Berdelaedjes

[Scribus electronicus]

Bondjoû mes binamêyès djins,

Ki dirîz vs do fé ene categoreye po les pårticipes erireces ki n' ont nén l' minme cawete k' e francès ?

Vola sacwants egzimpes

Ashir / ashiou ≠ assoir / assis
Clôre/ cloyou ≠ clore / clos
Covri / covrou ≠ couvrir / couvert
Cweri / cwerou ≠ quérir* (vî mot, ôte sinse, mins minme tayon-bodje) / quéri
Doirmi / doirmou ≠ dormir / dormi
Haire / haeyou ≠ haïr / haï
Mete / metou ≠ mettre / mis
Mori / morou ≠ mourir / mort
Nexhe / nexhou ≠ naître / né
Oende / oendou ≠ oindre / oint
Oizeur / oizou ≠ oser / osé
Plinde / plindou ≠ plaindre / plaint
Ponde / pondou ≠ peindre / peint
Shure / shuvou ≠ suivre / suivi
Siervi / siervou ≠ servir / servi
Sinti / sintou ≠ sentir / senti
Strinde / strindou ≠ étreindre / étreint
Texhe / texhou ≠ tisser / tissé
_________________
Araedjî waloneu prete a rvindjî si mancî lingaedje

[Pablo Saratxaga]

Sacwants ont eto des dobes cognes pol p.e. :

* ashir : ashiou, ashiowe ou ashid, ashide (c' est tot l' viebe k' a-st on dobe codjowaedje, nos ashians / nos ashidans)
* clôre : cloyou, cloyowe ou clôs, clôse
* covri : covrou, covrowe ou coviert (ou coviet ? nén seur do rfondaedje a fé), coviete
* shure : shuvou, shuvowe ou shû, shûte

[Scribus electronicus]

Endè pout on fé feus di diferins, savoz di côdes, insi ?
_________________
Araedjî waloneu prete a rvindjî si mancî lingaedje

[Pablo Saratxaga]

Mi dji n' croe nén ki ça soeye ene boune idêye.

Ces côdes c' est foirt ahessåve cwand c' est sistematike, çoula permete di categorijhî et d' loyî et trover des sacwès.
Mins po k' ça rote bén, elzès fåt tofer mete.

Po des sacwès k' i gn a, c' est åjhey, on nel såreut rovyî del mete :
* li sôre di mot
* li lingaedje
* li motî ou côde sourdant d' èn egzimpe dins l' hagnon "ortografeyes"
* li codjowaedje (si on mete li modele -codjow- i s' va mete dins l' boune categoreye)

mins ene categoreye po "on mot walon k' est diferin di s' cuzén francès", cwand l' mete ou nén ?
Po "loukî" el fåt i mete, ou c' est trop diferin di "regardé" ?
Et po "r(i)waitî" ? c' est diferin ou nén di "regardé" (ou c' est djusse veyou come des candjmints fonolodjikes, come -ea / -eau, -aedje / -age ?)

Ey eto, dins èn ôte livea, dji n' inme nén l' idêye di defini/categorijhî des mots walons d' après l' francès.
C' est ene miete come di n' cåzer d' Pire ki come "li fré da Stiene"; adon k' i sont-st ambedeus les valets dal Magrite.

(ey eto, mi dji saye di n' nén tuzer e francès ou e francès cwand dji screye e walon