Berdelaedjes

[lucyin]

Dj' a-st eployî, disk' asteure, perlinaedje (avou rbetchfessaedje do R) mins pelrin (sins rbetchfessaedje).

I fåreut-sy erîler.

Li mot "perlinadje" egzistêye a Transene, mins les djins pus catolikes dijhnut "pèlèrinadje", çou ki mosterreut ki l' prumire cogne est pus viye.

Po "perlin", dji croe k' gn a-st a Yåle ene rowe "des perlins".

=> dji clintche po "perlin" / "perlinaedje".
_________________
Li ci ki n' a k' on toû n' vike k' on djoû.

[Pablo Saratxaga]

li ridaedje LR <-> RL est foirt corant;

mins pol mot "pelrin" ça soune mi k' "perlin";

Li shûte LR est pus lådje oyowe; c' est l' minme k' e francès (et, do côp, li cene ki va esse eployeye "spontanêymint"); et permete eto di rascovri les prononçaedjes avou ene stitcheye voyale (/pèlèr-/, /pèlur-/; måy /pèrèl-/ ou /pèrul-/ )

[lucyin]

Li simpe "perlin" (avou ribetchfessaedje do R) mi shonne pus walon ki "pelrin", ki c' est ossu do francès d' Beldjike.

On l' ritrouve dins des nos d' plaeces, a Yåle (rue des perlins, Alle-sur-Semois) et a Arniye
(Crwa perlin, Papî Doppagne so les nos d' plaece des viyaedjes del Walonreye francesse), nén rprins dins l' motî d' Arniye p. 146

Dj' eploye "perlinaedje" (S109,S117) a tot côp bon (30 eployaedjes sol WIkipedia).
_________________
Li ci ki n' a k' on toû n' vike k' on djoû.

[lucyin]

Dins l' bodje latén "peregrinus", li R est padvant.

perlinaedje dins R13

C' est l' mot li mî documinté:

cogne a 2 pîs:

perlinaedje [R13]; perlinadje [S117]; pèrlinadje [S109]; pelrinadje [S117];

cognes å 3 pîs, ki xhinèt li francès pélerinage. On E insi e francès ni passe nén e walon
pélérinadje [C8]; pèlèrinâdje [O4,S117]; pèlèrinège [JKlc]; pèlurinech [E203]; pèlèrinèdje [E1,S0]; pèlèrinadje [C9,C106]
_________________
Li ci ki n' a k' on toû n' vike k' on djoû.

[Pablo Saratxaga]

Li pus lådje oyowe est avou deus pîs.

* peRL- so fok deus motîs: S117 eyet S109
* peLR- so on motît: S117
* peLuR- (ou peLèR-): 9 motîs; E1,E203 avou -u-; ls ôtes (C8,C9,C106,S0,S36,S117) avou -è- )

I fåreut vey comint çki des djins foû des plaeces rascovietes pa S117 et S109 el rissintèt.