Vey sudjet di dvant :: Vey sudjet shuvant |
Oteur |
Messaedje |
Èl-Gueuye-Noere
Date d' arivêye: 2019-05-13 Messaedjes: 191 Eplaeçmint: Tchålerwè
|
Date: lon 18 dec, 2023 18:27:29 Sudjet: [EN] sidecar |
|
|
Bonswer tertos eyet tertotes,
Dins l' novea roman da J. Goffart, li portagonisse moenne on « sidecar ». L' oteur a wårdé l' ortografe d' oridjene dins s' Feller. Adon, dj' a deus kesses :
- Comint l' erfonde ? Dj' a tuzé a « sidcar », tot rsaetchant foû l' « e ».
- Est-çk' il egzistêye èn ôte mot e walon ? Come di djusse, minme e-n inglès, « car » fwait gåy (dins l' sinse carolo di l' addjectif), veyanmint k' ene moto, ci n' est nén on « car ». Dj' ô bén, ene moto, ci n' est nén ene oto.
Ki ça vos våye bén, _________________ El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns. |
|
Rivni al copete |
|
|
Reptilien
Date d' arivêye: 2017-07-01 Messaedjes: 267
|
Date: mår 19 dec, 2023 8:51:49 Sudjet: Re: [EN] sidecar |
|
|
Èl-Gueuye-Noere scrijha: |
Dj' ô bén, ene moto, ci n' est nén ene oto. |
C' est çou k' est a costé del moto ki rshonne a ene oto, nén l' moto leye-minme.
Èl-Gueuye-Noere scrijha: |
Dj' a tuzé a « sidcar », tot rsaetchant foû l' « e » |
Oyi, dji n' voe rén a rdire, mi dj' prononce [sitkaʀ] (k' on pôreut maxhî avou « sit » + « car » ki n' vout rén dire mi shonne-t i), adon l' ortografeye « sidcar » va bén. Mins si ene ôte djin prononce [sajdkaʀ], ça...
Dji n' mi voe nén dire : ene moto-vweteure [1], minme si tot l' dijhant dijh côps en erote ça dvént moens drole.
----
[1] ki dj' prononçreu [mɔtɔwɛtøʀ] : motoweteure ? paski por mi on V+W divént W |
|
Rivni al copete |
|
|
Thedarkfly
Date d' arivêye: 2023-12-15 Messaedjes: 22 Eplaeçmint: Hu
|
Date: mår 19 dec, 2023 15:55:33 Sudjet: |
|
|
Bondjoû,
Dji voe deus ådjeus.
On calcaedje di l' inglès, avou tot åjheymint l' inglesse ortografeye "sidecar" come e francès ou catalan, oubén foneticmint come e tcheke ("sajdkár") par egzimpe "saydcar".
On ratournaedje come e neyerlandès ("zijpan") ou e almand ("Beiwagen"). Mins ces lingaedjes la sont aglutinants, c' est målåhey di fé l' minme sacwè e walon. Ene ôte idêye est d' fé come li portuguès ("carro lateral") par egzimpe "lérece oto" ou "oto dlérece". |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: dju 21 dec, 2023 16:48:57 Sudjet: |
|
|
Mi dj' eployreu "sidcar" eto (ki dj' prononce [si:tkaR]).
Li scrijhaedje "sidecar" dinreut [sidEkaR] e rfondou...
mins ene ôte rexhoxe sereut "side-car"; la l' moya "e" est al fén d' on mot, ça va.
I fåreut vey dins des motîs modienes (S0, O4, E34) si l' mot n' î sereut nén ddins. |
|
Rivni al copete |
|
|
Reptilien
Date d' arivêye: 2017-07-01 Messaedjes: 267
|
Date: dju 21 dec, 2023 19:50:25 Sudjet: |
|
|
Pablo Saratxaga scrijha: |
mins ene ôte rexhoxe sereut "side-car"; la l' moya "e" est al fén d' on mot, ça va. |
Di fwait, dj' inme ostant !
Pablo Saratxaga scrijha: |
I fåreut vey dins des motîs modienes (S0, O4, E34) si l' mot n' î sereut nén ddins. |
Nén dvins S0 et O4, mins il est dvins E34 : sidecâr (i bref). |
|
Rivni al copete |
|
|
Pablo Saratxaga Site Admin
Date d' arivêye: 2005-07-01 Messaedjes: 1159 Eplaeçmint: Oûpêye
|
Date: vén 22 dec, 2023 9:39:28 Sudjet: |
|
|
D' après l' wiccionaire e francès, c' est eto avou ene loyeure ("side-car") e francès (dispoy les refômes di 1990 et des, i gn a eto "sidecar").
Do côp, come sovint les calcaedjes vinèt do francès, ça fwait èn astoca d' pus pol sicrijhaedje "side-car".
Avou on pluriyal "side-cars" dabôrd ?
Dj' a fwait ene intrêye sol wiccionaire. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: dim 24 dec, 2023 20:07:20 Sudjet: |
|
|
Pocwè nén shuve li prononçaedje naturel walon ? sitcår. C' est come ça k' on åreut fwait la 100 ans (come po metingue).
Por mi (et po E34) li A est long.
Ci n' est nén on noûmot (asteure). Dji l' a oyou dire des cints côps di mes djins (sitcâr). Dj' el pou radjouter insi dins S117, sorlon les dujhances del diyalectolodjeye (mot acertiné pa des temoens).
Mete ene loyeure, c' est conte li rîle di l' economeye.
On n' pout nén mete on halcrosse E å mitan (ôtrumint : /sidèkar/)
Si on vout wårder li "d" etimolodjike, on pout scrire "sidcår". Li D si prononçrè T pa assimilaedje. _________________ Li ci ki n' a k' on toû n' vike k' on djoû.
Candjî pol dierin côp pa lucyin, li dim 24 dec, 2023 20:29:01; candjî 1 feye |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: dim 24 dec, 2023 20:13:25 Sudjet: |
|
|
Dins FC99 (Franwal Nameur, 2001) sidecâr. Mins dins leu sistinme, li dvintrin E est halcrosse. Mostere bén ki tos les Walons (såf après Bastogne) vont prononcî on long A.
Dins C99 (2008), li minme dicionairresse mete on long I: sîde-câr. Ele cite ene fråze da Hinri Matterne. C' est dandjreus on prononçaedje coinrece d' avå Sårt-Biernåd. Si on rfond avou on D, li prononçaedje zero-cnoxheu sereut ossu avou on long I /si:tkO:r/
Nén sins C106,C107 (Gilliard), C60 (Vellande). Ci-ci a on mot sîd(e)nadje : planche de rive (sur laquelle on fixe le chaume au bas du toit). Dji n' voe nén l' bodje, mins l' sinse rishonne felmint a l' inglès "side" (costé): plantche clawêye sol costé (å boird) do toet sol dibout des tchvirons. _________________ Li ci ki n' a k' on toû n' vike k' on djoû. |
|
Rivni al copete |
|
|
|