Berdelaedjes

[Thedarkfly]

Li Rôbaleu

Li djoû k' dj' a vnou å monde, il î fjhéve télmint noer
Ki dji n' m' a nén minme ricnoxhou,
Dispoy ci djoû la, dji bardouxhe, dji cavale
Dji cwir a saveur kimint dj' mi lome
Dji tape tot l' cou-z å hôt, dji coteye totavå
Po m' trover dj' mete tot l' monde e-n ouve
D' aveur bouxhî so totes sôres d' ouxh, dj' a må m' pougn
Dj' a télmint roté k' dji m' trebouxhe
Dj' m' a cwerou dvins les lîves. Il î féve télmint clair
Ki dj' end a moussî foû bablou
Dispoy des anêyes, dj' a l' cervea plin d' tricbales
Dji n' pou pus tuzer, dji bardouxhe
Dj' m' a rloukî dvins les ôtes, li famile, les amis
Totes cenes k' on m' aveut prometou
Dj' end a veyou d' trop, i passît roetabale
Gn a måy nouk ki m' a-st atindou
Dji sereu bén las d' cotyî, d' doirmi sins m' dmoussî
D' cori les fleurs come on påwion
D' esse lomé d' tos les noms totavå
Sins minme poleur ratourner l' bon
Mins dj' so seur ki kék' djoû ça vénrè
Dji ploye les djambes, dji sere les pougns, dji m' hertcheye
Gn a-st i 'ne loumrote tot å coron


A m' voizene*

Davance, on aléve cweri s' feme
Tot bouxhant so l' ouxh da costé
Et pis sovint po fé ses Påkes
On esteut ddja cåzu marié
I gn a bén lontins ki m' cour mi tchante ci rimea la
K' i sereut tins, awè, grand tins ki dj' l' aprindaxhe
I sereut tins, voizene*
Di vs dire ki dji vs inme
Davance, on aléve båjhî s' feme
So li ptit banc cial a costé
Mweteye*, mweteye* e deus cortis
N' aveut nén moyén di s' rovyî
I gn a bén lontins ki m' cour mi tchante ci rimea la
K' i sereut tins, awè, grand tins ki dj' l' aprindaxhe
I sereut tins, voizene*
Di vs dire ki dji vs inme
Dimwin cwand dj' el voerè sol soû
Dji lyi dirè çou k' dj' a sol cour
Ki dji n' pôreut viker sins leye
ki dvins mes sondjes, elle est l' marieye
I gn a si lontins ki dj' ricoirdeye ci rimea ci
Tot cwerant la, dji n' sé pocwè, çou k' dj' a voci
Dimwin boneûr, voizene*
Vos m' direz dji vs inme x3


Dji m' distoûne di m' voye

Dji m' distoûne di m' voye
Dji doe vs vini vey
Vos fé reverince, Monsieu Van Damme
Gostéve(?) kipagneye
Tchanter vos resploes
Ouy, il ont co tos li beaté do diåle
Divins on coine di m' cour
I gn co-st(?) on ptit banc
(Wice) k' dj' va sovint
Pus sovint k' a m' tour, moenner mes pinsêyes
On binamé banc
Wice ki dj' pou rtrover on pô d' djoye passêye
Dji dmanreu voltî
Lon di m' vicåreye
C' est si bon d' råvler
Monsieu Van Damme près d' on banc k' on-z inme
Mins dj' n' a waire li tins
Vocial ene croejhlêye
Dji m' ratoûne so m' voye
Dji m' doe rvini vey


Li Sabat d' Sinte Mére l' Oto

Li veye atake a fruzi, l' matén
L' infier adschind, c' est l' eure do cråmignon
L' solo n' s' a nén co levé, c' n' est rén
I front l' fiesse ås lampions
C' est l' moumint do sabat, l' moumint do sabat
L' moumint do cahu, l' moumint do disdut
C' est l' Sinte Mére l' Oto
C' est l' moumint do vôtion, l' moumint do toubion
L' måle eure des roufleus, l' måle eure des d'trujheus
L' fiesse des forsôlés
C' est l' Sinte Mére l' Oto
L' cråmignon s' va disrôler djudla
D' cint meye hawas, l' clacson s' mete a boerler
Dvins-st on houfa d' foumire et d' raetcha
L' noere fiesse vént d' ataker
C' est l' moumint do sabat, l' moumint do sabat
L' moumint do cahu, l' moumint do disdut
C' est l' tchesse å pîton
C' est lu l' sacrifiyé*, lu l' dejeneré
Lu ki' i fåt spater, lu k' i fåt gåzer
L' ci ki doet crever
Po l' Sinte Mére l' Oto
Al nute, i rmetront çoula, sins rla
L' broyeu(?) djama, l' moennront disca coron
Tant k' n' årè nén-st apicî l' creva
I front l' tchesse å pîton
Dimwin l' årè sabat, après-dmin sabat
Al samwinne sabat, l' moes ki vént sabat
Po l' Sinte Mére l' Oto
C' est l' pîton k' fåt spater, lu l' dejeneré
Lu k' i fåt gåzer, lu l' sacrifiyé*
L' ci ki doet crever
Po l' Sinte Mére l' Oto


Pax Pollinibus bonae voluntatis

C' est ouy fiesse å viyaedje
So l' grande plaece do viyaedje
Tot l' monde avå l' viyaedje
Si ricnoxhe tot plin des amis
C' est l' påye avå l' viyaedje
Djoû d' djoye avå l' viyaedje
Totès les djins do viyaedje
Vôrént boere leu vere avou mi
C' est fiesse por ci, c' est fiesse por la
Nolu n' tuze pus
Mins ki n' crive-t i don, ci-la, l' voizin*
Ci-la ki l' tchén hawe tote nute e djårdén
K' a tofér les pus belès fleurs al Tossint
Ci-la ki mintixh, ci-la ki s' implixh del sijhe å matén
Ci-la k' on voereut voltî crever dmwin, l' voizin*
Kékès djoûs sins talmaxhaedje
Sins djåzmints, sins brognaedje
C' est l' påye avå l' viyaedje
On n' a pu l' tins di s' kihagnî
C' est l' moumint des båjhaedjes
Des siermints, des riyaedjes
Dji n' ô pus nou gueuyaedje
C' est ouy li djoû des complumints
C' est lu l' pus bea, lu k' on inme bén
L' ci k' on voereut vey crever dmwin, l' voizin*
Ci-la ki conte k' a l' djône li pus malén
Ki lyi fåt roter come on prezidint
Ci-la ki frawtêye, ci la ki s' goirdjeye del sijhe å matén
Ci-la k' on voereut voltî crever dmwin, l' voizin*
C' esteut fiesse å viyaedje
Djoû d' djoye avå l' viyaedje
Tot l' monde avå l' viyaedje
Si ricnoxhéve tot plin d' amis
C' esteut l' påye å viyaedje
Djoû d' djoye avå l' viyaedje
Totès les djins do viyaedje
Si djhént bondjoû sins s' kihagnî
C' esteut fiesse por ci, fiesse por la
Djel trovéve bea, lu m' inméve bén
Ah, ki bovéve(?), voizin*
Vos poloz bén henter radmint
Ca djel sé bén po m' ahåyî
Vos crivrez dmwin
Santé, voizin*
Hentez radmint, voizin*
Vos crivrez dmwin, voizin*
Moirt ås måssîs, moirt ås tcherpints(?)


Totafwait rote cou dzeu cou dzo

Åy, vraiymint, dj' end a m' sô
Dispoy li tins k' dji cwir l' ivier
Ki djel porshû d' tos les costés
Dji n' a måy rescontré l' osté
Il ont tos les deus corou evôye
Po si dner do bon tins eshonne
Dispoy li tins k' n' a pus nivé
Et ki l' solo end a ndalé
Åy, vraiymint, dj' end a m' sô
Dispoy li tins k' dji cwir li nute
Ki djel houke a mi dpoumoner
Avou del loumire aloumêye
Dja toumé so deus beas apôtes
I gn a l' prumire* k' a sogne sins l' ôte
Dispoy li tins ki dj' n' a pus doirmou
Divins on lét et l' noer åtoû
Åy, vraiymint, dj' end a m' sô
Dispoy li tins k' dj' cwir mes amis
Et ki dj' les kishû sins repit
Dji n' m' a måy trové nol innmi
Il ont surmint tos corou evôye
Po-z aler fé fristouye eshonne
Dispoy li tins k' tot l' monde mi rlouke
Sins minme savoer kimint dji m' lome(?)
Åy, vraiymint, dj' end a m' sô
Dispoy li tins k' dj' louke les nûlêyes
Po-z i rtrover l' resse di gaiyté
Ki les andjes ont volou m' diner
C' est co pus bén cial ki sol toet
Gn a l' cîr ki s' prind on pô pol(?) muroe
Dispoy ki Dju n' sé wice dårer
Ca i s' pôreut bén fé touwer
Dj' enda m' sô


Pôve Tiesse

A foice di m' escoler* paski m' faléve tot knoxhe po viker
On m'a hati l' cervea
I gn a-st ene årmêye d' idêyes k' moennèt bacara sins s' arester
Dj' a l' tiesse come on saeyea
Dji croe k' il î fwait co pé, 'l î fwait co pé k' amon Laca, k' amon Laca
'L î fwait co pé, 'l î fwait co pé
Dji croe k' il î fwait co pé, 'l î fwait co pé k' amon Laca, k' amon Laca
K' amon Laca
(x2)
Ah, ké tricbale !
Ah, ké micmac !
Ah, ké vôtion !
Ah, ké bazår !
Ah, ké cayon !
Ah, ké maxhisse !
I 'm shonne ki m' tiesse a mezåjhe d' on bon côp d' ramon
Bon côp d' ramon, bon côp d' ramon
Dji croe k' il î fwait co pé, 'l î fwait co pé k' amon Laca, k' amon Laca
'L î fwait co pé, 'l î fwait co pé
Dji croe k' il î fwait co pé, 'l î fwait co pé k' amon Laca, k' amon Laca
Pôve tiesse !
A t' voleur trop bén fé, on t' a goirdjî disca t' fé peter
D' ene kiriyele d' amålvå
Faléve tot ahopler, tot eton'ler, n' rén leyî passer
Faléve infler m' cervea
Eco on pô pus, eco on pô pus
Asteure il î fwait co pé, 'l î fwait co pé k' amon Laca, k' amon Laca
'L î fwait co pé, 'l î fwait co pé
Asteure il î fwait co pé, 'l î fwait co pé k' amon Laca, k' amon Laca
K' amon Laca
(x2)
Ah, ké tricbale !
Ah, ké micmac !
Ah, ké vôtion !
Ah, ké bazår !
Ah, ké cayon !
Ah, ké maxhisse !
I 'm shonne ki m' tiesse a mezåjhe d' on bon côp d' ramon
Bon côp d' ramon, bon côp d' ramon
Dji croe k' il î fwait co pé, 'l î fwait co pé k' amon Laca, k' amon Laca
'L î fwait co pé, 'l î fwait co pé
Dji croe k' il î fwait co pé, 'l î fwait co pé k' amon Laca, k' amon Laca
K' amon Laca
Asteure il î fwait co pé, 'l î fwait co pé k' amon Laca, k' amon Laca
'L î fwait co pé, 'l î fwait co pé
Asteure il î fwait co pé, 'l î fwait co pé k' amon Laca, k' amon Laca
K' amon Laca
(x2)


Les Dmey-doûs do costé del Mouze

C' est k' tote li famile aveut vnou des dmey-doûs do costé del Mouze
I-z alént fé festin d' Baltazår po Matîssalé, l' radjonni ki n' est nén co po l' laid Wåti
Gn aveut la Mareye rouf-tot-djus et Djhan l' nåjhi
L' ewaeré Djîle, li Sint Linå, l' Matî fwait-tot
Li grande Cicîle, li grosse Djihene, l' Djulete
Et s' camaråde Djåclene ki vs dîrîz l' åté d' Sinte Djulene
Gn aveut minme cénk ou shijh Hinri
Tot çou ki fåt po bén tchessî ene bele grosse poye foû d'on corti
L' estént tos vinou del bande des dmey-doûs ki dmane costé del Mouze
(x2)
End aveut la ki fjhént ls gugusses, ki fjhént ls Pierot, fjhént on Matî
Gn a des cisses ki tournént Marôye
Gn aveut des wiyinme et gn aveut ki voeyént Råsse et Rnådî
Des sots Houbiè, des beas Michel, kékès grands Djåke,
Des målès Magrite, des Djhan tot-plat, des Djhan n'a-nol
Et des come Coleye et Mayon, des sots Matî
Li pôve Lazåre k' eponte a Tibi et Gåtî
Gn aveut minme cénk ou shijh Hinri
Pus ki n' è fåt po bén tchessî ene bele grosse poye foû d'on corti
L' estént tos vinou del bande des dmey-doûs ki dmane costé del Mouze
I-z avént moussî foû, l' famile des dmey-doûs, l' fanfåre di Schoûte-s'i-ploût
L' estént tos vinou del bande des dmey-doûs ki dmane costé del Mouze
(x2)
I-z alént fé festin d' Baltazår
Po Matîssalé, l' vî bazår
I vike trop, vike et vike trop tård(?)


Djulia Deus

Et vos vla vos, vos Djulia Deus
Ki vs amoennez mitan d' soirêye*
Vos fé båhî come Djulia Treus
Inte di les ôtes, Djulia Onk
Come Djhan ki tchoûle et Djhan ki reye
Djulia ki candje mitan d' soirêye*
Djulia bone vîle, Djulia djonne feye
Djulia Nanesse, Djulia Catrene
Djulia Mareye, Djulia Djåklene
Mamzele cour d' agnon å long del samwinne
Mins Djulia vos, vos Djulia Deus
Vos l' Djulia k' etind ossu: « Dji vs inme »


Tot riguedé

Dj' so tot rigue-, tot rigue-, tot riguedé
Dj' so tot rigue-, to rigue-, tot riguedé
Ca ele m' a regå-, m' a regå-, m' a regådi*
Dj' so tot rague-, tot rague-, tot ragueri
Dji m' sin regå-, bén regå-, bén regådi*
Dji m' sin regå-, tot regå-, regådiné*
Ca ele a xhoré, ele a schové, ele a tot rnetyî
Elle a tot rlavé, dj' a l' cervea tot remantchî
I n' î fwait pus co pé k' amon Laca
Dji m' sin beacôp mî
Pus d' målès idêyes nol på
Dj' a l' cabu rarindjî
Elle a polou m' rapå-, m'a polou rapåjhter
Ouy dji pou, dji pou ra-, pou rapinser
Et dj' so rigue-, so rigue-, so rigedé
Dj' so tot renon-, tot renon-, tot renondé
Ca ele m' a regå-, m' a regå-, m' a regådi*
Dj' so tot rague-, tot rague-, tot ragueri
Dji m' sin tot ra-, sin tot ra-, tot radjonni
Dji m' sin tot ra-, sin tot ra-, tot rahessî
Ca ele m' a rabe-, m' a rabe-, m' a rabeli
Dj' so tot rague-, tot rague-, tot ragueri
Elle a tot rambe-, tot rambe-, tot rambeli
Elle a tot rafre-, tot rafre-, tot rafrexhi
Ouy dj' a l' cervea, ouy dji l' a tot radroeti
Djel sin tot ra-, sin tot ra-, tot rafranki
I n' î fwait pus co pé k' amon Laca
Dji m' sin beacôp mî
Pus d' målès idêyes nol på
Dj' a l' cabu rarindjî
Elle a polou m' rapå-, m' a polou rapåjhter
Ouy dji pou, dji pou ra-, pou rapinser
Dj' so tot rafi-, tot rafi-, rafistolé
Dj' so tot radju-, tot radju-, tot radjusté
Ca ele m' a tot ra-, tot raco-, racomodé
Ouy dji pou ra-, pou rata-, pou rataker
Dj' so tot rigue-, tot rigue-, tot riguedé
Dj' so tot rigue-, to rigue-, tot riguedé
Ca ele m' a regå-, m' a regå-, m' a regådi*
Dj' so tot rague-, tot rague-, tot ragueri
Dj' so tot rafi-, tot rafi-, rafistolé
Dj' so tot radju-, tot radju-, tot radjusté
Ca ele m' a tot ra-, tot raco-, racomodé
Ouy dji pou ra-, pou rata-, pou rataker


Tchanson d' Noyé

Dj' a scrît cisse tchanson cial po ene nute di Noyé
Cwand l' cîr, on moumint dné, s' a dhalé des nûleyes
Et ki l' solo, po 'ne feye, tot reyant d' tot costé
Totavå s' a levé, e l' nute s' a-st aloumé
Divins les stoeles pår meye (?), totavå ki riyént
C' esteut l' påye k' adschindéve
Kirié, p' on moumint
Ele vinéve el djalêye taper rén k' on côp d' ouy
Dvant d' endaler viè l' coron, la wice ki l' solo lût
S' pormoennéve totavå, wice k' i ploût, wice k' i cût
Ele vinéve po 'ne soirêye*, on ptit moumint l' annêye
La wice ki les djins nåjhîs si dschirént totavå
Tuzèt a ley tot costé
Kirié, po on moumint

Ele ni dmana k' on tins, pus ndala sins rén dire
I l' avént tertos loukî, sins trop i croere bråmint
Ele li sinta d' on côp ki c' esteut po on djoû seulmint
Vs avoz co tertos minti, dji l' åreu dvou wadjî
Dji rvinrè l' an ki vént vir si vs va-st on pô mî
Li cîr si fjha tot noer, p' on moumint
L' tins po l' påye di rmonter si rpoizer diska dmwin


Camamele et Cataplame

C' est on ptit vî ki n' pout pus hay
Plin d' lai-m'-e-påye, ki l' gote kihagne
Et ki n' vike pu k' po s' Cata
S' Cataplame, s' Cataplame
Avou 'ne viye ki n' pou waire pus hay
Ki n' sorvike ki po s' viye canaye
A foice di s' djate di s' Cama
S' Camamele, s' Camamele
Camamele et Cataplame
K' a må por ci, k' a må por cial
Camamele et Cataplame
Et té d' cwate fleurs pus té d' tiyoû
Il a-st on mestî totafwait noû
Compresse tot nute, tizåne tote djoû
Asteure il ouvere e l' Cata
Cataplame, Cataplame
Leye, ele veyéve ddja tot s' arindjî
Avou l' pinsion, rén n' a candjî
Asteure ele ouvere e l' Cama
Camamele, Camamele
Camamele et Cataplame
K' a må por ci, k' a må por cial
Camamele et Cataplame
Et té d' cwate fleurs pus té d' tiyoû
Il ont-st ene ovraedje d' apoticåre
L' påye e cervea mins l' diåle-e-coir
Må d' tiesse, må d' vinte pwis må d' pî
C' est k' leu coir fwait l' måssî
Et té d' cwate fleurs pwis té d' tiyoû
Compresse tote nute, tizåne tote djoû
S' Cata por ci, s' Cama la
S' Camamele, Cataplame
C' est Camamele et Cataplame
Dj' a må por ci, t' a må por cial
C' est Catamele et Camaplame
Dji t' sogne por ci, ti m' sogne por cial
C' est Catamele et Camaplame
Dj' a må por ci, t' a må por cial
C' est Catameplame