|
Berdelaedjes Forom di berdelaedjes e walon, so tot l' minme ké sudjet
|
Vey sudjet di dvant :: Vey sudjet shuvant |
Oteur |
Messaedje |
Thedarkfly
Date d' arivêye: 2023-12-15 Messaedjes: 18 Eplaeçmint: Hu
|
Date: vén 22 mås, 2024 13:41:08 Sudjet: Betchfessî "qu" |
|
|
Bondjoû tertos et tertotes,
Dji vén ouy avou ene radicåle propôzucion et dji n' m' atind nén a vos racråwyî totshûte pask' ele candje bråmint des mots.
Les betchfessîs sont ene des grandes foices do rfondaedje : i permetèt di houwer li tchuze d' ene pus lådje oyowe (ki faxhe li minorité) ou d' ene sorwalonde (ki faxhe li mådjorité). L' adierça des betchfessîs est dabôrd bén di discrexhe li nombe di sorwalondes.
Ene des sorwalondes tchoezeye pa li rfondeus est li "cw" lidjwès. Dji propôze on novea betchfessî "qu". Vocial mes råjhons :
- Li scrijheadje "qu" n' egziste pus e rfondou walon. Li son /k/ est scrît "k" ou "c". I gn a nén d' maxhisse possibe.
- Po les waloneus di Tchårlerwè et di Nameur, li betchfessî "qu" si lét /k/, come e francès.
- Po les waloneus di Lîdje, li betchfessî "qu" si lét /kw/, come e portuguès ou italyin. Ça vout dire ki li "u" si prononce, tot simplumint.
- Les mots "cwand" ou "cwiter" si scrijhèt cobén ddja "quand" (C1, O4, FO4) ou "quiter" (C8,C99,O90) e Feller.
Dji sai ki candjî çoula dimandreut del foice, mins dji tuze k' on pout tolminme amidrer on sistinme minme s' il est ddja foirt bén. |
|
Rivni al copete |
|
|
Èl-Gueuye-Noere
Date d' arivêye: 2019-05-13 Messaedjes: 187 Eplaeçmint: Tchålerwè
|
Date: vén 22 mås, 2024 18:35:17 Sudjet: |
|
|
Bondjoû Thedarkfly,
Pont d' rujhe avou ça, d' èm costé. Tos les rfondeus n' sont nén todi d' acoird eshonne. On betchfessî ki des sakîs eyet mi avans ddja atåvlé lanawaire, -LH-, shonne eto « radicåle », minme si ele sereut pår ahessåve.
Dji comprind les råjhons avou l' ci ki vs propôzez li QU-. Mins nerén, dji n' voe nén pocwè on duvreut uzer ene lete, seulmint k' avou ene ôte : li « Q » todi shuvou do « U ». Èn ôte problinme, c' est li fwait ki candjî « CW- » pa « QU- » ni candje rén å sinse des mots, dit-st i l' fô. _________________ El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns. |
|
Rivni al copete |
|
|
Thedarkfly
Date d' arivêye: 2023-12-15 Messaedjes: 18 Eplaeçmint: Hu
|
Date: vén 22 mås, 2024 22:25:38 Sudjet: |
|
|
Bondjoû Èl-Gueuye-Noere,
Merci po les ecoraedjmints ! Estant on noûcåzeu, dji n' mi sint nén totafwait dins m' droet
Rapoirt a li lete Q måy usêye ôte pårt, n' est-i nén parey avou li X do betchfessî XH ? |
|
Rivni al copete |
|
|
Èl-Gueuye-Noere
Date d' arivêye: 2019-05-13 Messaedjes: 187 Eplaeçmint: Tchålerwè
|
Date: vén 22 mås, 2024 22:44:46 Sudjet: |
|
|
Thedarkfly scrijha: |
Bondjoû Èl-Gueuye-Noere,
Merci po les ecoraedjmints ! Estant on noûcåzeu, dji n' mi sint nén totafwait dins m' droet
Rapoirt a li lete Q måy usêye ôte pårt, n' est-i nén parey avou li X do betchfessî XH ? |
Dji tuze a ça tenawete. Motoit uzer li « -X- » tot seu ?
Po voste estance di noûcåzeu. Fåt bén cmincî åk. Mi-minme, ça ni fwait ki 4,75 anêyes ki dji m' a metou å walon. Epwis, l' adierça d' on forom, c' est d' aveur des berdelaedjes avou diferintès advizes po-z on comon adierça. _________________ El sopoirtance va djonde on si télmint hôt livea k' les sûteyès djins n' pôront pus sondjî a n' nén birer les bezéns. |
|
Rivni al copete |
|
|
|
|
Vos n' poloz nén enonder des noveas sudjets dins ç' forom ci Vos n' poloz nén responde a des sudjets k' i gn a dins ç' forom ci Vos n' poloz nén candjî vos messaedjes dins ç' forom ci Vos n' poloz nén disfacer vos messaedjes dins ç' forom ci Vos n' poloz nén vôter dins les ploncaedjes di ç' forom ci
|
Powered by phpBB © 2001 phpBB Group
|