Berdelaedjes

[Reptilien]

Divins l' DTW : énèrvè (#23448), çou n' est nén ene disfondowe d' énerver (#14285) ?

Et po ènovrè (s’) divins C13, avou -o- et metateze, on l' mete eto come disfondowe ?

[Reptilien]

[Reptilien]

Motoit rfonde enierver come on-z a rfondou nier et k' on-z a wårdé l' -i- divins nierveus, nierveuzmint.

[Pablo Saratxaga]

Ey adon "enierver", "eniervumint" ?

avou é- c' est clairmint on calcaedje do francès (adon k' i gn a "eraedjî" ou "groûler" pus corants).
Les ôtes calcaedjes on stî rfondous avou en- (enerdjeye, enike, enumeråcion)


Dins l' coridjrece i gn aveut ddja "enervumint".

Etimolodjicmint, et dji voe ki ç' sinse la si trouve e francès dins l' dominne del medcene, c' est "rissaetchî les niers" (ex-nervare).
On l' ritrouve eto dins l' inglès "unnerve".

Mins dji n' croe nén ki l' calcaedje åye pris ci sinse la; et dji voerè purade po çoula on noûmot disnierver.

[lucyin]

Dj' eploye dedja "eniervé" dispu ene tchoke (dins m' cåzaedje si tant ki l' calcaedje "énervé" a moussî e walon. Dins les scrijhaedjes, dji sieve purade "eraedjî".

oyi, "disnierver" po l' eployaedje sincieus: on disniervéve les rinnes po vey les refleke del miyôle del schene [réflexes médullaires]; dj' a co veyou disnierver des tchvås dins l' maladeye do ptit oxh naiviant [maladie naviculaire].

=> acertiner enierver, eniervé, eniervumint
_________________
Li ci ki n' a k' on toû n' vike k' on djoû.

[Pablo Saratxaga]

eyet l' codjowaedje, A=enierv, B=C=eniev : dj' enieve, nos eniervans, il enievnut; c' est bén ça ?