Berdelaedjes

[Scribus electronicus]

Li singulî prezintrece e Lidjwès fwait bwèhèye mins on-z a bwèheû èt bwèhèdje, mins si ene disfondowe bwèhieû egzistêye divins l' E1.

Rapoirt a l' etimolodjeye, *boisiller mi shonne pus creyåve ki *boisier.[/i]
_________________
Araedjî waloneu prete a rvindjî si mancî lingaedje

[Scribus electronicus]

"bosseye" sorlon Haust
_________________
Araedjî waloneu prete a rvindjî si mancî lingaedje

[Pablo Saratxaga]

c' est nén del 3inme troke ( -yî ); i n' a nol "i/y" rispitant dins les parintêyes.


Les cognes -eye do codjowaedje, c' est come schoircî : on bodje ki finixh pa ene xhuflante + -î a-st on codjowaedje avou l' bodje B ki finixh avou -ey (dji schoirceye); mins pont di "y" dins l' bodje A (nos schoirçans).

C' est l' codjowaedje 25 (schoircî) dins Gilliard, et l' p68 (bezaecî) dins Stasse.


Dins l' codjowaedje Stasse (Lidje) i gn a l' modele p 66 : ècorèdjî
A=''ècorèdj-'', B=''ècorèdjèy-'', C=''ècorèdjèy-''; dj' ''ècorèdjèye'', nos ''ècorèdjans'', dj' ''ècorèdjèyerè'', ki dj' ''ècorèdjèye'', dj' a ''ècorèdjî''

Li codjowaedje "dji bwèhèye" est del minme sôre.

Mins e rfondou po ces viebes la, c' est l' minme codjowaedje ki "magnî" (come dins l' Gilliard (Nameur), et come li dobe codjowaedje "dj' ècorèdje" (p 64 di Stasse).


Pol parintaedje avou l' francès; "*boisiller" ireut purade avou "bwejhler" eyet "bwejhî" avou "boiser", mi shonne-t i.

[Pablo Saratxaga]

"bwejhî" est del minme sôre ki "préjhî, dimeprijhî" ("priser, mépriser" e francès), et tos les noûmots fwaits avou l' cawete -ijhî (fr: -iser).


I n' a nou shuvion -jh-y- dins l' DTW;
mågré k' i gn a :
* 34 -jh-i- (son "i", nén "y")
* 126 -jh-î

* 2 ch-y (muchyî, muchiaedje)
* 8 sch-y (li famile di "schiele")
* 2 tch-y (brantchyî, brantchiaedje)
* 4 sh-y (mashyî, et codjowas di ashir)
* 17 xh-y (sacwants viebes -xhyî, eyet bodjes -xh + cawete -ion)
* 12 h-y (hiede, crahyî,...)

Les cognes xh-y eyet h-y mostrèt k' a Lidje on pout aveur on shuvion [hj].

Mins pout on aveur [Zj] ?
Dins l' DTW li seu k' i gn a e rfondou c' est l' noûmot "zolodjyince" (avou des parints "zolodjincieus" (ça fwait k' ça dvreut purade esse "zolodjince")

Si on rwaite les disfondowes (e Feller), i gn a :
* les bodjes avou [-Z] + disfondowe -ya del cawete -ea (3 côps)
* bodje avou [-Z] + cawete -ion (1 côp)

tos ls ôtes c' est des calcaedjes do francès -ien-, -ièm-, -ion- (eg: chirurgien, religion, région,...)