Djivêye des foroms di Berdelaedjes Berdelaedjes
Forom di berdelaedjes e walon, so tot l' minme ké sudjet
 
 FAQFAQ   CweriCweri   Djivêye des mimbesDjivêye des mimbes   Groupes d' uzeusGroupes d' uzeus   Si fé mimbeSi fé mimbe 
 ProfilProfil   Lére les messaedjes privésLére les messaedjes privés   S' elodjîS' elodjî 

scrijhaedje do son /ɡ/

 
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje
Vey sudjet di dvant :: Vey sudjet shuvant  
Oteur Messaedje
Reptilien



Date d' arivêye: 2017-07-01
Messaedjes: 263

MessaedjeDate: vén 24 mås, 2023 10:58:41    Sudjet: scrijhaedje do son /ɡ/ Responde tot citant

Pocwè nos fåt i shûre li francès et scrire GU divant I et E adon k' i gn a nou risse del prononcî /ʒ/ e walon ?

E francès on dit girafe mins e walon djirafe et minme s'on l' prononçreut avou /ʒ/ on scrireut jirafe ; e francès guitare e walon guitåre ; e francès bague come e walon ; e francès guère e walon guere.

Sicrire gitåre, bage et gere mi shonne pus simpe.

Avou l' sistinme da Djôr, i gn a-st on risse, metans avou ĝint, del prononcî avou /ɡ/ si l' faflote n'est nén imprimêye.

E Feller, on screye GU divant I et E pask'on-z admete sacwants mots francès come genre (e RIF : djinre) ; éponge (e RIF spondje) ; etc [1]. E rfondou gn a pus nole målåjhisté, come on riwalnijhe voltî tos ces mots la.

Gn a-t i des egzimpes contråves (contrugzimpes) ?

----
[1] Feller, Règles d’orthographe wallonne, 1905, p. 27-28
Rivni al copete
Vey li profil di l' uzeu Evoyî on messaedje privé Viziter l' waibe di l' uzeu
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 15 avr, 2023 12:26:11    Sudjet: Responde tot citant

Bondjoû,

C' est djusse paski c' est l' uzance...

Ca n' apoitrè nén grand tchoi d' candjî ene sacwè ki (c' est råle) cåzu tertos est d' acoird.

A noter k' e castiyan i gn a ene sacwè di rshonnant: on screye todi "que", "qui", mågré k' on prononce [k] et måy [kw]; i n' a måy di mot avou on "q" tot seu.

E rfondou on-z a l' cas do "x", ki n' est måy eployî tot seu mins todi dins "xh".
Et co l' siicrijhaedje "ss" (adon k' pol son [z] on mete "z")
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Pablo Saratxaga
Site Admin


Date d' arivêye: 2005-07-01
Messaedjes: 1148
Eplaeçmint: Oûpêye

MessaedjeDate: sem 15 avr, 2023 12:36:33    Sudjet: Responde tot citant

E basse (e scrijhaedje "eusker batua" todi) on eploye fok li lete "g";
mins c' est on lingaedje ki n' est nén del famile do latén, i n' a-st adon nén l' tchedje di siekes di dujhance di scrire d' ene manire purade k' ene ôte.

E-n alfabet cirilike ou co grek eto, c' est ene seule lete.

Pol walon, tot pårticulirmint, li lete "g" (pa de côps minme nén dvant "i" ou "e") a stî eployeye lontins pol son /dj/.


Li såme do rfondou n' esteut nén di fé ene tote nouve ortografeye avou ene lete pa son; mins purade on "ramidré Feller"; a pårti des rîles Feller fé des candjmints po pleur aveur on seu scrijhaedje po les candjmints d' prononçaedje etur pårlers.

Ça fwait ki mågré tot li rfondou n' est nén si diferin, ni do Feller, ni des scrijhaedjes di dvant Feller; dj' ô bén, on ricnoxhe do côp ki c' est on scrijhaedje do walon.

Après, c' est nén todi åjhey di trover ene mitan voye; ça åreut stî bråmint pus simpe si l' sicrijhaedje Feller åreut wårdé les "oi" et "xh" i gn a 100 ans par egzimpe.
Rivni al copete
Vey li profil di l' uzeu Evoyî on messaedje privé Evoyî èn emile Viziter l' waibe di l' uzeu Jabber
Mostrer les messaedjes des dierin(ne)s:   
Sicrire on novea sudjet   Responde å sudjet    Djivêye des foroms di Berdelaedjes -> Rifondaedje Totes les eures sont a GMT + 2 eures
Pådje 1 so 1

 
Potchî a:  
Vos n' poloz nén enonder des noveas sudjets dins ç' forom ci
Vos n' poloz nén responde a des sudjets k' i gn a dins ç' forom ci
Vos n' poloz nén candjî vos messaedjes dins ç' forom ci
Vos n' poloz nén disfacer vos messaedjes dins ç' forom ci
Vos n' poloz nén vôter dins les ploncaedjes di ç' forom ci


Powered by phpBB © 2001 phpBB Group