|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: sem 30 dja, 2016 23:39:18 Sudjet: kitråyner, tråyner, trôyner, kitrågner, kitrågnî ? |
|
|
(FWAIT)
nén co : kitråyner
E203
Kitrâgné V. (Ji ktrâgnaie). Flâner. — Kitrâgné avâ l' mohonn : trôler parmi la maison. _________________ Li ci ki n' a k' on toû n' vike k' on djoû. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: vén 05 fev, 2016 22:17:57 Sudjet: |
|
|
lucyin scrijha: |
nén co : kitråyner |
Dins l' Gilliard (C54) on trove "trauyener, trôyener: (vi) lambiner"
Dins E34 i gn a: kitrågnî (c(u)trågnî):
(v.c.) 1. kipougnî. 2. kischoyî ene djin 3. fr:vautrer
si ~ (v.pr.) 1. fr:houspiller, 2. fr:se vautrer.
esse bén les minmès stoks ? |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: vén 05 fev, 2016 23:18:19 Sudjet: |
|
|
Pablo Saratxaga scrijha: |
lucyin scrijha: |
nén co : kitråyner |
Dins l' Gilliard (C54) on trove "trauyener, trôyener: (vi) lambiner"
Dins E34 i gn a: kitrågnî (c(u)trågnî):
(v.c.) 1. kipougnî. 2. kischoyî ene djin 3. fr:vautrer
si ~ (v.pr.) 1. fr:houspiller, 2. fr:se vautrer.
esse bén les minmès stoks ? |
dji n' a nén co bén tuzé a çoula. Li rfondaedje ki dj' a tuzé, c' esteut sol fråze da Lejeune avou l' vert-pexheu (dins l' mwaisse tecse "kitrågnéve")
Cwand l' pexhon esteut ene idêye gros, i vs fåreut vey kimint ki l' rapexheu s' kitråynéve po dire del fé passer tot etir e s' buzea (J. Lejeune dins "Avå trîxhes et bwès", p. 180).
ça m' parexheut vni di "råyî". Li gn come håyner =» hågner
Après, dj' a veyou dins Forir, li sinse di trinner : ça aléve bén avou "treråyî" (råyî par ci pu par la)
Asteure, avou les novelès dnêyes ki vos håynez, ci n' est pus si clair.
Li sinse "kischeure" "kipougnî" va bén eto avou "råyî".
li sinse "si vautrer" m' a todi fwait pinser a on bodje "troye" (si ctourner compe ene troye dins les broûs); = si cotroyî = si coveroyî (di veråt =» verô )
Fåreut k' dji waite dimwin si on a des dnêyes etimolodjikes ene sadju.
Dji sayreu voltî 2 mots diferins
* kitråyner po tot çou k' est waeraxhe; walon do Levant
* si kitroyner = ci cotroyî = si coveråyî (?) = si rôler dins les broûs (walon Levant, Mitan, Coûtchant) _________________ Li ci ki n' a k' on toû n' vike k' on djoû.
Candjî pol dierin côp pa lucyin, li vén 05 fev, 2016 23:38:25; candjî 1 feye |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: sem 06 fev, 2016 0:57:02 Sudjet: |
|
|
Dins Gilliard i gn a eto on sinonime (adlé "trauyener" et "trôyener"): "trôyeler", mins ki s' codjowe d' ene ôte manire.
Dji vs a metou sol DTW vosse "kitrågner", li "kitrågnî" di E34, et l' "tråyner" di C54: %tr(ågn|åy|ôy)n%
Dji n' pinse nén k' on bodje "trågn-" vegne di "råyî": i gn a-st on "t" di trop.
Mins ça m' rapinse "straegne"; ça n' sereut nén l' minme sitok; on côp avou l' betchete ki-, èn ôte avou l' refoircixhante betchete si- ? |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: sem 06 fev, 2016 13:09:00 Sudjet: |
|
|
ça cmince a s' aclairi :
E1 : trågngner, trågner : trainer négligemment --- ses hådes : ... ses vêtements; intr. --- avå l' pavêye : --- dans la rue. ancyin lidjwès traioneir fr. traîner latin * tragînare
trågngnêye, trågnêye : trainée de pets, pétarade, trainée de coups de gosiers (d'un oiseau), trille
=» on a on dobe rifondaedje, totavå l' walon trågner / trinner. C' est l' moumint d' dire si on l' louke insi (dobe rifondowe), paski c' est nén l' seu cas : gn a eto frinne / frågne (Frågngnêye)
tchinne / tchågne (Tchågngnêye).
Mins, dins ç' cas cial, li cogne avou -ågn- s' a speciålijhî pol sinse : a wårder.
Dji m' va loukî si les cognes do walon do Mitan et do Coûtchant polèt vni eto di * tragînare.
Si vos estoz d' acoird, vos ploz mete trågner / trågnêye / kitrågner come mwaissès cognes dins l' DTW. Li fråze da Djhan Ldjonne di Djoupeye si compind pa les trinnêyes des musses do gozî des oujheas k' avalèt ene grosse proye [sincieuzmint, on lome çoula "mouvements péristaltiques, péristaltisme"]. Ça n' egistêye nén pol buzea d' avala [oesophage] des djins, mins bén des vatches ki roemeynut, metans. Po les djins et les biesses, ça egzistêye ezès boyeas.
MINS : vey eto si on aconte li dobe /ɲ/ (trågngner), noté pa Haust [E1], mins nén rprins pa Stasse [E170]. Dji sin ki c' est l' vraiy prononçaedje. On l' pôreut manaedjî come divins "djno" (gngno), djniesse ((gngnièsse), Djnape (Gngnape); dizindjner (dizingngner) =» trådjner / trådjnêye / kitrådjner. Ci scrijhaedje la est ossu pus près do sourdant etimolodjike. tra Gi Nare
(dji vôtreu purade por lu, poy ki les lijheus do rfondou åront sacwants ôtes sifwaits egzimpes). _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: sem 06 fev, 2016 14:06:33 Sudjet: |
|
|
Co èn ôte astoca po trådjner (et nén trågner) : li codjiowaedje (acertiné pa Forir) a môde di tchicter (= » trådjnêye).
avou trågner, ci dvreut esse dji trågne.
come çoula, ci sereut on parint di trinner (nén ene dobe rifondowe), avou l' cawete -ner (pitits mouvmints d' trinnaedje). come stitchî / sticner; * baloujhî / baloujhner
https://wa.wiktionary.org/wiki/Categoreye:Viebes_avou_l'_cawete_-ner _________________ Li ci ki n' a k' on toû n' vike k' on djoû. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: mie 10 fev, 2016 11:00:36 Sudjet: |
|
|
oudonbén "trågnner" ?
po "djno", evnd, li scrijhaedje avou "dj" va bén, la k' on l' ritrove dins l' cogne plinne.
Mins po on dvintrin son, dji sereut purade po shure les abitudes di scrijhaedje. |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: dju 11 fev, 2016 11:32:27 Sudjet: |
|
|
lucyin scrijha: |
avou trågner, ci dvreut esse dji trågne. |
Dins E34 c' est bén insi (cutrågnî, dji c'trågne)
C' est cwè k' est metou dins les diferins motîs ?
si l' codjowaedje diné pout esse "dji ctrågne", adon ostant shure l' uzaedje purade ki l' etimolodjeye.
(dj' ô bén traginare -> trådj'ner -> trågngner (cdj. a 2 bodjes) -> trågner/trågnî (cdj. a 1 seu bodje) |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: dim 21 fev, 2016 1:32:29 Sudjet: |
|
|
Dj' î a ene miete rituzé.
Bén ki l' etimolodjeye soeye "traginare" ki dvreut fé "trådjner", i m' shonne ki l' loyén a stî pierdou la ddja ene hope; et k' dins les motîs pus modienes (E34 après l' guere, E170 asteure) li prononçaedje est on "kitrågnî/kitrågner" simpe, sins rdoblaedje, et avou on codjowaedje simpe.
C' est on viebe nén foirt corant, sins waire di parints (dins E34 metans i gn a djusse "kitrågnî", pont d' parints (-aedje, evnd), nén ddja on "trågnî" sins "ki-"); adon ostant prinde l' uzaedje k' egzistêye la ou l' mot est co (ou esteut co) eployî; et rfonde so cist uzaedje la.
C' est ene målåjhîsté d' tos ces motîs, cwand l' mot francès dné a pus d' on sinse (ou cwand l' sinse do mot francès a candjî avou l' tins!).
Li francès "vautrer" n' est nén l' minme dins "il s'est vautré" (=i s' a ståré al tere et s' a surmint fwait foirt må) et dins "il se vautre" (=i dmeure come on pouri nawe a n' rén fé, sur k' i n' si fwait nén må la!)
Bén ki dji n' eploye ni "troyner" ni "ctrågnî", i m' shonne bén, d' ostant pus avou vos esplikêyes, k' i gn a cisse diferince la etur les deus.
Et dji les voereu bén insi scrîts ("troyner" et "kitrågn-")
Pol troke (kitrågn_î_ ou kitrågn_er_) i m' shonne ki les viebes avou -gnî sont bén pus corants k' avou -gner (dins l' codjowaedje Stasse dji n' è trove k' onk, "hågngner", k' est on foneticaedje di "håyner")
ça fwait ki, dji vôte po: "troyner" et "k(i)trågnî"
On l' pôreut decider pol raploû rfondaedje ki vént. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: vén 10 nôv, 2023 20:23:55 Sudjet: |
|
|
Tot conté tot rabatou, i fåreut rivni a "trinner".
Dji vén d' m' abaiti (tot loucant les prononçaedjes råles do programe di produjhaedje di vwès) ki c' esteut foirt diferin di "dizindjner" : gn a pont d' bodje "trådj" come gn a on bodje "indje".
Did la l' idêye del rimete purade a £håyner£
Come li bodje shonne esse "trinner + ner", i m' avize ki -inne a divnou -ågne come tchinne => tchågne
https://alw.uliege.be/alw/?alw_volume=6&alw_page=353
=> oyi, al fén des féns: kitrågnî = ki + trågn- <- trinn- + -î _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: vén 10 nôv, 2023 21:12:02 Sudjet: |
|
|
Dj' a rmetou insi li DTW eyet l' Wiccionaire (tot wårdant ene traece des vîs rfondaedjes). _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|