Berdelaedjes

[lucyin]

Lu sôdâr

Dju n’ sé s’il èsteût twèt ou târd.
Dju loukéve ruveni lès sôdârs :
leû bouneûr nu saveût qwè dîre.

I gn-aveût qu’onk, drî on camion,
pus vî quu l’s-ôtes, lès-ûs â lon,
come s’i n’ rutrovéve nin s’ payis.

Tot d’on côp, dj’a pinsé ruc’nohe
lès pleûs du s’ front, lu rôye du s’ boke;
èt t’oûh dit qu’i m’aveût louki.

Dju li a fêt sine avou m’ min;
mais s’ pôve visèdje n’a nin candji.
Adon, dj’a vèyou qu’ c’èsteût mi.

(Antolodjeye Piron, p. 557)
_________________
Li ci ki n' a k' on toû n' vike k' on djoû.