Berdelaedjes

[lucyin]

on metreut on E, prononçåve "è", po-z awè d' l' adire inte deus mots ki serént omonimes ôtrumint avou ene prononciation foirt diferinne.

planeter (prononçaedje zero-cnoxheu planèté) = prévoir, planifier

canler = aler å vijhén (dire do må)

caneler (prononçaedje zero-cnoxheu canèlé) : canneler
_________________
Li ci ki n' a k' on toû n' vike k' on djoû.

[Pablo Saratxaga]

avou ci scrijhaedje la on ârè des mesprononçaedjes avou on dvintrin /è/ ki n' egzistêye nén;
c' est co pé!

Notez ki dins tos les lingaedjes i gn a des omografes nén omofones.

E francès,
(codjowas et sustantif di parintêye d' on viebe ki si scrijhèt l' minme mins s' prononcèt diferinnmint)
* "ils affluent par un affluent"
* "dans un verre convergentles rayons de lumière convergent*
(mots pår diferins avou l' minme sicrijhaedje mins on prononçaedje diferin)
* "c' est (viebe) à l' est (sustantif) que le soleil se lève"
* "pain bis (addj.) vs numéro bis"
* "il but (codjowa) de l'eau avant de marquer un but"

end a des banslêyes et des berwetêyes et co des begnons plins!

end a des sfwaites e-n inglès eto :
* "to tear a sheet of paper vs a but rolled from his eye"
* "a dove (on pidjon) vs to dove (plonkî)"
* "to close (clôre) vs being dove (près)"

(c' est nén djusse li minme sicrijhaedje, li son candje eto, c' est tot ossu diferin ki [kãle] eneviè [kanle])

e djaponès eto;
* "おう ([ou] portchessî) vs おう ([o:], rwè) (bon, c' est l' veur k' e caractères chinwès on l' sicreye diferinnmint: 追う vs 王, mins dins on live po ls efants ça sereut おう ambedeus)

E rfondou li scrijha (a|i|n) + n + cossoune (ôte ki "n" ou "m") est ambigou, ça pout esse naziåle + cossoune, ou voyale + /n/ + cossoune.
C' est l' contecse ki dene, et l' sinse, eyet l' prononçaedje.

Del minme manire ki pol es egzimpes dins ds ôtes lingaedjes cial ås dzeu.

Fé ene foû-rîle po djusse deus cas (4 viebes, dj' ô bén deus pwaires) dji n' croe nén k' ça våye les poennes,
et si vormint on l' vout fé, ostant introdure ene dvintrinne crole, purade k' on moya e (çou ki distrût l' astoca do disfaflotaedje)

Notez eto k' i gn a ds ôtes cas di scrijhaedje målåjhey e rfondou:
* ae : betchfessî, ou a-e ? (eg: aeurer)
* ey : betchfessî ou /èy/ (c' est diferin po les cis ki l' betchfessî si prononce /îy/); eg: djeyografeye : djîyografîye ou djèyografîye (li prumî n' est nén on bechfessî, li 2inme oyi: dj-e-y-o-g-r-a-f-ey-e)
* sch : betchfessî ou s+ch ?
* voyale + cossoune + likide + voyale : at-ra ou a-tra ?
* et ossu voyale + n + cossoune ...

Si on vout scrire "caneler" avou on moya e, adon i fåreut scrire "Walonereye".
Mins adon c' est on mot come "vikereye" ki dvént ambigou (vik'reye ou vikè-reye ?)
Minme e Feller on n' sait nén ddja tofer noter l' prononçaedje.

I gn årè todi des sfwaits cas,
et c' est nén prôpe å walon.

Po les cis ki cnoxhèt ddja les mots, i savèt bén les dispårti
(come on l' fwait bén e francès avou des mots come pus hôt);
et po les cis ki n' kinoxhèt nén l' mot... et bén, c' est a ça k' siervèt les diccionaires; po ces mots la on dene li sinse, eyet ene note di prononçaedje.