Berdelaedjes

[Èl-Gueuye-Noere]

Bondjoû tertos,

Dj' a trové on bea noûmot e vî francès : « souloir ». Ça vout dire « awè l' abitude di ». Dj' aveu sondjî a « soleur » po l' erfondou. Dji vs el atåvele ci mot ci pask' on pôreut bouter ene idêye avou on seu mot.

K' e pinsez-vs ?
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.

[Pablo Saratxaga]

Bondjoû.
Oyi, dj' aveut ddja rilevé ç' viebe la (metans dins cist årtike di 2017).

Disk' asteure dji n' l' a nén trové dins nou motî ( surmint ki l' viebe n' esteut pus eployî la cwand les motîs rwaitîs ont stî scrîts);
mins dji n' l' a nén edvinté, dji l' aveut léjhou ene sawice, motoit bén dins l' live da Remåke.

[Pablo Saratxaga]

Dji l' a trové dins Haust ("soleûr"; mins sins codjowaedje, egzimpes, nerén notules d' uzaedje).

Dji l' a metou sol wiccionaire;
dj' a metou k' i n' s' eploye(eployive) k' a l' indicatif prezintrece eyet å durant indicatif prezintrece (come c' est l' cas e castiyan; ki l' eploye ossu e suddjonctif).

Dji n' so nén seur po les cognes singulî; mins ça dvreut shure li minme modele ki "poleur" ou "voleur", pinse dju. Eg: "Cwand dj' esteut ptit dji l' soleu fé."

[Èl-Gueuye-Noere]

I va. Gråces.
_________________
El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns.