|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Reptilien
Date d' arivêye: 2017-07-01 Messaedjes: 263
|
Date: dju 15 djn, 2023 11:01:28 Sudjet: fraijhe |
|
|
Divins FE1 a « fraise (fruit) » on trouve : fréve (eto divins E1), frîve u co k’fréve et fêve (rodje ~).
I m' shonne ki ça n' pout nén esse des disfondowes di fraijhe. On fwait cwè ?
* frév : E203, avou fravî mins frévî a « diboubinech »
Candjî pol dierin côp pa Reptilien, li dju 15 djn, 2023 20:16:07; candjî 2 feyes |
|
Rivni al copete |
|
|
Reptilien
Date d' arivêye: 2017-07-01 Messaedjes: 263
|
Date: dju 15 djn, 2023 11:09:19 Sudjet: |
|
|
Et po çou k' est do betchfessî ai, est i bén a s' plaece ? I gn a k' des disfondowes avou -é- ou des naziåles -én-, -in-.
Divins l' ALW, notule 118 (mape 55) i gn a k' des -é- (sins conter les -in-) e pays walon. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1158 Eplaeçmint: Oûpêye
|
Date: vén 16 djn, 2023 15:43:44 Sudjet: Re: fraijhe |
|
|
Reptilien scrijha: |
Divins FE1 a « fraise (fruit) » on trouve : fréve |
Li ridaedje xh -> f est foirt corant do costé d' Lidje (copurade al fén des mots):
Dins l' DTW on trouve (cweraedje avou rif="%(jh|xh)%", disf="%[^ åâa-](fe?|ve?)" et côde motî="E[0-9]+" )
* fraijhe => fréve
* souxh => souf
* ouxh => ouf
* nonpouxhe => non-poufe
* moxhe => mofe
* djoixhe => djwèfe
* bardouxhe => bardouf
* abouxhe => aboufe
Dji n' l' a nén trové dins l' DTW, mins dj' a ddja oyou mezåjhe prononcî "mèzåfe".
Citåcion: |
Et po çou k' est do betchfessî ai, est i bén a s' plaece ? I gn a k' des disfondowes avou -é- ou des naziåles -én-, -in-. |
fréjhe, fréjhî dabôrd ?
Mins dins ls ôtes mots avou -éjh- i gn a on spårdaedje é/î (çou k' Lucyin lome li "cåzu betchfessî «é»".
Dji pinse ki l' rifondaedje "ai" c' est pask' on sait rmonter a on mot latén avou "a".
Li francès "fraise", avou "ai", c' est mototi bén pol minme råjhon (e vî francès c' esteut "freise" (çou ki corespondreut, di fwait, a "fréjhe" e walon)
E castiyan i gn a "fresa"; mins c' est "calké do francès".
E-n itålyin c' est "fragola".
E normand eyet e galo, i gn a "frâze".
Si on rwaite peurmint l' prononçaedje, ça dvreut esse "fréjhe";
mins si on rmonte a s' raecene latene, et co des parints dins d' ôtes lingaedjes d' oyi, li raspitaedje d' on "a" aspoye li scrijhaedje "fraijhe" (k' a eto por lu k' ça n' a nén candjî e rfondou dispoy li tot cmince) |
|
Rivni al copete |
|
|
Reptilien
Date d' arivêye: 2017-07-01 Messaedjes: 263
|
Date: dim 18 djn, 2023 17:01:14 Sudjet: Re: fraijhe |
|
|
Mi eto ça n' mi plai nén d' candjî l' ortografeye d' on mot, mins si c' est po dmorer lodjike avou nozôtes c' est on må ki våt l' poenne.
Eployî on betchfessî scrijha ki n' djowe nén s' rôle et ki moenne a ~75% a on prononçaedje ki n' egzistêye nén e walon, on n' pout nén dire ki gn a la des aspoyas assez pol ritni.
Et po çou k' est d' l' atnance etimolodjike, on pôreut dire el minme avou :
* pere (pére) < pater ; F. père, paternel
* mere (mére) < mater ; F. mère, maternel
* fré < frater ; F. frère, fraternel
* mer (mér) < mare ; F. mer, maritime
* sé < sal ; F. sel, saler
ou co :
* fé (gn a eto des disfondowes avou -è-) < facere ; F. faire
Portant, ça n' véreut a nolu d' dire k' elzès fåreut scrire : paire, maire, frai, mair, sai, fai,... pask' on trouve li A etimolodjike divins d' ôtes lingaedjes romans, ou minme e walon : pére mins patrèye/patrîye. Çou ki conte divant tot cwand on rfond, c' est bén les disfondowes, neni ?
Minme Feller k' esteut portant por on sistinme analodjike (avou l' francès), et co pus cwand ça s' tént avou l' etimolodjeye, dijheut :
Jules Feller scrijha: |
Il est bien entendu que ai ne peut servir à représenter le son de é fermé. Puisque le wallon prononce éle, clér, il ne peut plus, sous prétexte d'analogie, conserver les formes françaises aile, claire. |
Si on-z a rfondou : aiye c' est pask' on-z a trouvé des rålès disfondowes avou -ê- (po claire, ça...) ki respondnut (nén tant k' ça) å betchfessî AI, mins po fréjhe, fréjhî,...
Po rdire èn ôte rifondeu :
djan-djan scrijha: |
Sapinse mi, on n' duvreut nén comaxhî a l' evier les betchfessîs scrijhas. Ene poye ni rtrovrè pus ses poyons. |
|
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|