Berdelaedjes

[Scribus electronicus]

Bondjoû,

Dj' a sayî d' emantchî on loyén viè èn ouve, mins çoula n' rote nén co totafwait dadroet.
https://wa.wiktionary.org/wiki/Module:Sourdant/LLaginm
https://wa.wiktionary.org/w/index.php?title=Sourdant:LLaginm&redirect=no

Cial, on voet ki çoula ni s' håynêye nén comifåt
https://wa.wiktionary.org/wiki/pidjole
_________________
Araedjî waloneu prete a rvindjî si mancî lingaedje

[Pablo Saratxaga]

Li côde "wikidata" doet coresponde a èn årtike wikidata k' egzistêye po do bon et k' a les bounès racsegnes.

Vos avoz loyî avou on côde k' evoye... so ene comene d' Itåleye...

S' i n' a pont d' obdjet wikidata po çou k' vos vloz, endè fåt ahiver onk.

Vos ploz shure li loyén wikidata d' èn ôte live sourdant po vey cwè, metans pol E1 : https://www.wikidata.org/wiki/Q13216572

ça doet esse èn obdjet di sôre "eplaidaedje ou modêye", diner s' tite, li sôre di scrijhaedje, l' oteur (la l' oteur a ddja on côde wikidata, on l' pout loyî).
Si vos les trovez, dner eto les côdes pol live dins ds ôtes båzes di dnêyes di lives...

Dji l' a-st ahivé, cial : https://www.wikidata.org/wiki/Q131531826
et do côp, mete li bon côde Q131531826 dins l' sourdant wiccionaire.

[Pablo Saratxaga]

Bondjoû,


Po vosse kesse di pocwè "LLagan" ni va nén come vos vôrîz;
loukîz a s' pådje wikidata ( Q133294406 ) ey a ene ôte (metans, li cene di LLaginm, Q131531826 ).

Po "Amon nos autes", dins l' pådje wikidata i gn a djusse li hårdêye eviè l' årtike Wikipedia; rén d' ôte.

Po "l' inmant", vos veyoz k' i gn a bén d' pus, et des "declaration" :
* li nateure di l' elemint (po dire ki c' est ene ouve sicrîte)
* l' oteur
* li date d' eplaidaedje
* li lingaedje di l' ouve
* l' idintifiant dins l' catalogue del bibioteke royåle di Beldjike (ça c' est bén si vos l' trovez, mins pus målåjhey).

Dji vs lai coridjî (completer) l' intrêye wikidata, c' est pus didactike insi.
pinsez bén a prinde, cwand c' est possibe, les loyéns eviè èn ôte obdjet wikidata cwand c' est possibe, et nén djusse sicrire do tecse (dins ç' cas ci, a pårt bén seur pol tite, tot l' restant doet evoyî viè d' ôtes idintifiants wikidata; come sol pådje di "l' inmant").

On côp les infôrmåcions sol pådje wikidata, les modules do wiccionaire elzès pôront prinde po lzès håyner.

[Pablo Saratxaga]