Berdelaedjes

[Èl-Gueuye-Noere]

Bonswer tertos,
Dji n' so nén on grand waloneu. Tenawete, li walon dmeure impôrtant po mi. C' est pocwè dj' a ratourné nost ime : Li Tchant des Walons. Dji n' l' a nén scrît e Feller, u co e rfondou, mins dins ene ortografeye k' est pus djondante di mi prononçaedje.
Ci tecse ci n' est nén da mi, veyånmint k' il a stî askepyî eviè cint ans padvant èm-n' nexhance. Dji vs el avoye tolminme padvant ki scrire e walon divént disfindou :
=======================================================
Nos astons firs de no petite patrîye…
… ca, pattavô, on câze de ses efants.
Å preumî rin, on l’ mete pou l’ industrîye...
… yet dins les ârts, ele erglatit ostant.
Des djins sincieuses k’ ambelixhneut leûs nos.
Des ritchesses so no ptite tere, ns end avons…
… yet nos astons vraiymint libes amon nos…
Evla pocwè k’ on-z est fir d’ yesse walon.

De no passé, cand c’ est k’ on lît l’ istwêre...
… on s’ ercresteye vraiymint a chake bezogne…
… yet no keûr crexhe, cand c’ est k’ on sondje al glwêre.
De nos tayons ki n’ avît jamé sogne.
C’ est grâce a yeusses ki nos vicons e l’ pés.
Is ont spotchî l’ innmi padzou l’ talon.
« Les pus vayants k’ i gn uxhe », on ls a vanté.
Evla pocwè k’ on-z est fir d’ yesse walon.

On s' voet voltî, nozôtes, el Walonîye…
… eyet tertout est presse a s’ nner el mwin.
On fét pléji bén souvint sins sindjrîye.
On bat du plat, tout vlant fé l’ bén ås djins.
El chârité ki rinte dins no måjhone...
… n’ î va k’ å nut tout fijhant foûrt tinsion.
Tout dnant l’ miete e muchete, on-z est midone.
Evla pocwè k’ on-z est fir d’ yesse walon.

Petit payîs avou vo chnue bontè...
… on vos voe voltî sins l’ dire pattavô.
Ça nos fwait må cand ene djin vos elet…
… yet nos sintons no keûr bate a grands côps.
N’ ayez pont d’ sogne eyet vikez binåjhe.
De vos efants les bras yet l’ keûr sont bons...
… ey on-z est d’ arèdje dolike ås foutåjhes.
Evla pocwè k’ on-z est fir d’ yesse walon.
_________________
Ç' est nén cwand vs avoz tchî, ki fåt cachî après l' papî !