Èl-Gueuye-Noere
Date d' arivêye: 2019-05-13 Messaedjes: 187 Eplaeçmint: Tchålerwè
|
Date: vén 26 may, 2023 1:00:40 Sudjet: Èl-Gueuye-Noere (sins nole grandiveusté) |
|
|
=======================================================
Nos astons firs de no petite patrîye…
… ca, pattavô, on câze de ses efants.
Å preumî rin, on l’ mete pou l’ industrîye...
… yet dins les ârts, ele erglatit ostant.
Des djins sincieuses k’ ambelixhneut leûs nos.
Des ritchesses so no ptite tere, ns end avons…
… yet nos astons vraiymint libes amon nos…
Evla pocwè k’ on-z est fir d’ yesse walon.
De no passé, cand c’ est k’ on lît l’ istwêre...
… on s’ ercresteye vraiymint a chake bezogne…
… yet no keûr crexhe, cand c’ est k’ on sondje al glwêre.
De nos tayons ki n’ avît jamé sogne.
C’ est grâce a yeusses ki nos vicons e l’ pés.
Is ont spotchî l’ innmi padzou l’ talon.
« Les pus vayants k’ i gn uxhe », on ls a vanté.
Evla pocwè k’ on-z est fir d’ yesse walon.
On s' voet voltî, nozôtes, el Walonîye…
… eyet tertout est presse a s’ nner el mwin.
On fét pléji bén souvint sins sindjrîye.
On bat du plat, tout vlant fé l’ bén ås djins.
El chârité ki rinte dins no måjhone...
… n’ î va k’ å nut tout fijhant foûrt tinsion.
Tout dnant l’ miete e muchete, on-z est midone.
Evla pocwè k’ on-z est fir d’ yesse walon.
Petit payîs avou vo chnue bontè...
… on vos voe voltî sins l’ dire pattavô.
Ça nos fwait må cand ene djin vos elet…
… yet nos sintons no keûr bate a grands côps.
N’ ayez pont d’ sogne eyet vikez binåjhe.
De vos efants les bras yet l’ keûr sont bons...
… ey on-z est d’ arèdje dolike ås foutåjhes.
Evla pocwè k’ on-z est fir d’ yesse walon. _________________ El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns. |
|