|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Èl-Gueuye-Noere
Date d' arivêye: 2019-05-13 Messaedjes: 191 Eplaeçmint: Tchålerwè
|
Date: dim 04 dec, 2022 16:34:06 Sudjet: [WA] Dispinser |
|
|
Bondjoû tertos,
Dj' a tiké l' ôte djoû, tot schoûtant ene tchanson da Julos Beaucarne. Come di djusse, i dit didins : « dispinser ». Dj' a stî adon vir dins les motîs. Dj' a veyou ki dins les Fellers, ça n' candje nén bråmint. Tolminme, cwand dj' esteu èn efant, dji m' sovén bén k' èm mamy dijhéve puvite : « dispintchî ».
Est-çk' ene sakî pus cnoxheuse ki mi såreut m' dire cwè ?
Ki ça vos våye bén, _________________ El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns. |
|
Rivni al copete |
|
|
Alban Leloup
Date d' arivêye: 2022-01-08 Messaedjes: 26 Eplaeçmint: Louvie-Juzon (Pirenêyes-Atlantikes)
|
Date: lon 05 dec, 2022 11:53:39 Sudjet: |
|
|
Bondjoû ! Dji n' so nén pus cnoxheu k' vos, mins tot çki dj' vos pou dire, c’ est k’ èm papi et m’ mami dijhént tos les deus « dispinser » ; il esteut d’ Wandjniye, et leye del Ronsåt. D’ ewou çk’ ele vineut, vo tayone ? |
|
Rivni al copete |
|
|
Reptilien
Date d' arivêye: 2017-07-01 Messaedjes: 267
|
Date: mår 06 dec, 2022 9:36:31 Sudjet: |
|
|
Èm mame dijheut « dèspinser », èm pa « dèspinsî ». C' est mo corant e Coûtchant di candjî l' coron -er > -î. Do latén « dispensare » > F. « dispenser » ?? U bén èn epront do francès ??? Dji n' sai nén !
« dispintchî » mi shonne shure el vî francès « despechier » / « despesquier » (e francès d'ouy « dispatcher », rprins d' l' inglès), mins dji nel pou nén waeranti, cåze k' el sinse n' est nén ttafwait l' minme, et k' el candjmint despechier > dispintchî n' est waire djustifiåve (pont d' cossoune M/N après È, come po F. même > minme).
On-z a eto l' mot « dispande », do latén « dispendere » ???, e vî francès « despandre ».
Candjî pol dierin côp pa Reptilien, li mår 06 dec, 2022 21:35:52; candjî 1 feye |
|
Rivni al copete |
|
|
Èl-Gueuye-Noere
Date d' arivêye: 2019-05-13 Messaedjes: 191 Eplaeçmint: Tchålerwè
|
Date: mår 06 dec, 2022 20:07:20 Sudjet: |
|
|
Elle aveut skepyî eyet crexhou do costé di Tchålerwè-Bijhe eyet Lodlinsåt.
Motoit bén k' on-z a tcheyou so èn « izolat ». C' est-st åjhey a ipotezer, mins c' est pus målåjhey målureuzmint a-z aveuri. On-z a pierdou tote ene pekêye di traeces.
Gråces po vos esplicaedjes _________________ El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: sem 10 dec, 2022 20:47:34 Sudjet: |
|
|
Reptilien scrijha: |
U bén èn epront do francès ??? |
por mi, åy ! e l' Årdene nonnrece, c' est co pus clair : dèpanser. nu va nin dèpanser t'tafwêt !
Mins li mot corant c' est c(u)chèrer: i k'chère tous ses sous.
"dèpanser" ossu a Bastogne (S0), Måmdiy (E21)
Li mot n' EST NIN dins FE1 (franwal Haust) a "dépenser", çou ki vout dire k'i n' egzistéve nén a Lidje, ou dizo l' cogne francesse ki Haust n' a nén volou mete.
=> c' est l' coûtchant walon k' a les cognes li pus près do rfondou.
Po "dispintchî", ci pôreut esse on dobe forcoridjaedje d' on picård "dèpinchî" (s' il egzistêye). Ou adon vosse tayone dijheut dèpintchî (avou on simpe forcoridjaedje ch => tch corant avår la (come dins les tchansons d' Mimile: maudjon, ritchandi...). _________________ Li ci ki n' a k' on toû n' vike k' on djoû.
Candjî pol dierin côp pa lucyin, li sem 10 dec, 2022 21:44:47; candjî 1 feye |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: sem 10 dec, 2022 21:13:15 Sudjet: |
|
|
Reptilien scrijha: |
On-z a eto l' mot « dispande », do latén « dispendere » ???, e vî francès « despandre ». |
Forir dispantt Dépenser, employer de l'argent , faire des frais.
rifonde avou "dispåde", pinse dju. _________________ Li ci ki n' a k' on toû n' vike k' on djoû. |
|
Rivni al copete |
|
|
Èl-Gueuye-Noere
Date d' arivêye: 2019-05-13 Messaedjes: 191 Eplaeçmint: Tchålerwè
|
Date: dim 11 dec, 2022 23:39:44 Sudjet: |
|
|
lucyin scrijha: |
Reptilien scrijha: |
U bén èn epront do francès ??? |
por mi, åy ! e l' Årdene nonnrece, c' est co pus clair : dèpanser. nu va nin dèpanser t'tafwêt !
Mins li mot corant c' est c(u)chèrer: i k'chère tous ses sous.
"dèpanser" ossu a Bastogne (S0), Måmdiy (E21)
Li mot n' EST NIN dins FE1 (franwal Haust) a "dépenser", çou ki vout dire k'i n' egzistéve nén a Lidje, ou dizo l' cogne francesse ki Haust n' a nén volou mete.
=> c' est l' coûtchant walon k' a les cognes li pus près do rfondou.
Po "dispintchî", ci pôreut esse on dobe forcoridjaedje d' on picård "dèpinchî" (s' il egzistêye). Ou adon vosse tayone dijheut dèpintchî (avou on simpe forcoridjaedje ch => tch corant avår la (come dins les tchansons d' Mimile: maudjon, ritchandi...). |
Neni, ele dit vraiymint "dispintchî" (come c' est scrît) eyet nén "dèpinchî". _________________ El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: dim 14 may, 2023 13:30:46 Sudjet: |
|
|
"dispintchî" mi shonne esse on forcoridjaedje /ch/ -> /tch/ (come dins choûter -> tchoûter) d' ene cogne dispinchî ( cawete -î el plaece di -er, come dins vikî, dispinsî, ....) eyet on son /ch/ d' on dispårdaedje ch/ss (ki, si l' prononçaedje /ch/ sereut pus lådje oyou, s' åreut scrît "sh" e rfondou; come po ashir, shonnance, broushe,...).
C' est bén ene disfondowe di "dispinser".
Po ç' mot la (dispinser) i n' a co waire di cognes levantreces rashiowes dins l' DTW; mins vocial èn ôte mot rfondou avou -sser/-sher k' ont-st ene cogne coûtchantrece avou -chî :
* brisher : brèchî [O0]; brèchi [C1,C8,O0]; brichî [O0]; bréchî [O2]
et des mots rfondous -{xh,ch|sh}{er,î,yî} ( dj' ô bén, avou son /ch/ levantrece teyorike) k' on des disfondowes avou -tch- :
* flachî : flatchî [O4]
* acmaxhî : acmatchè [S0]
* pîxhî (sustantif, l' åbe) : pètchî [C1,C99,C100]
Li spårdaedje ch(coûtchant)/ss(levant) est foirt (si télmint k' i gn a l' betchfessî "sh" po çoula)
Li spårdaedje -î(coûtchant)/-er(levant) po les viebes est corant ossu.
Mins po les viebes avou shoflante+{er,î}, li cawete -î si spåde bén pus lon, si bén k' e rfondou c' est sovint avou -î (dji n' a trové ki l' seu viebe "brisher" (et s' famile) dins l' DTW; tos ls ôtes c' est avou -sî, -cî, -shî
Po çou k' est des disfondowes avou /tch/ po on son /ch/; i gn a sacwants cas :
1) c' est on spårdaedje ch/h (scrît, xh, sch ou jh (al fén di sillabe) e rfondou); li son /tch/ est råle, minme dins les motîs coûtchantrece; c' est purade veyou come on mescoridjaedje. i gn a k' deus egzimpes sol DTW; dj' a ddja oyou eto "tchoûter"
2) c' est on spårdaedje ch/ss (scrît sh ou ss (ou c/ç) e rfondou, sorlon ki l' son /ch/ est foirt lådje oyou (=>sh) ou nén (=>ss ou c/ç sorlon l' etimolodjeye; dj' ô bén l' son /ch/ n' est nén rpris e rfondou). la eto, li prononçaedje /tch/ est veyou come on mescoridjadje; i n' a nol egzimpe sol DTW; mins on-z a l' egzimpe di "dispintchî" da vosse mame.
3) c' est des mots avou on spårdaedje ch/tch (ou des epronts d' mots francès avou "ch"); la e rfondou on mete câzu todi "tch", la k' c' est l' fonolodjeye tipike do walon. C' est ç' dierin cas (walon /tch/ - francès /ch/) ki fwait k' i gn a pa des côps on forcoridjaedje ch -> tch po des mots walons avou /ch/ des deus ôtes cas.
4) i gn a ossu pa côps on forcoridjaedje dj -> tch (eg: tcherdjî : kèrtchî [O4]); mins ça s' pout eto k' cial ça soeye tot l' mot a shure ene cogne picådresse (dji n' sai nén e picård si on dit avou /tch/ ou /ch/) |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|