedjeDate: mår 22 nôv, 2022 10:41:41    Sudjet: Responde tot citant

On dit pus sovint lampe k' ampoule, mins l' mot egzisse eto s' on vout esse pus acsegneu.

Paul Gilles scrijha:
Quand dji di dès lampes, dji vou dîre one ampoule di 40 watts tos lès 100 ou 150 mètes.

    — Paul Gilles, Lès-ûsances di nosse payis di Ôte Èsbaye, Les Cahiers Wallons, 11/2002


On trouve eto « ampoule électrique » (come e francès), Eugène Gillain, Les Cahiers Wallons, 4-5/1956, p. 67

Etimolodjicmint « ampoule » vént do latén ampulla ki vout dire : pitite anfore.
El problinme, c' est k' on-z a rfondou l' cawete latene -ulus/-ula > -ule. Loukîz cial.
Ele n' est nén l' minme k' el cawete -oûle ki vént di -olus/-ola, minme si e latén c' est deus variantes : -olus/-ola variante di -ulus/-ula.
S'on l' sicrît « ampoûle », c' est come s'on direut k' ça vént do latén -ola. I gn a don troes kesses :
* fåt i s' coridjî : ampule (come celule, tiesticule, fôrmule, molecule ; omrin : calcul)
* fåt i s' coridjî : ampole (come cibole, e francès ciboule)
* fåt i-z accepter l' cawete -oule et warder ampoule

E vî francès ampule et ampole egzistéve eto (FEW 24.448a).

A nozôtes di vey.
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: dim 27 nôv, 2022 23:27:16    Sudjet: Responde tot citant

Reptilien scrijha:
On dit pus sovint lampe k' ampoule


oyi: fåt rcandjî l' lampe del bele plaece ! Si c' est on lusse [lustre], Gn a ene lampe k' est petêye å lusse.

MINS : S1 (Francard, Bastogne) a "boujîe" : bougie (ancienne mesure d'intensité lumineuse). Oune ampoule du 25 boujîes

Reptilien scrijha:
Etimolodjicmint « ampoule » vént do latén ampulla ....


Li rfondaedje, disk' asteure, ni s' ocupe nén del sipepieuse etimolodjeye k' après awè spoujhî les ôtes voyes (Rantoele 101 p. 15).

ciddé: calcaedje do francès, sins rujhe fonolodjike, parey tocosté => ampoule

Les ôtes sicrijhaedjes pôrént esse atåvlés dins l' sistinme "avancivös" da Djôr Sfasie, mins, pinse dju, nén e rfondou "classike".
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Dimandes di mots Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group