|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: lon 05 fev, 2024 13:18:35 Sudjet: fr raton laveur |
|
|
Citåcion: |
Joselyne Mostenne
Dijoz, timps qu’ dj’î pinse, comint ç’ qu’on dit « raton laveur » ? Dji nol trouve nule paut. Dj’aî min.me riwaîtè dins l’ BOXUS di 1938, maîs, lojique ! I-gn-éve pont d’ cès bièsses-la adon ! Z-èstint co en Amèrique. I mol faut po m’ BD… |
Fåt fé on noûmot (il est grand tins: end åreut 70.000 sol Beldjike ?). Si vos l' eplaidîz vos l' prumire ci serè èn astoca po vosse tchuze (rîle del premîristé å prumî eployeu).
* soeye-t i on prind on calcaedje do francès = raton-laveu (dj' el metreu avou ene loyeure, ca "laveu" n' est nén èn addjectif e walon. Si on vout èn addjectif, adon e deus mots : raton lavrece
* soeye-t i on prind on calcaedje di l' inglès = racoun [raccoon]
* on calcaedje di l' almand et do neyerlandès (oûsse-laveu) [Waschbär, wasbeer]
* on calcaedje di l' espagnol : lote prociyone [Procyon lotor] c' est motoit l' no sincieus
* on calcaedje di l' esperanto: lavoûsse [lav-urso]; u adon : oûsse lavrece; come il est bén pus ptit ki l' oûsse: ourson lavrece
* u èn ôte "sipès noûmot" [néologisme opaque] rashiou so des vraiyès piceures do vicaedje del biesse e l' Walonreye (hapeu d' djaeye (mins gn a ddja on sodoirmant ki s' lome "croxhe-noejhe", mousse-e-corti (sol piceure di "mousse-e-l'oraye", "mousse-e-stron").
Dji mete les 3 prumîs sol Wikipedia
https://wa.wikipedia.org/wiki/Raton-laveu
et dmander cwè so les Berdelaedjes. On vierè s'i gn a do rtripaedje låvå. _________________ Li ci ki n' a k' on toû n' vike k' on djoû.
Candjî pol dierin côp pa lucyin, li mår 06 fev, 2024 11:51:31; candjî 3 feyes |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: lon 05 fev, 2024 13:51:54 Sudjet: |
|
|
ourson lavrece (Feller: oûrson lâvrèce / lâverèce / lâv'rèce), c'est on mot ki prind ene miete des dnêyes totavå:
* oûsse come almand, flamind, esperanto
* cawete -on (ourson) come francès "raton". Avou ça ki l' mot "ourson" egzistêye dedja e walon: A Oûr (Ôpont, Palijhoû), c' est des Oûrsons; li mot "raton" nén.
* lav- come totavå.
* addjectif avou l' cawete -rece, foirt al môde emey les rfondeus, et dedja studyîs pa Jules Feller e 1920. _________________ Li ci ki n' a k' on toû n' vike k' on djoû. |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: mår 06 fev, 2024 11:50:28 Sudjet: |
|
|
Citåcion: |
Joselyne Mostenne
Maîs, come c'èst intèrèssant ci vôye là po trovu on noûmot !!! Po fini, dj'in.me bin oûrson lâvrèce Èt poqwè nin laveû ? On dit bin on laveû d' caraus... |
Feller oûrson-laveû, dabôrd (lâveû si vos prononcîz long, come nozôtes). C' est vos ki scrît, c' est vos ki tchoezit ! C' est vraiy ki c' est moens "sbarant" ki "lavrece". _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|