Berdelaedjes

[lucyin]

Li muguèt

Vola l’ tinrûle muguèt r’flori,
Volez-v’ on bê bouquèt, mamêye ?
Di s’ sinteûr, lès doûcès hinêyes
Vis f’ront roûvî vos p’tits displits.

Chake nozêye cloke si fignolêye,
So tot l’ corant dè meûs d’ avri ;
Èt l’ prumî d’ may di chake ån.nêye,
Vola l’ tinrûle muguèt r’flori.

Dji sé wice lès-aler cwèri,
Là qu’ dj’ ènnè trouv’rè dès pougnêyes,
Ènn’ on cléris, tot près d’ on ri.
Volez-v’ on bê bouquèt, mamêye ?

Ci bouquèt-là qu’ dji v’ vou-st-ofri,
Arindjîz-l’ sorlon voste îdêye
Èt s’ houmez d’vant qu’ i n’ seûye flouwi,
Di s’ sinteûr, lès doûcès hinêyes.

Insi troûv’rez-v’, mi binamêye,
On p’tit boneûr a cåse di mi ;
Totes cès blankès clokes bin florêyes
Vis f’ront roûvî vos p’tits displits.

Benjamin HARDY

(a si p’tite-fêye)

(evoyaedje da Jean-Paul Pirson del copinreye do Tchårnoe-dlé-Harsin
_________________
Li ci ki n' a k' on toû n' vike k' on djoû.