|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Reptilien
Date d' arivêye: 2017-07-01 Messaedjes: 267
|
Date: dju 15 fev, 2024 21:42:06 Sudjet: prono i, il |
|
|
Sol Wiccionaire, on pout lére k' el prono del 3inme djin (do singulî et do pluriyal), c' est :
- « i » divant cossoune : i dit, i prind, i tchante, i vout,...
- « il » divant voyale : il a, il est, il ît, il ôt, il uze,...
Mins l' rîle n' est nén ossu simpe, paski dins l' fôme dimandrece ou sclamrece (F. exclamative), dj' ô bén cwand l' viebe est padvant, divant ene voyale on pout awè l' lete di beloyance « -z » u rén. Et on s' pout dmander comint k' ça rote e rfondou.
- fåt i esse binåjhe por lu ? (sins lete di beloyance e rfondou, paski esse si prononce todi (?) yèsse)
-- « Faut-i-z-èsse couyon d'avèr yu peû do lî cauzè ! » (Joseph Calozet, One matinéye d'èstè, CW, 1937, l° 4)
- vént i avou nozôtes ? (on n' dit nén : vént il avou)
-- « Rivêréve-t-i avou, au mwins ? » (Lucien Namèche, Li mouchwès, CW, 1948, l° 9)
- k' a-t i a s' doet ? (on n' dit nén : k' a-t il a s' doet)
- « qu'a-t-i å djusse ? » (E1)
- va-t i(-z) awè l' tins ? (avou ou sins lete di beloyance ?)
- fåt i(-z) e prinde onk ou deus ? (avou ou sins lete di beloyance ? mi dji di : èndè fåt i prinde onk ou deus ?)
-- « Faut-i-z-è rîre ? Faut-i-z-è braîre ? » (Edmond Tillieux, Dj'a mès-ans, CW, 1982, l° 5-6)
- faleut i(-z) e spotchî onk po nd ustiyî dijh ? (avou ou sins lete di beloyance ?)
-- « Faleûve-t-i-z-è spotchi onk po nn'ostèyi dîj ? » (Lucien Léonard, Li dêrène awous' d'a Tâve, CW, 1953, l° 7)
I nos fåreut mia spliker çoula. Avoz d' ôtes egzimpes ? |
|
Rivni al copete |
|
|
lucyin
Date d' arivêye: 2005-07-07 Messaedjes: 3758 Eplaeçmint: Sidi Smayil, Marok
|
Date: lon 19 fev, 2024 18:51:28 Sudjet: |
|
|
i fårè djusse ricandjî "divant l' codjowa ki shût ki cmince pa ene voyale".
=> prono sudjet do rwaitant (3inme djin do singulî) metou padvant l' viebe, dizo alofômes "i" (si l' codjowa ki shût atake pa ene cossoune) ou "il" (si l' codjowa ki shût kimince pa ene voyale).
Come vos djhoz, li shuvion "fåt i-z è" ni va nén avou l' rîle des aidants viebes. Dins S117, dj' aveu fwait on djivion avou "zè", témint k' c' est corant (come zî).
za (su les bans d' Bertrès, Bîve, Palijû, après Arnîye; zè sul ban des Lîbins, do Bork, après Ëbes èt Fumwè, str n°9) (-z-a, z-è) pron 1. en (le mot qui précède se termine par une voyelle: contraction de z euphonique + a). Dju pu za rprinde ene pougniye? Cwè za fwêre? Rumet za in lite ! _________________ Li ci ki n' a k' on toû n' vike k' on djoû. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|