lucyin
Date d' arivêye: 2005-07-07
Messaedjes: 3793
Eplaeçmint: Sidi Smayil, Marok
|
 Date: mår 17 dec, 2024 13:37:44 Sudjet: s' è fote come di l' an cwarante |
 |
|
| Citåcion: |
Joselyne Mostenne
Dj'èstéve su ç' paudje-là
https://wa.wikipedia.org/wiki/Spot
èt dj'aî vèyu qu'i-gn-éve rin su li spot : I s'è fote come di l'an cwarante
Voci l'èsplicadje. Djo l' tin di Guy Tirtiaux
Ça vint do timps dès "croisades". Lès "croisés" qui ruv'nint d' Jérusalem avint faît conuchance avou l' Coran. Ou, pus vite, avou "Al Coran". Ça n'éve pont d' sins por zèls, si bin qu'i d'jint : "Dji m'è fou come d'al coran". Çu qui a div'nu "Dji m'è fou come di l'an quarante".
Mi qui pinséve, come tot l' monde, va , dandjereûs, qui ça v'néve dès anéyes quarante. Èt, à preûme, dès-anéyes di guêre... |
Oyi, c' est bén çoula. On l' dijheut bén dvant l' guere di 40.
Mins dji metreu l' sourdant bén pus tård, cwand les Walons (Lidjwès et des Bas Payis) estént e margaye avou les Trouks (do tins des croejhådes, on n' djåzéve nén co walon).
Li fråze est pus rshonnante s' on l' dit "dji m' è fote come di l' Alcoran".
Li mot "Alcoran" (c' est l' cogne almande.) rivént dins ene viye paskeye e walon.
https://wa.wikipedia.org/wiki/Djihan_ki_ploye_et_Linete_Mak%C3%AAye_(arim%C3%A9)
"Dj' ô bén a vos tchansonetes
Ki vs avoz lî l' Alcoran."
...la k' il est rsintou come on live foirt préjhî [apprécié].
Po les margayes inte li SInt Impire Romin djermanike e les Trouks, avou rapoirtaedje e walon "en direct", loukîz :
https://wa.wikipedia.org/wiki/Paskeye_sol_sidje_et_l%27_dissidjmint_d%27_W%C3%AEne
Dji va sayî d' mete li spot sol Wiccionaire, et did la sol WIkipedia al pådje ki vos djhoz.
Merci del rimarke.
_________________
Li ci ki n' a k' on toû n' vike k' on djoû. |
|
FAQ
Cweri
Djivêye des mimbes
Groupes d' uzeus
Si fé mimbe
Profil
Lére les messaedjes privés
S' elodjî
