Berdelaedjes

[Èl-Gueuye-Noere]

Bonswer tertot,

Dj' a tcheyou so èn årtike da Souzane. I manke seulmint l' mot walon po on « lobe » do cervea. Avoz ene idêye ?
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.

[Reptilien]

Po l' oraye, Forir (E203) dene : « pègnon di dzo d' loreie », Haust (E1) dene : «  pègnon d' l'orèye » come Coppens (O4), et divins l' DTW « pegnon » est dné po li dzeu d' l' oraye (F. hélix), surmint ene flotche di O4.

Divins E118, Kinable dene « auricule » (come e francès : pitite oraye, avou l' cawete -cule, come po molecule, pårticule), mins c' est veyou d' on mwais costé (e walon todi) et rsinti come viyot (on pô vî, F. vieillot).

Pol cervea, gn a pont d' mot por ça. I fåt dire ki c' est on mot foirt sincieus, avou on since foirt especiå/sitroet.

Soeye-t i epronter l' mot : lobe, soeye-t i trover/edvinter on mot walon ki vôreut dire «  mol et plat boket d' ene sacwè d' pus grand ». Dji n' a pont d' idêye pol moumint.

[Èl-Gueuye-Noere]

[lucyin]

ailete pol foete [E170] a "élète" (on a rfondou "aiye" (avou -y- sorwalonde bén acertinêye) mins ailete (calcaedje pu tårdou, sins cogne avou -y-; on n' a nén fwait djower li wårdaedje do bodje)

dji l' a stindou å peumon

Mins dj' aveu ddja prins pacô "pegnon"
https://commons.wikimedia.org/wiki/File:Peumons_foetijh%C3%AE.jpg

mins ossu biesminr "boket":
https://commons.wikimedia.org/wiki/File:Crantche_nez_berbis_peumon_schome.jpg

Pol cervea, on a prins "lobe" et "boket" sol Wikipedia:
https://wa.wikipedia.org/wiki/Cervea#P%C3%A5rtixhaedje

cial, "ailete" ni va nén, ca les boirds ni sont nén efilantis.

"lobe" /lɔp/ est omofone di Lobe (l' abeye) => pont d' rujhe di prononçaedje.

Dji sereu po n' nén eployî "lobe" po l' oraye, li foete (et l' peumon), come gn a ddja des mots walons tipikes.
_________________
Li ci ki n' a k' on toû n' vike k' on djoû.