Berdelaedjes

[lucyin]

L' infièr mi strint

Amoûr, dji n'trove nole rapåh'tèdje,
Dji vike tofér-èvimint,
Dji priye po l'riwèrihèdje...
L'arèdjisté n'våt rin
D'vins l'displit d'tos lès djoûs...
Pièrdouwe è l'nutisté,
Mi sonle-t-i, dji so d'doûs
Et d'vins l'neûr cîr, dji cwîr
Li bèle imådje di nos d'zîrs...

Sins manke, dji n'deû nin mi r'toûrnér
Et dji n'deû nin dézèspèrér... Ni èspèrér...
L'infièr mi strint, l'infièr mi strint!

Dji ratin l'clåristé!
Dji n'kinoh pus l'vôye dèl påhûlisté,
Dji n'vou nin creûre k'i n'seûye pus la,
Cisse tuzèdje ki n'pout m'cwitér
Ki m'lôye come li hèna...
Dji n'pou rotér-a l'èvièr'
Et l'timps s'è-st-arèsté,
Po l'amoûr, di l'ôte costé,
Dji vike asteûre è l'infièr...

Sins manke, dji n'deû nin mi r'toûrnér
Et dji n'deû nin dézèspèrér... Ni èspèrér...
L'infièr mi strint, l'infièr mi strint!

C'èst todi l'roûvièdje ki dj'ratin...
Li mémwêre èst m' toûrmint!
Mins dj'a mèzåhe di todi m'sov'ni
Po d'mani stampêye divins cisse vèye,
Esse come i-n-éfant po d'vant si-av'ni,
Stindant s'min sins hayîme èt sins-invèye
Vè l'timps k'i vout ratrapér...

Sins manke, dji n'deû nin mi r'toûrnér
Et dji n'deû nin dézèspèrér... Ni èspèrér...
L'infièr mi strint, l'infièr mi strint...

Noémie Adam[/b]
_________________
Li ci ki n' a k' on toû n' vike k' on djoû.