Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

Shijhe di Noyé 2022 a Måmdey (sacwants tecses)

 
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon
Vey sudjet di dvant :: Vey sudjet shuvant  
Oteur Messaedje
lucyin



Date d' arivêye: 2005-07-07
Messaedjes: 3661
Eplaeçmint: Sidi Smayil, Marok

MessaedjeDate: vén 16 dec, 2022 21:03:01    Sudjet: Shijhe di Noyé 2022 a Måmdey (sacwants tecses) Responde tot citant

C’mand po l’ sîze 2022
Fré Loûrson (Jacky Lodomez), dit pa Patrick Alard

(les passaedjes flotchreces sol sortitraedje del videyo sont-st e cråssès letes; e clintcheyès letes, les passaedjes nén rprins e l' videyo)

À totes les bonès djins d' Mâm'dî,
Du tos les valons ou croupèts
Dol Burninvèye djusk’ â Ronhî
Dol Rubîvèye èt méme d’ après

On grand salut, on grand mèrci
À cès-amoureus do walon
Vunis surtout po nos sout’ni
Par leû prézince èt par leûs dons

Avou one bone âné du r’târd
Vo-nos-r’là don èt vo-v’-ruci
Po fièsti l’ nêhance d’ on poupârd
Ki nos fout avoyî do Cî

Do cî, i ‘nnè sèrè kèstion
Bêcôp, èt méme rin k’ du çoula !
Ca dju sins one adjitâcion
Dès-ondes, on mistére an tout cas

I-n-a ol êr one vibrâcion
One sacwè come dol élèctrike
On drole du corant galactike
Ki m’ a fêt fruziner po d’ bon

Dj’ èspère bin k’ i-n-a nin dès pièdes
Ku tot a stu bin racwardé
Ç’ n’ èst nin l’ moumint du fé dès dètes
Po payî l’ élèctricité !

Mès dj’ pinse ku tot s’ pass’rè p’ on mî
Pace ku tot l’ monde s’ a aponti
Tos lès tchanteûrs s’ ont bin r’nèti,
Lès muzicyins sont alignîs.

Po n’ nin trop´ alower m’ rètchote
Vos pôroz léhe , là, so l’ grande flote
Lès noms d’ cès k’ ont fêt lès bokèts
Èt lès noms d’ cès ki lès tchantèt.

Duvins çou k’ n’ alans prézinter
Nos ruprind’rans sacwants-ancyins,
Sovint novèl’mint ôrkèstrés
Avou co dès noûs muzicyins

Nu mankoz nin d’ apréciyî
Lu gârnihèdje èt lès dècôrs
Ca dès-artisses nos-ont êdî
Vos sav, du cès k’ ont dès deûts d’ ôr !


Mès dju ratake à fruziner
Èt dju sins mu tièsse ki doug’tèye
Oyoz-v’ ci brut à v’ fé tronler ?
Dju m’ va sâver â pus-abèye !

Dju n’a méme pus l’ timps du v’ djâzer
Do tchôd vin èt do pris d’l intré

Ca dju sins k’ i s’ passe on rahoûr
K’ on-z-è djâz’rè tot-alantoûr !
_________________
Li ci ki n' a k' on toû n' vike k' on djoû.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Tecses e walon Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group